வடக்குபட்டு ராமசாமி

நண்பன் - 100% ரீமேக்

2012-01-14T00:12:00.001+08:00

3 Idiots எல்லாரும் பார்க்க வேண்டிய படம். இந்த படத்தை என் கூட வேலை பார்க்கும் சீனா, பிலிப்பின்ஸ் மக்கள் கூட விரும்பி பார்த்தாங்க. இதை பார்க்காத தமிழ் மக்களுக்காக ரீமேக் பண்ணியதற்காக ஷங்கரை பாராட்டனும். இதனால இன்னொரு நல்ல விஷயம், multi-starrer படங்கள் பாலிவுட் மாதிரி இங்கேயும் வந்திருக்கு. இனிமே இந்த மாதிரி வந்தா தான் கொஞ்சமாவது மக்கள் தியேட்டர்க்கு வந்து படம் பார்ப்பாங்க.

ஷங்கர்
ஜெயம் ராஜா மாதிரி ரொம்ப நல்லா ரீமேக் பண்ணி இருக்காரு. வசனம் எல்லாம் நல்லா இருக்கு. ஒரிஜினல் படத்துல கொண்டு வந்த அதே பீலிங்க்ஸ் கொண்டு வந்துருக்காரு. பாட்டு எல்லாம் மட்டும் ஷங்கர் படத்துல ஏற்கனவே பார்த்த மாதிரி தான் இருக்கு. படத்துக்கு சரியான ஆட்களை தேர்வு செய்திருக்காரு இலியனா தவிர.

விஜய்
அப்பாடி! ரொம்ப நாள் கழிச்சு பஞ்ச் டயலாக், அடி தடி, ஹீரோயிசம் இல்லாம வர்றாரு. இன்னொரு நல்ல விஷயம் அறிவுரை சொல்ற மாதிரி கிளைமாக்ஸ்ல நீளமான வசனம் கிடையாது. ஆமிர் கான் கூட எல்லாம் இவரை ஒப்பிட முடியாது, பட் நல்லா தான் செஞ்சிருக்காரு. சூர்யா பண்ணி இருந்தா இன்னும் நல்லா இருந்திருக்கும், ஏன்னா நம்ம ஊர்ல கலரா இருக்கவன் பொய் சொல்ல மட்டான்ற மாதிரி, கலர் கம்மியா இருக்கறவனை புத்திசாலியா ஒத்துக்க மாட்டாங்க. படத்துல ஆள் பார்க்க நல்லா இளமையா இருக்காரு.

சத்யராஜ்
போமன் இராணி லெவெலுக்கு கலக்கி இருக்காரு சத்யராஜ். அந்த வசன உச்சரிப்பு மட்டும் ஒரிஜினல் மாதிரி இருக்கணும்னு ஒரு மாதிரியா பேசறது செயற்கையா இருக்கு. அதை மட்டும் சத்யராஜ் பாணிக்கே விட்டு இருக்கலாம்.

ஜீவா
ஜீவாவும் ஷார்மன் ஜோஷிக்கு இணையா கலக்கலா பண்ணி இருக்காரு. இவரு நூறு சதவீதம் சரியானு தேர்வு இந்த ரோலுக்கு.

ஸ்ரீகாந்த்
இவரும் நல்லா தான் பண்ணி இருக்காரு ஆனா மாதவன் அளவுக்கு இல்லை. இருந்தாலும் பெருசா குறை ஒன்னும் சொல்ல முடியாது.

சத்யன்
இவரு சான்ஸ்ஸே இல்லை. ஜீவாவுக்கும் இவருக்கும் மட்டும் தான் புல் மார்க்ஸ். 3 Idiotsல இந்த ரோல் ரொம்ப முக்கியமானது. இதை இவர விட்டா வேற யாரும் இவ்வளோ நல்லா பண்ணி இருக்க முடியாது.

இலியனா
படத்துல இருந்த ஒரே குறை இவங்க தான். சில இடத்துல பார்க்க முடியலை. குரூப்பா டான்ஸ் ஆடும் போது இவங்கள கண்டு பிடிக்கவே கஷ்டமா இருக்கு. ஒரு காட்சியில இவங்க பேசற லோக்கல் தமிழ் ரொம்ப கொடுமை. வேற யாரையாச்சும் போட்டு இருக்கலாம்.

மத்தப்படி ஒளிப்பதிவு ரொம்ப அருமை. இசை பரவா இல்லை. அஸ்கு லஸ்கா பாட்டு மட்டும் தான் எனக்கு ஞாபகம் இருக்கு. இடைவேளைக்கு அப்புறம் வர பாட்டெல்லாம் கடுப்பேத்துற மாதிரி இருந்துது.

3 Idiots பார்க்கலைன்னா, கண்டிப்பா பார்க்கலாம். இதை தான் பார்க்கணும்னு இல்லை, ஹிந்தி தெரிஞ்சா 3 Idiotsயே பாருங்க.

ஒஸ்தி பத்தி....

2011-12-08T01:11:00.010+08:00

இப்போ தான் ஒஸ்தி பாத்துட்டு வரேன். படம் ஓகே தான். இது தபாங் ஹிந்தி படத்தோட ரீமேக். ஹிந்தில மிக பெரிய ஹிட். அதுக்கு முக்கிய காரணம் சல்மான். ரொம்ப தெனாவட்டா, ஸ்டைலா பண்ணி இருப்பாரு. சிம்பு சொல்லவே வேண்டாம், ஸ்டைலோ ஸ்டைலு. போலீஸ் ரோல் இவருக்கு சரி பட்டு வருமான்னு யோஸிச்சேன், பரவா இல்லை ஓரளவுக்கு பொருந்தி இருக்கு. ஜித்தன் ரமேஷ் சிம்புவோட அண்ணனா வர்றது கொஞ்சம் ஓவர். வேற யாரையாச்சும் போட்டு இருக்கலாம்.

சந்தானம், மயில்சாமி, தம்பி ராமையா எல்லாரும் சேர்ந்து சிம்புவோட ஒரே ரகளை. படம் முழுக்க ஜாலியா தான் போகும். தபாங் படம் பாக்காதவங்களுக்கு இன்னும் நல்லாவே போகும். ரிச்சாவுக்கு மயக்கம் என்ன படத்துல நடிக்க எவ்வளோ நல்ல ஸ்கோப்போ அதுக்கு நேர் மாறா இந்த படத்துல பெருசா ஒன்னும் இல்ல. எண்ணி ஒரு நாலு டயலாக், அவ்வளோ தான். ஆனா நல்லா தான் இருக்காங்க:) நிறைய நேரம் கண்ணுலயே பேசிடறாங்க. சோனு சூத் தான் படத்தோட வில்லன். தபாங் படத்துலயும் இவர் தான் வில்லன். இவருக்கு பொருத்தமான ரோல் தான். சல்மான் ஒடம்புக்கு இவரு ஒடம்பு பொருத்தமா இருக்கும். இவரு ஒடம்ப காட்டறாருன்னு சிம்பு கடைசி சண்டையில ஒடம்ப காட்டறது சின்ன புள்ள தனமா இருந்தது. சிரிப்பு தான் வந்துது.

படத்துல பாட்டு எல்லாம் சூப்பர். வழக்கம் போல சிம்பு கலக்கல் டான்ஸ். இவரு இருந்தா தான் பாட்டே கலை கட்டுது. கலாசலா பாட்டு ஆரம்பத்துல டான்ஸ் எல்லாம் ஒன்னும் பெருசா தெரியல. சிம்பு உள்ள வந்த உடனே தான் ஒரு வேகமே வரும். இந்த பாட்டுக்கு தான் தியேட்டர்ல பயங்கரமான விசில். படத்துல பாராட்ட வேண்டிய இன்னொரு விஷயம் வசனம். யாரு எழுதினான்னு தெரியல ஆனா நல்லா இருந்தது. படத்துல எல்லாரும் பேசுற ஸ்லாங் கொஞ்சம் உறுத்தலா இருக்கும். சிம்பு வில்லன் கிட்ட எவ்வளோ நாள் தான் நான் கெட்டவனாவே நடிக்கிறதுன்னு சொல்லுற டயலாக் அஜித்தை ஞாபகபடுத்தும். படம் முழுக்க இது மாதிரி நக்கலா நிறைய வசனங்கள். ஆரம்பத்துல அம்மாவை வேற இழுத்து இருப்பாங்க. இது யாரோட யோசனைன்னு தெரியல.

நோ பெரிய செண்டிமெண்ட்ஸ், நோ கருத்து கந்தசாமீஸ், நோ ஓவர் பில்ட்-அப்ஸ்....சும்மா குடும்பத்தோட ஜாலியா டைம் பாஸ் பண்ண இந்த படம் பாக்கலாம்.

மன்மதன் அம்பு - ஷார்ப்பு

2010-12-23T23:46:00.006+08:00

பல மாதங்களுக்கு பின் ஒரு பதிவு போடலாம்னு தோனுச்சு. இத்தனை நாள் கண்ணா பின்னாவென்று ஆணி புடுங்கியதால் பதிவு போட நேரம் கிடைக்கவில்லை. அது மட்டுமில்லாமல் வீட்டிற்கு வந்து கணினியில் உட்கார என் ஒன்றரை வயது மகளும் அனுமதிப்பதில்லை.(என் மனைவி மட்டும் எப்படி தான் facebookல game ஆடறாலோ:) வருட கடைசி என்பதால் இப்போ ஆணி புடுங்கற வேலை கொஞ்சம் கம்மிதான். இருப்பினும் இந்த பதிவை வீட்டில் இருந்து தான் எழுதுகிறேன், என் மகள் தூங்கிய பின். இப்போ தான் மன்மதன் அம்பு முதல் நாள் முதல் காட்சி பார்த்துட்டு வரேன். சரி இந்த படத்தின் விமர்சனத்தையே போட்டுடலாம்னு எழுத ஆரமிச்சிட்டேன்.

இந்த படம் நாளை தான் இந்தியாவில் ரிலீஸ் ஆகிறது. இங்கு (சிங்கப்பூரில்) எப்போதும் ஒரு நாள் முன்பே ரிலீஸ் ஆகி விடும். எந்திரனும் இப்படி தான் பார்த்தோம். ஆனால் எந்திரன் இணையதளம் வழியாக பதிவு செய்யும் பொழுது முக்கால்வாசி தீர்ந்து விட்டிருந்தது. இந்த படத்திற்கோ வெறும் எட்டு சீட்டுகளே பதிவாகி இருந்தது. இது கொஞ்சம் யோசிக்க வைத்தது, இருப்பினும் கமல், கே.ஸ். ரவிக்குமார் காம்பினேஷன் ஆச்சே. சரின்னு புக் பண்ணிட்டேன்.

படம் சூப்பரா இருந்ததுன்னு சொல்வதை விட நல்ல டைம் பாஸ், நல்லா மனசு விட்டு சிரிக்க முடிஞ்சிது. தெனாலி, பஞ்சதந்திரம் அளவுக்கு காமெடி இல்லைனாலும் படம் நல்லா தான் இருந்தது. கண்டிப்பா ஹிட் ஆகும். கமலோட நடிப்பு ரொம்ப எதார்த்தம். உண்மைய சொன்னா படம் முழுக்கவே ரொம்ப யதார்த்தமா தான் இருந்தது. ரொம்ப சினிமாத்தனமா தெரியல.

படத்துல ஒரு நடிகையாகவே வராங்க த்ரிஷா. அதனால சூர்யா ஒரு கெஸ்ட் அப்பியரன்ஸ் வேற. த்ரிஷாவ காதலிச்சு கட்டிக்க போற வேஷத்துல மாதவன். இவங்களுக்குள்ள ஒரு சின்ன சண்டை வந்து பிரிஞ்சு போறாங்க. தன் தோழி சங்கீதாவுடன் வெளிநாடுகளுக்கு சுற்றுலா செல்லும் த்ரிஷாவை வேவு பார்க்க மாதவன் அனுப்பும் நபர்தான் கமல். முன்னாள் ராணுவ மேஜர்.

ரமேஷ் அர்விந்த் கமலின் நண்பராக வந்து கலக்கி இருக்கார். இதுவரை அவர் நடித்ததிலேயே எனக்கு பிடிச்சது இதுதான். ரொம்ப இயல்பா செய்திருந்தார். முதல் காட்சியிலேயே கண்களை கலங்க வைத்து விட்டார். கமலுக்கும் இவருக்கும் உள்ள நட்பை மிக மிக அழகாக காட்டி இருந்தார்கள்.

இன்னொரு விஷயம் த்ரிஷா உள்பட படத்துல எல்லோரும் சொந்த குரலிலேயே பேசி இருக்கிறார்கள். த்ரிஷா கவிதை சொல்வது மட்டும் கொஞ்சம் காமெடியா இருந்துச்சு, மற்றபடி ஓகே. மாதவன் வழக்கம் போல நல்லா பண்ணி இருக்கார். கமல் படத்துல இவர் எப்பவுமே கலக்குவார். த்ரிஷாவும் ரொம்ப இயல்பா நடிச்சிருக்காங்க. நடிப்பில் நல்ல முன்னேற்றம் தெரியுது. சங்கீதா முதல் பாதியில் சும்மா ஒப்புக்கு சப்பா மாதிரி தெரிஞ்சாலும், இரண்டாவது பாதியில் கலக்கிட்டாங்க. அவங்க பயனா வர வாண்டும் நல்லா பண்ணி இருக்கான்.

அப்புறம் கலவாணி புகழ் ஓவியா கொடுத்த பில்ட்-அப்ப பார்த்தவுடனே, அவங்க தான் இரண்டாவது கதாநாயகி என்று நினைத்தேன். கடைசீல அவங்க படத்துல வாம்மா மின்னல் மாதிரி தான் வந்துட்டு போறாங்க. அவங்க வர்றது ரெண்டே காட்சி, அதுல அவங்க டயலாக் பேசுன மாதிரி ஞாபகமே இல்லை. Cochin ஹனீபா இல்லாத குறையை ஒரு புது மலையாள நகைச்சுவை நடிகர் ஓரளவுக்கு நிறைவு செய்திருக்கார். இருப்பினும் அவர் செய்வது ஹனீபாவையே நினைவூட்டுகிறது.

இந்த படத்துக்கு கமலே வசனம் எழுதி இருக்காரு Crazy மோகன் கிடையாது. அதனால வசனங்கள்ல அந்த கடி ஜோக்ஸ் இல்லை, புத்திசாலி தனமா இருந்துச்சு. உதாரணத்துக்கு பொண்ணுங்க மனசு தனக்கு 33% ஆவது புரியும்னு த்ரிஷாவிடம் சொல்லுவது. நீல வானம் பாடல் மனதை வருடுகிறது. கமலின் பிளாஷ் பேக் முழுவதும் ஒரு பாடலில் பின்னோக்கியே காட்டி இருக்கிறார்கள். இது ரொம்ப வித்தியாசமாக, நல்லா இருந்துச்சு. வெளி நாடுகளில்(France, Venice etc) மிக அழகாக படம் பிடித்திருக்கிறார்கள்.

ஆக மொத்தத்தில் படம் குடும்பத்துடன் பார்த்து மகிழ வேண்டிய படம். கமல் படம் என்று பயப்படாமல் சின்ன பசங்களையும் கூட்டிட்டு போகலாம்:)

குழுப் போட்டி - சிங்கை குழு (Uniquely Singapore)

2010-02-01T18:04:00.003+08:00

குழு போட்டிக்காக சிங்கை குழுவின் செயல்பாடுகளையும், தற்போதைய நிலவரத்தையும் தெரிவிப்பதற்காகவே இந்த பதிவு. குழு போட்டியில் வேறு ஏதும் முன்னேற்றம் இருப்பதாக தெரியல, அதான் இப்படி ஒரு பதிவ போட்டு தெரிஞ்சிக்கலாம்னு....

சிங்கை குழுவில் நாங்க ஒரு எட்டு பேர் இருக்கோம். என்னை ஒருங்கினைப்பாளரா, நாம எல்லாரும் சேர்ந்து பண்ணுவோம்னு நான் சொல்லியும் கேட்காம தேர்வு செஞ்சிட்டாங்க;) இப்போ தான் எதுக்குன்னு புரியுது....இவங்க எல்லாரையும் ஒருங்கிணைப்பது ரொம்ப கஷ்டமப்பா:)

சரி இந்த போட்டிக்காக நாங்க போட்ட திட்டம் இது தான்.
1. முதலில் நாங்க தகவல்கள் பரிமாறிக்கொள்ள ஒரு குழு மின்னஞ்சல் முகவரி உருவாக்குதல். (pit-singapore@googlegroups.com)
2. படங்களை பதிவேற்ற பிலிக்கர் மற்றும் பிகாசாவில் ஒரு பொது ஆல்பம் உருவாக்குதல்.

http://www.flickr.com/photos/uniquelysingapore/

http://picasaweb.google.com/unique.singapore

3. அனைவரும் முதலில் தங்களது படங்களை பிலிக்கரில் பதிவேற்ற வேண்டும். அதை நாங்கள் எங்களுக்குள் விமர்சனம் செய்து கொள்வோம்.
4. பின்னர் ஒரு rating வைத்து டாப் 50 படங்களை பிகாசாவில் பதிவேற்றி, அதை போட்டிக்கு அனுப்ப வேண்டும்.

சிங்கப்பூர் பற்றி ஒரு போட்டோ புக் போடணும்னா, முழு சிங்கப்பூரையே இந்த ஐன்பது படங்களில் அடக்க வேண்டும். அதற்காக எங்களால முடிஞ்ச வரைக்கும் இங்குள்ள அணைத்து இடங்களையும், இங்கு வாழும் பல்வேறு இன மக்கள், அவர்களின் விழாக்கள், கலாச்சாரங்கள் ஆகியவற்றை இதில் அடக்க முயற்சிக்கிறோம்.

நாங்க ஒரு இரண்டு, மூன்று பேர் சேர்ந்து இதுவரை 54 படங்களை பிலிக்கரில் பதிவேற்றி இருக்கோம். மற்றவர்களும் இனிமேல் பதிவேற்றுவார்கள் (செய்வீங்க இல்ல?;)

எங்க குறிக்கோள் எல்லாம் ஒன்றே ஒன்றுதான். யார் இந்த போட்டில கலந்துக்கலைன்னாலும், நாங்க தனித்து போட்டியிட்டாவது எப்படியாவது முதல் இடத்தை பிடித்து விட வேண்டும்:)

நடிகர் சிரஞ்சீவி தேர்தலில் தோற்றது ஏன்?

2009-05-21T22:21:00.002+08:00

ஆந்திராவில் நடந்த தேர்தலில் சிரஞ்சீவி கட்சி 294 தொகுதிகளில் வெறும் 18 சட்டசபை தொகுதிகளில் தான் வென்றது. ஒரே ஒரு எம்.பி. தொகுதியில் கூட வெற்றி பெற வில்லை.

இவர் தோல்வியை இவரது ரசிகர்களே பல இடங்களில் இனிப்புகள் கொடுத்து கொண்டாடி உள்ளனர். ஏனென்றால் இவர் அரசியலில் வெற்றி பெறுவதற்கு முன்பே சட்டசபை தொகுதிகளில் அவரது கட்சி சார்பாக போட்டியிடுவதற்கு மூன்று முதல் ஐந்து கோடி வரை வாங்கி இருக்கிறார். இதை பற்றி எல்லாம் கவலைப்படாமல், ஒவ்வொரு தோற்றுப்போன கட்சியும் கண்ணா பின்னாவென்று யோசித்து கொண்டிருக்க, இவர் மட்டும் தனது கட்சியின் தோல்விக்கான காரணத்தை அறிய ஒரு புதிய முறையை கையாண்டிருக்கிறார்.

அவர் தோல்விக்கான காரணம் பற்றி அறிய 10 வாஸ்து ஜோதிட நிபுணர்களை தனது கட்சி அலுவலகத்திற்கு அழைத்து கட்சி அலுவலகம் முழுவதும் பார்வையிட வைத்திருக்கிறார். அவர்கள் சிரஞ்சீவியிடம், நீங்கள் அலுவலகத்திற்கு வருவதற்கு எந்த வழியை பயன்படுத்துகிறீர்கள் என்று கேட்டனர். அதற்கு அவர் பின்புற வழியை மட்டுமே பயன்படுத்துகிறேன் என்று கூறி இருக்கிறார். உடனே வாஸ்து நிபுணர்கள் அவரிடம், முதலில் பின்புற வழியை அடைத்து விடுங்கள். நீங்கள் கட்சி அலுவலகத்தில் பின்புற வழியை பயன்படுத்தியது தான் தோல்விக்கு காரணம். இனி நீங்கள் முன்புற வழியை மட்டுமே பயன் படுத்தவேண்டும் என்றனர். மேலும் அலுவலகத்தில் சிரஞ்சீவி அமரும் திசைகளையும் மாற்றினர். மேலும் அவரைப்பார்க்க வரும் தொண்டர்கள் காத்திருக்கும் அறையிலும் சிறிது மாற்றம் செய்தனர். பின்னர் வாஸ்து நிபுணர்கள் சிரஞ்சீவி அலுவலகத்தில் உள்ள வாஸ்து குறைபாட்டை சரி செய்து விட்டதாகவும், அடுத்த தேர்தலில் அவர் மிகப்பெரிய வெற்றி பெறுவார் என்றும் கூறியுள்ளனர். அடப்பாவீங்களா!

நல்ல வேளை ஆந்திரால ஒரு கண்ணகி சிலை இல்லை. இருந்திருந்தா இன்னொரு புது பிரச்சனை வந்திருக்கும் போல! எதற்கும் கையை நீட்டிட்டு நிக்கிற மாதிரி ஏதாச்சும் என்.டி.ஆர். சிலை இருக்கானு பாருங்க. என்ன இருந்தாலும் நீங்க இப்படி செய்வீங்கன்னு எதிர்பார்க்கவே இல்லை.

தே.மு.தி.க தலைவர் விஜயகாந்த் இதை கவனிக்கவும். உங்க அலுவலகத்தில் கூட வாஸ்து பிரச்சனை இருக்கும்னு நினைக்கிறேன். அட உங்க அலுவலகத்தை தான் பாதி இடிச்சிபுட்டாங்களே...ஒரு வேளை அது தான் காரணமோ? நல்லா பிளான் பண்ணி தான்யா செஞ்சிருக்காய்ங்க!

என்ன அழகு எத்தனை அழகு!

2009-03-21T13:39:00.000+08:00

அனைவருக்கும் வணக்கம்! ஒரு நீண்ட நாள் இடைவெளிக்கு அப்புறம் போடும் பதிவு இது. முதல் பதிவே இந்த மாதிரி போடனுமானு கொஞ்சம் கஷ்டமா தான் இருக்கு. இருந்தாலும் "யான் பெற்ற இன்பம் பெருக இவ்வையகம்'னு பெரியவங்க சொல்லிவிட்டு போயிருக்கறதால தவிர்க்க முடியல. அது மட்டும் இல்லாம என்னை மாதிரியே இவரும் நீண்ட நாள் இடைவெளிக்கு அப்புறம் வந்திருக்காரு.

இன்னமும் இளமை மாறாமல் எப்படி அம்சமா இருக்காருன்னு பாருங்க. இந்த படங்களை பார்த்தாலே தெரியுது படம் சூப்பர் ஹிட் ஆயிடும்னு. அதனால எல்லாரும் இப்போவே டிக்கெட் புக் பண்ணி வச்சுக்குங்க.

இந்த படங்களை நான் மும்மூரமா வேலை செஞ்சிட்டிருந்த போது ஒருத்தன் ஈமெயில் பண்ணினான். பார்த்ததும் அப்படியே ஆனந்த கண்ணீர் வந்திருச்சி. சரின்னு அப்படியே எனக்கு தெரிஞ்சவங்களுக்கெல்லாம் அனுப்பி விட்டேன். பதிலுக்கு அவங்க கோவத்துல அனுப்பின வார்த்தைகளை பார்த்ததும் இரத்த கண்ணீரே வந்திருச்சிங்க:(

இவங்க இன்னும் திருந்தலையா?

2008-11-01T07:55:00.001+08:00

ஆபீஸ்ல ஆணி புடுங்கற வேலை ஜாஸ்தியா போச்சு! அதான் வலைப்பூ பக்கம் வர முடியல. தினமும் இந்த பேங்க் ஊத்திகிச்சு, அந்த பேங்க் ஊத்திகிச்சுன்னு சொல்லி பீதிய வேற கிளப்பறாங்க. அடுத்த வருஷம் இதை விட மோசமா இருக்கும்னு வேற சொல்றாங்க. இந்த மாதிரி நிலமையில ஓபாமா வந்து என்ன செய்ய போறாரோ?

இப்போவெல்லாம் டிவி கூட அவ்வளவோ பார்க்கறது இல்ல. அப்படியே பார்த்தாலும் விஜய் டிவி தான். சரி, சன் டிவி பார்த்து ரொம்ப நாள் ஆச்சே, எப்படி போயிட்டிருக்குன்னு பார்ப்போம்னு ஒரு நாள் சும்மா சேனலை மாத்தி பார்த்தேன். ஏதோ ஒரு மெகா சீரியல் போயிட்டிருந்துது. ஒரு அம்மா கீழ ஒக்காந்துட்டு அழுதுகிட்டு இருந்தாங்க. அவங்க பையன் அவங்களை சாப்பிட கூப்பிடறான். அதுக்கு அந்த அம்மா, "அக்கா ஜெயில்ல இருக்கும் போது எப்படிடா சாப்பிட முடியும்?னு" சொன்னாங்களோ இல்லையோ, வுடுங்கடா சாமின்னு சேனலை மாத்திட்டேன்!

அடப்பாவீங்களா....இன்னும் இந்த மாதிரி தான் ஓட்டிட்டு இருக்கீங்களா? கீழ இருக்க இந்த வீடியோ காட்சியை பாருங்க. இதுல பேசிட்டு இருக்கறது ஒரு பாட்டியும் அவங்க பேத்தியும். இரண்டு பேறும் கணவனை இழந்தவர்கள். ஆனா இரண்டு பேருக்கும் வித்தியாசம் தெரியுதா? இதுவும் இன்னும் மாறலைங்க;)

PiT மெகாப் போட்டி 2008 ~ இறுதிச் சுற்று!

2008-09-15T23:19:00.000+08:00

போட்டிக்கான தலைப்பு: Architecture / கட்டமைப்பு

இன்றோடு பிட் மெகா போட்டியில் பங்கு பெற கடைசி தினம் என்பதால், நினைத்ததை எடுக்க முடியாமல், எடுத்ததை பதித்து விட்டேன்.

முதல் படம் போட்டிக்கு, மற்றவை எல்லாம் பார்வைக்கு.

மேலே உள்ள படங்கள் தமிழில் புகைப்படக்கலை வலைப்பூவில் நடத்தப்படும் போட்டிக்காக பதிக்கப்பட்டது.

குசேலன் - ஒரு திருவிளையாடல்

2008-08-13T09:54:00.004+08:00

திருவிளையாடலுக்கும், குசேலனுக்கும் என்ன சம்பந்தம்னு யோசிக்கிறீங்களா? அது வேற ஒன்னும் இல்ல. சூப்பர் ஸ்டாருக்கு நெருங்கிய வட்டாரத்தில் இருந்து, எனக்கு கிடைத்த நம்பத்தகுந்த செய்தி இது. அதாவது இந்த குசேலன் படம் சூப்பர் ஸ்டாரின் திருவிளையாடல்களுள் ஒன்றாம்.

எல்லா சக நடிகர்களும்(தேவர்களும்), சில அல்லக்கைகளும் சென்று சூப்பர் ஸ்டாரிடத்தில் முறையிட்டுள்ளனர். தங்கள் படங்கள் சூப்பராக இருந்தும் சுமாராகவே ஓடுகிறதாகவும், டீ ஆத்தறவனெல்லாம் திரை விமர்சனம் பண்ணி படத்தை ஓட விடாம பண்ணிடரதாகவும், இதற்கு சூப்பர் ஸ்டார் தான் ஒரு வழி பண்ண வேண்டும் என்றும் முறையிட்டுள்ளனர். குருவி, இந்திரலோகத்தில் ந அழகப்பன், அரசாங்கம் போன்ற பல படங்கள் இதனால் பாதிப்படைந்து உள்ளதாகவும் தெரிவித்துள்ளனர். சிவாஜி, தசாவதாரம் படம் கூட நல்லா இல்லைன்னு பலர் எழுதி இருப்பதை அவரிடத்தில் காட்டி இருக்கிறார்கள்.

வெகுண்டு எழுந்த ரஜினியும் உண்மையிலேயே ஒரு மட்டமான படம்னா அது எப்படி இருக்கும்னு மக்களுக்கு புரிய வைக்க தீர்மானித்தார். இப்படி தீர்மானித்தவுடனே அவரின் மனதில் தோன்றிய முதல் இயக்குனர் பி.வாசு தான். இருப்பினும் பேரரசுவும் பி.வாசுவுக்கு ஒரு நல்ல போட்டியாக இருந்திருக்கிறார். ஆனால் பேரரசு தன் கதைக்கு கண்டிப்பாக 'பெங்களூரு' என்று தான் பெயர் வைப்பேன் என்று அடம் பிடித்ததால் அடித்தது யோகம் பி.வாசுவிற்கு. பி.வாசுவும் தன் கையில் கிடைத்த பூ மாலையை சும்மா பிரிச்சி மேய்ந்திருக்கார். நடிப்பிற்கு பசுபதியும், எரிச்சலுக்கு வடிவேலுவும், கடுப்பிற்கு மீனாவும், அறுவைக்கு மற்ற எடுபிடிகளும், ஆறுதலுக்கு சூப்பர் ஸ்டாரும், கிளு கிளுப்பிற்கு நயன்தாராவும், ஒப்புக்கு சப்பாவிற்கு பிரபுவும் இருக்க மொக்கையான இசையுடன் படு மொக்கையா எடுத்த படம் தான் குசேலன்.

இப்படி ஒரு படம் எடுக்க செய்து, தனது இந்த திருவிளையாடல் முயற்சியில் வெற்றியும் கண்டுள்ளார் சூப்பர் ஸ்டார். படத்தை பார்த்திருந்தீங்கனா உங்களுக்கு அது புரியும். பலர் இந்த படத்தை பார்த்து விட்டு குருவியை கோவில் கட்டி கும்பிட வேண்டும் என்று சொல்வதே இதற்கு சான்று.

இதை எல்லாம் தெரியாமல் அப்பாவியாக சென்று படத்தை பார்த்து விட்டு வந்தவன் நான். இதற்கு காரணம் இந்த விமர்சனம் தான். நான் முதன் முதலாக குசேலனை பற்றி படித்த விமர்சனம்:

Stupendous! Marvelous! Wordless! It’s so surprising to see that Director Vasu has churned out a best movie in his entire career.......
Verdict: Strictly recommended to watch

எந்த புண்ணியவானோ படத்தை பார்த்துட்டு, வேணும்னே இப்படி எழுதி பல பேரை சிக்க வச்சிருக்கார். நல்லா இருங்கையா! "First impression is the best impression" இல்லையா! நானும் இதுக்கு அப்புறம் சில நேர்மாறான விமர்சனங்களை படித்தும் மனம் ஒத்துகொள்ள முடியாமல்(தலைவர் படமாச்சே) படத்துக்கு போயிட்டேன். கடைசியில் பட்டால் தான் தெரியும் என்பது நிஜமாகி விட்டது.

படத்துக்கு எனது நண்பர்களையும் அழைத்து சென்றிருந்தேன். நண்பர் ஒருவரின் ஐந்து வயது மகனை முதல் முறையாக திரையரங்கிற்கு அழைத்து சென்றோம். அவன் 'சிவாஜி' படத்தை நல்லா ரசித்து பார்த்தான் என்று சொன்னார்கள். சரி என்று அவனை தைரியமாக அழைத்து சென்றோம். படம் ஆரமிச்சு ஒரு அறை மணி நேரம்தான் இருக்கும், பையன் தூங்கிட்டான். இனிமே அவன் படம் பார்க்க கூட்டிகிட்டு போனா வருவானா?

படம் முடிஞ்சி நைட் வெளிய வரும்போது மணி பத்து. வெளியில அடுத்த ஷோ பார்க்க ஆவலா நின்னுகிட்டு இருந்தவங்களை எல்லாம் பார்க்க பாவமா இருந்துச்சு. பின்ன, நாங்களாச்சும் ஏழு மணி ஷோ, அதுக்கே எங்களால முடியல.

இது வரை இப்படி ஒரு மொக்கை படத்தை நான் தியேட்டர் சென்று பார்த்ததே இல்லை. ஒரு டாகுமெண்டரி படம் கூட இன்னும் நல்லா இருந்திருக்கும். பி.வாசு வாழ்க! நான் தலைவர் படத்தை பற்றி இப்படி எழுதுவேன் என்று நினைக்கவேயில்லை:( மொத்தத்தில், குசேலன் = இரண்டு வீராசாமி!

1992ல் ஒரு நாள்

2008-07-26T00:00:00.000+08:00

அம்மா காலைல ஏழு மணிக்கு சரியா எழுப்பிடுங்கனு சொல்லிட்டு தூங்க சென்றான் ராமு. அவன் சென்ற அடுத்த நிமிடம், அவன் சொன்னதை டிவி பார்த்து கொண்டே கேட்டு கொண்டிருந்த அவனது அண்ணன் சோமு தன் அம்மாவிடம் ஓடி வந்து, "அம்மா என்னையும் ஏழு மணிக்கு எழுப்பிடுங்க" என்று சொல்லிவிட்டு தூங்க சென்றான்.

மறுநாள் காலை தனது உள்ளுணர்வு எழுப்பி விட 6.45 மணிக்கே எழுந்து விட்டான் சோமு. பின்னர் அம்மா வந்து எழுப்பியதும் எழுந்த ராமு, சோமு ஏற்கனவே எழுந்து விட்டதை பார்த்து கடுப்பாகி போனான். இவர்களை காம்பிளான் குடிப்பதற்காக பல் துலக்க சொல்லி அம்மா எவ்வளோ சொல்லியும் கேட்காமல் மிகவும் பரபரப்பாக அங்கும் இங்கும் உலாத்தி கொண்டிருந்தார்கள்.

கடிகாரத்தையும் வீட்டு வாசலையும் மாறி மாறி பார்த்து கொண்டிருந்தார்கள். நேரம் செல்ல செல்ல அவர்களின் முகத்தில் தெரியும் பரபரப்பும் அதிகரித்து கொண்டே இருந்தது.

ராமு சற்று வேகமாக இப்படியும் அப்படியும் நடந்து கொண்டிருந்தான். அடிக்கடி தனது இறந்து கால்களையும் ஒன்றன் மீது ஒன்றாக வைத்து பின்னி கொண்டு நின்றிருந்தான். ஆத்திரத்தை அடக்க முடியும் ஆனால் அவசரத்தை(புரியுதில்ல?) அடக்க முடியாதுன்னு சொல்வாங்க இல்ல, ஆனால் ராமு அவனது இந்த உத்தியின் மூலம் அதையும் அடக்கி கொண்டு நின்றிருந்தான்.

சிறிது நேரம் கழித்து வாசலில் சைக்கிள் மணியோசை அடிக்கும் சப்தம் கேட்டு இருவரும் விழுந்ததித்து கொண்டு கேட்டை நோக்கி ஓடுகிறார்கள். முட்டி மோதிக்கொண்டு, ஒருவரை ஒருவர் தள்ளி விட்டு கொண்டு ஓடி சென்றவர்கள் அதே வேகத்தில் உள்ளே ஓடி வருகிறார்கள். முதலில் வந்த சோமு(பெரியவன் ஆயிற்றே) ஒரு ரூமுக்குள் சென்று கதவை தாளிட்டு கொள்கிறான்.

தனக்கிருந்த முழு கடுப்பில் அழுது கொண்டே அம்மாவிடம் சென்று முறையிட்டான் ராமு, "அம்மா! பாரும்மா சிறுவர் மலரை சோமு எடுத்துகிட்டு ரூமுக்குள்ள போயிட்டாமா. தர சொல்லுங்கம்மா!"

(பி.கு. இதுல வர அந்த சோமு நான்தாங்க. இந்த சிறுவர் மலருக்காகவே எங்க அப்பா கிட்ட கேட்டு, அந்த ஒரு நாள் மட்டும் தின மலர் வாங்குவோம். அதுக்கு அப்படி ஒரு சண்டை போடுவோம்;)

சிங் இஸ் கிங்

2008-07-24T22:17:00.000+08:00

இது அக்ஷய் குமார் நடித்து சமீபத்தில் வெளிவந்த 'சிங் இஸ் கிங்' படத்தின் விமர்சனம் இல்லைங்க, நம்ம மன்மோகன் சிங்கை தான் இப்போ நிறைய பத்திரிகைகள்ல இப்படி போட்டிருக்காங்க.

சும்மா சொல்ல கூடாது மனுஷன் சாதிச்சு காட்டி இருக்கார். தன்னை பலவீனமான பிரதமர் என்று கூறியவர்கள் முகத்தில் கரியை பூசி இருக்கார். ஆனால் இனிமேல் தான் அவர் ஜாக்கிரதையாக செயல்பட வேண்டும். கம்யூனிஸ்ட்களின் தொல்லை இனிமேலும் தொடரும். அதை எல்லாம் எதிர்த்து அணுசக்தி ஒப்பந்தத்தை நிறைவேற்றி, அதனால் இந்தியாவிற்கு கிடைக்கும் பயன்பாட்டை நிரூபிக்க கடமை பட்டிருக்கிறார். அவர் நாட்டிற்கு நல்லது செய்வார் என்று நம்புகிறேன்.

அவரை பாராளுமன்றத்தில் பேச விடாமல் கூச்சலிட்டதால் அவரது தனது உரையை படிக்காமல் சமர்ப்பித்து விட்டார். ரொம்ப வலிமையான உரை. அதை படிக்க இங்கே கிளிக்கவும்.

மன்மோகன் சிங்கை பற்றி தெரியாதவர்களுக்கு ஒரு உபரி தகவல். இப்பொழுது இந்தியா இந்தளவுக்கு பொருளாதாரத்தில் முன்னேறி, நாமெல்லாம் கணினி துறையில் இந்தளவுக்கு சம்பாரித்து கொண்டிருக்கிறோம் என்றால், அது '1991'ல் ராஜீவ் காந்தி பிரதம மந்திரியாக இருந்த பொழுது, நிதி அமைச்சராக இருந்த மன்மோகன் சிங் கொண்டு வந்த பொருளியல் சீர்திருத்தமே(Economic Reforms) காரணம்.

**********

நம்பிக்கை வாக்கெடுப்பில் தோற்று விடுவோம் என்று தெரிந்ததோ என்னவோ, பாராளுமன்றதிற்குள் பணத்தை எல்லாம் கொண்டு வந்து திசை திருப்ப பார்த்தார்கள். இப்போ யாரை பார்த்தாலும் குதிரை பேரம், குதிரை பேரம் என்று அறிக்கை விட்டு கொண்டிருக்கிறார்கள். இது இரு தரப்பிலும் நடந்த விஷயம் என்றே நான் நினைக்கிறேன். இன்னும் சொல்ல போனால் எதிர் கட்சியினருக்கே இதன் அவசியம் அதிகம்.

இதெல்லாம் இருக்கட்டும்! எனக்கு ஒரு சந்தேகம். லஞ்சம் கொடுத்தவரை விட வாங்கினவரை தானே எப்பொழுதும் குறை கூறுவார்கள். இங்கே மட்டும் ஏன் தலை கீழாக நடக்குது? நாட்டை பற்றியும் கவலை இல்லாமல், தனது கட்சியை பற்றியும் கவலை இல்லாமல் இப்படி பணம் வாங்கும் மந்திரிகளை குறை சொல்வதை விடுத்து மற்றவரை குறை சொல்வதில் என்ன ஞயாயம்?

**********

இவ்வளவு தீவிரமாக எல்லாம் நடந்து கொண்டிருக்கையில், தனியாக தமாஷ் பண்ணி கொண்டிருக்கிறார் அத்வானி அவர்கள். இவர் நேருஜியும், மொரார்ஜி தேசாயும் '' ஒப்பந்தத்தில் கையெழுத்திடவில்லை என்று சொல்ல போக, அதற்கு பிரணாப் முகர்ஜி நேரு இறந்து போனது ''ல் '' ஒப்பந்தம் கொண்டு வரப்பட்டது ''ல் தான், இறந்து போன நேரு எப்படி இந்த ஒப்பந்தத்தை எதிர்த்திருக்க முடியும் என்று கேட்டு மூக்கை உடைத்திருக்கிறார். வாஜ்பாய் கிட்ட இருந்த கொஞ்சமாவது இவர் கற்று கொண்டிருக்கலாம்.

**********

இன்னொரு பக்கம் லாலு 'இடது சாரிகள் மரக்கிளை நுனியில் அமர்ந்து கொண்டு கிளையின் அடிபாகத்தை வெட்டுகிறார்கள்' என்று ஜோக் அடித்து காமெடி பண்ணி இருக்கார். யார் எவ்வளோ கூச்சல் போட்டாலும் இந்த மனுஷன் பேசும்போது மட்டும் எல்லாரும் அமைதியாக உட்கார்ந்து கொண்டு பேச்சை கேட்டு சிரித்து ரசிக்கிறார்கள். உண்மையிலேயே திறமையான மனுஷன் தான்.

**********

இப்போ இடது சாரிகள், மாயாவதி என்று ஒரு பத்து கட்சிகள் ஒன்றாக சேர்ந்து ஒரு மூனாவது அணியை உருவாக்கி இருக்கிறார்கள். இதெல்லாம் எவ்வளோ நாள் தாக்கு பிடிக்கும் தெரியுமா? யார் பிரதமந்திரி வேட்பாளர் என்று முடிவாகும் போது பாதி பேரு பிச்சிகிட்டு போய்டுவாங்க. சீனா இந்த அணு ஆராய்ச்சி ஒப்பந்தத்தில் பல ஆண்டுகளுக்கு முன்பே கையெழுத்திட்டு விட்டார்கள். நாம் கையெழுத்திடுவதற்கு மட்டும் இந்த இடது சாரிகள் எதற்கு இப்படி பிரச்சனை செய்கிறார்கள்?

**********

இன்னொரு விஷயத்தை பற்றி இப்போ தான் நான் கேள்வி பட்டேன். இதுவும் லாலு பாராளு மன்றத்தில் கூறியது தான். கிருஷ்ணர் தூக்கிய கோவர்தன மலை தெரியுமல்லவா? அதை அந்த ஊரில் ஆட்சி செய்யும் பாரதீய ஜனதா அதில் கிடைக்கும் கணிமங்களுக்காக குடைந்து கொண்டிருக்கிறதாம். நம்ம ஊரில் சேது பாலத்துக்கு இராமர் பெயரை இழுத்து பிரச்சனை பண்ணியவர்கள் இங்கு என்ன செய்து கொண்டிருக்கிறார்கள் பாருங்கள்?

**********

அப்புறம் இன்னொரு காமெடி என்னவென்றால், சமாஜ்வாடி மந்திரி(அதீக் அகமது) ஒருத்தர் அணுசக்தி ஒப்பந்தம் தலையும் புரியலை, வாழும் புரியலை என்று கூறி உள்ளார். இப்படி இருக்கும் பொழுது நாட்டு மக்களுக்கு எப்படி புரியும் என்று கேட்டுள்ளார். நாட்டு மக்கள் இருக்கட்டும். இவருக்கு புரியலைன்னு சொல்றார் பாருங்க, அடங்கப்பா! இங்க இவ்வளோ பிரச்சனை நடந்துட்டிருக்கு, ஏதோ ஒரு ஊர்ல ஆணி புடிங்கிட்டிருக்க நாமலே அது என்ன ஏதுன்னு தேடி கண்டு பிடிச்சி தெரிஞ்சிக்கிறோம், இவர் இவ்வளோ நாள் என்ன செஞ்சிட்டிருந்தாரோ? இவரும் ஒரு மத்திய மந்திரி.

ஒரு சமூக சேவகரின் டைரி குறிப்பில்...

2008-07-21T15:19:00.001+08:00

ஒரு நல்ல கிரிக்கெட் பிளேயரின் திறமையும் சரி, ஒரு நல்ல நடிகர் அல்லது பாடகரின் திறமையும் சரி, அவர்களின் சிறு வயதிலேயே வெளிப்படும். அது போல் ஊருக்கு உழைக்கும் ஒரு சமூக சேவகரின் சமூக சேவையும் அவரது சிறு வயதில் இருந்தே தொடங்கிவிடும். அப்படி பட்ட ஒரு சமூக சேவகரின் சிறு வயதில் நடந்த ஒரு சுவாரஸ்யமான நிகழ்வினை பற்றி இப்போது பார்ப்போம்.

இவர் பிறந்தது வளர்ந்தது எல்லாம் சிங்கார சென்னையில் தான். இவரது ஊருக்கு உழைக்கும் பணி சிறு வயதில் இருந்தே தொடங்கிற்று. இவர் வசித்து வந்த தெருவில் யாருக்கு என்ன வேலை ஆக வேண்டி இருந்தாலும் இவரை கூப்பிட்டு தான் செய்ய சொல்லுவார்கள்.

காய்கறி அங்காடிக்கு சென்று கை கறிகள் வாங்க வேண்டுமா, மாவு மில்லுக்கு சென்று மாவு அரைத்து கொண்டு வரவேண்டுமா, ரேஷன் கடைக்கு சென்று பொருகள் வாங்க வேண்டுமா, இவை அனைத்திற்கும் அத்தெருவில் இருப்பவர்களின் நினைவிற்கு முதலில் வருபவர் இவர் தான். தான் விளையாடிக்கொண்டிருந்தாலும் அவர்கள் பேச்சை தட்ட முடியாமல் விளையாட்டை நிறுத்தி விட்டு சென்று அந்த வேலைகளை முடிப்பார். அவர்கள் புகழ்ந்து கூறும் இரு வார்த்தைகளே இவருக்கு டானிக். தன் அம்மாவே எத்தனையோ முறை கண்டித்தும் இவரது இந்த பணி தொடர்ந்து கொண்டிருந்தது.

இவர் இவ்வளவு உதவிகள் செய்தும், மக்கள் மனதில் இன்றளவும் நீங்கா இடம் பிடித்த உதவி இது தான்:

ஒரு நாள் இவரது வீட்டிற்கு பக்கத்து தெருவில் உள்ள நண்பர் ஒருவர் அனுப்பிய ஆள், இவர் வீட்டிற்கு வந்து இவரது அம்மாவிடம் நூறு ரூபாய் கொடுத்தால் ரேஷன் கடையில் இருந்து அட்டை இல்லாமல் சர்க்கரையும், மண்ணெண்ணையும் வாங்கி தருவதாக சொன்னார். அவர் அந்த ரேஷன் கடையில் வேலை பார்ப்பவர் ஒருவரின் சொந்தக்காரர் என்பதால் அது சாத்தியம் என்றார். அப்பொழுதெல்லாம் ரேஷன் கடையில் சர்க்கரையும், மண்ணெண்ணையும் தான் ரொம்ப டிமான்ட். எவ்வளவு கொடுத்தாலும் வாங்கி வச்சுக்குவாங்க.

சரி என்று இவரது அம்மாவும் கிடைத்த வாய்ப்பை பயன்படுத்தி கொள்ள அந்த நபரிடம் நூறு ரூபாய் பணம் கொடுத்து, ஒரு மஞ்சா பை மற்றும் கிருஷ்ணாயில் கேனுடன் தன் மகனையும் உடன் அனுப்பி வைத்தார். சிறிது தூரம் சென்றதும் அந்த நபர் அச்சிறுவனிடம் வேறு யாராவது தெரிந்தவர்கள் இருந்தால் கூட அவர்களுக்கும் வாங்கி கொடுக்கலாம் என்றார். நம்ம ஆள் தான் ஊருக்கு உழைப்பவர் ஆயிற்றே. அக்கம் பக்கத்தில் இருக்கும் தெரிந்தவர்களின் வீட்டிற்கு எல்லாம் அழைத்து சென்று அனைவரிடமும் பணமும், கிருஷ்ணாயில் கேனும், பையும் வாங்கி கொண்டார்கள். அனைவருக்கும் உதவி செய்வதை நினைத்து பெருமையுடன் ரேஷன் கடையை நோக்கி நடை போட்டார்.

ரேஷன் கடை நெருங்கியதும், அந்த நபர் இவரிடம் உள்ள கேன் மற்றும் பைகளை வாங்கி கொண்டு இவரை வீட்டிற்கு செல்லுமாறு கூறினான். இவர் உடன் வந்தால் பிரச்சனை ஆகிவிடும் என்பதால் அவ்வாறு கூறினான். அனைவருக்கும் உதவிய மன நிறைவில் இவர் தன் நண்பர்களுடன் கிரிக்கெட் விளையாட சென்றுவிட்டார்.

விளையாடி முடித்து ஆறு மணிக்கு மேல் வீட்டிற்கு கிளம்பினார். வீட்டில் இன்று தனக்கு தனி மரியாதை கிடைக்கும் என்ற பெருமிதத்துடன் சென்றார். அப்பாவும், அம்மாவும் இவருக்காக கேட்டின் அருகிலேயே காத்து கொண்டிருந்தனர். இவரை கண்டதும், இவரின் அப்பா "எங்கடா போன இவ்வளோ நேரமா?" என்று கேட்டார். இவரும் கிரிக்கெட் விளையாடி விட்டு வருவதாக சொன்னார். பின் உள்ளே வாடா என்று சொல்லி விட்டு போன தந்தையை பின் தொடர்ந்தார்.

இவர் உதவி செய்த யாரோ ஒருவர் இவரை பார்க்க உள்ளே இருக்கார் போல என்று ஆவலாக சென்றார். உள்ளே சென்று தன் தந்தையிடம் அறை மணி நேரம் ரிவிட் வாங்கிய பின் தான் இவருக்கு அந்த ரேஷன் கடை நபர் ஒரு ஏமாத்து பேர் வழி என்று தெரிந்தது. அம்பையே இந்த வாங்கு வாங்குறாரே அப்பா, எய்த வில்லை என்னா வாங்கு வாங்கி இருப்பார் என்று பரிதாபமாக பக்கத்தில் நின்று கொண்டிருந்த தன் அம்மாவை நினைத்து மனதை தேற்றி கொண்டார்.

இதுக்கப்புறமாவது இவரிடம் வேலை வாங்குவதை நிறுத்தினார்களா? இல்லை. இவரால் ஏமாந்து போனதால் அதை சரி கட்டுவது போல் இன்னும் அதிகமாக வேலை வாங்க ஆரமித்து விட்டார்கள். இப்படி தன் சிறு வயதிலேயே தன்னை சமூக சேவையில் ஈடுபடுத்தி கொண்ட அந்த தியாகி வேறு யாரும் இல்லை, அடியேன் தாங்க!

பி.கு. மொக்கைக்கு மன்னிக்கவும்;)

இரவு நேரம் - ஜூலை 2008 PIT புகைப்படப் போட்டி

2008-07-11T14:38:00.004+08:00

போட்டி தலைப்பு: இரவு நேரம்
முதல் படம் போட்டிக்கு, மற்றவை எல்லாம் பார்வைக்கு.

இந்த ஐந்தில் எதை தேர்வு செய்வது என்று ஒரே குழப்பம். கடைசியாக இந்த கீழே உள்ள படத்தையே தேர்வு செய்து விட்டேன். சரியா?
இந்த படத்தில் இருப்பது நட்சத்திரம் அல்ல. சந்திரன் தான்!

மேலே உள்ள படங்கள் தமிழில் புகைப்படக்கலை வலைப்பூவில் நடத்தப்படும் போட்டிக்காக பதிக்கப்பட்டது.

அணுசக்தி ஒப்பந்தம் நல்லதுதான் - திரு அப்துல் கலாம்

2008-07-05T00:48:00.002+08:00

அணுசக்தி ஒப்பந்தம் சரியா தவறா என்று ரொம்ப நாளா எனக்கு குழப்பமாகவே இருந்தது. அதுக்கு தான் என் வலைப்பூவில் கூட ஒரு ஓட்டு எடுப்பை போட்டு பார்த்தேன். ஆனால் இப்போ எனக்கு அது தெளிவாகி விட்டது.

இது வரை அணுசக்தி பற்றி ஒன்றுமே தெரியாதவர்கள் கூட இதைப்பற்றி நிறைய அறிக்கைகள் விட்டுள்ளார்கள். அதை எல்லாம் என்னால் முழுமையாக நம்ப முடியவில்லை. இப்பொழுது நமது முன்னாள் ஜனாதிபதி அப்துல் கலாம் அவர்களே அணுசக்தி ஒப்பந்தம் சரிதான் என்று சொல்லியுள்ளார். இப்பொழுது வாழ்ந்து கொண்டிருக்கும் தலைவர்களில் நான் பெருதும் மதிப்பவர் திரு அப்துல் கலாம் அவர்கள். அவர் ஜனாதிபதியாக இருக்கும் பொழுது தனது உறவினர்கள் வந்து தன்னுடன் ஜனாதிபதி மாளிகையில் தங்கியதற்கு வாடகை கொடுத்தவர் அவர். எல்லாவற்றிற்கும் மேல், இந்தியாவின் அணுசக்தி தொழில்நுட்பத்தின் தந்தை அவர்.

அவரே அணுசக்தி ஒப்பந்தம் தொடர்பான விவரங்களை தான் படித்து பார்த்ததாகவும், அது தேசிய நலனுக்கு நல்லது என்றும் கூறியுள்ளார். மேலும் இதை பற்றி படிக்க இங்கே சொடுக்கவும்.

சமாஜ்வாடி கட்சி தலைவர் திரு முலாயம் சிங்க் மிகவும் நல்ல காரியத்தை செய்துள்ளார். இதை வேறு யாரவது முன்னமே செய்திருக்கலாம். முலாயம் சிங்க் தனக்கு தெரியாத விவரங்களை, விவரம் தெரிந்த ஒருவரிடம் கேட்டு அறிந்துள்ளார். விஷயமே தெரியாவிட்டாலும் தெரிந்த மாதிரி காட்டி கொள்ளும் அரசியல் வாதிகளின் மத்தியில், இவர் செய்திருப்பது பாராட்டத்தக்கது.

இதற்கு இடது சாரிகள் என்ன சொல்ல போகிறார்களோ?

ஆஹா! இவர்களும் பெண்கள் தானா?

2008-07-04T19:10:00.005+08:00

(Picture Courtesy: Daily Thanthi)
விஷ்வ ஹிந்து பரிஷத் நேற்று நடத்திய பந்த்தில் எடுக்கப்பட்ட புகைப்படம் இது.

இந்த படத்தை பார்க்கும் பொழுதே நன்றாக தெரிகிறது, அந்த வாகனத்தில் உள்ளவருக்கும் பந்த்துக்கும் ஒரு சம்பந்தமும் இல்லை என்று. அவர் போது மக்களில் ஒருவர். அவரை போட்டு அடிப்பதாலும், கடைகளை வலுக்கட்டாயமாக அடைப்பதாலும் இவர்கள் நடத்தும் பந்த் வெற்றி அடைந்து விடுமா?

இப்படி பட்ட காரியங்களினால் மக்களிடத்தில் அவர்கள் மதிப்பு இறங்கிவிடுமே தவிர வேறு எந்த பயனும் கிடைக்காது. சரி தானே? இவர்கள் கடையை அடைக்க சொன்னதால் ஒரு கடைக்காரர் தீக்குளித்து வேறு இருக்கிறார்.

பெண்களே இப்படி வன்முறையில் ஈடுபட்டால், அப்பப்பா! நம்ம நாட்டை நினைச்சா பயமா இருக்குதுங்க!

நடிகர் சங்கமும், திரையுலகின் முதல் சூப்பர் ஸ்டாரும்

2008-07-02T09:35:00.000+08:00

இதை பற்றி நான் ஒரு மாதம் முன்னரே எழுத வேண்டும் என்றிருந்தேன். நேரம் கிடைக்கவில்லை. இப்போ தினமும் சன் டிவியில் 75 ஆண்டு தமிழ் சினிமா கொண்டாட்டம் என்று தினமும் ஒரு பழைய படத்தை இரவில் ஒளிபரப்பி வருகிறார்கள். அதை பார்த்ததும் எனக்கு இந்த பதிவை போட வேண்டும் என்று தோனியது.

எம்.கே.தியாகராஜ பாகவதர் தமிழ் சினிமாவின் முதல் சூப்பர் ஸ்டார். இவர் நடித்த ஹரிதாஸ் படம் தொடர்ந்து மூன்று வருடம் ஓடி சாதனை பண்ணியது. இவரை பற்றி படிக்கும் போதே எனக்கு பிரமிப்பாக இருக்கும். அவர் பாடிய பாடல்களை இன்றும் மறக்க முடியாது. அப்பேற்பட்டவரின் மனைவி ராஜாம்பாள் இன்று வறுமை நிலையில், மருத்துவ சிகிச்சைக்கு கூட வழியின்றி அவதிப்பட்டு வருகிறார். இந்த செய்தி கடந்த மாதம் பத்திரிக்கைகளில் வந்தது.

இதை அறிந்து மருத்துவ செலவிற்காக அரசின் சார்பில் ரூ. 1 லட்சம் நிதியை முதல்வர் கருணாநிதி வழங்கினார். 1999ம் ஆண்டே அவருக்கு ரூ. 50,000 நிதியுதவி வழங்கியதும் கலைஞர் கருணாநிதி அவர்களே. ராஜாம்பாள் இன்று சென்னை சூளைமேட்டில், தெருக் கோடியில் ஒரு பழைய வீட்டின் மாடியில் ஒதுக்குப்புறமாக இருக்கும் போர்ஷனில்தான் குடியிருக்கிறார். ராஜம்மாளின் வயதான தம்பி மணியும், பாகவதரின் பெண் வயிற்றுப் பேரன் கணேஷும் அருகிலிருந்து பார்த்துக் கொள்கிறார்கள்.

லட்சுமி காந்தன் கொலைவழக்கில் சிக்கியதிலும்(பிறகு நிரபராதி என்று வெளியே வந்தார்), சொந்த படம் எடுத்ததிலும் தன் பணம் அனைத்தையும் இழந்தார். 1959ல் பாகவதர் இறுதிச் சடங்கிற்கு திரையுலகிலிருந்து வந்தவர் எம்.ஆர்.ராதா மட்டும்தானாம்!

இப்போது இவர்கள் நடிகர் சிவகுமார் மாதந்தோறும் தரும் ஆயிரம் ரூபாயை கொண்டு வாழ்க்கையை ஒட்டிக் கொண்டிருக்கிறார்கள். இவ்வளோ நடந்தும் நடிகர் சங்கம் என்று ஒன்று இருக்கிறதே, அவர்கள் என்ன செய்து கொண்டிருக்கிறார்கள்? இதெல்லாம் அவர்கள் செய்ய வேண்டிய கடமை அல்லவா?

75 ஆண்டு கால தமிழ் சினிமா என்று கலை நிகழ்ச்சிகள் நடத்துகிறார்கள். அப்படி நடத்தும் பொழுது முதலில் எம்.கே.தியாகராஜ பாகவதரின் பெயரையை பெருமையாக சொல்லும் பொழுது, அவர்களின் குடும்பத்தை பற்றி யோசிக்க மாட்டார்களா? இது போதாதென்று அடிக்கடி நலிவுற்ற கலைஞர்களுக்கான கலை நிகழ்ச்சி என்று வேறு நடத்துகிறார்கள். அப்படி சேர்க்கும் பணத்தை எல்லாம் என்னதான் செய்கிறார்கள்? சூப்பர் ஸ்டாராக இருந்த ஒருவரின் குடும்பத்துக்கே இந்த நிலைமை என்றால், திரைக்கு பின் வேலை செய்பவர்களின் நிலை என்னவாக இருக்கும்? இப்பொழுதெல்லாம் அரசியலில் உள்ள அரசியலை விட நடிகர் சங்கத்தில் அரசியல் அதிகமாக உள்ளது. இது போதாதென்று அரசியல் கட்சி ஆரமிக்க நடிகர் சங்க தலைவர் பதவியை வைத்து ஒத்திகை பார்த்து கொள்கிறார்கள்.

கலைஞருக்கு முன்னாடி இவங்க தான முதல ராஜாம்பாள் அம்மாளுக்கு ஓடி சென்று உதவி செய்திருக்க வேண்டும்? நடிகர் சங்கத்திலேயே இந்த அழகுல இருக்காங்களே, இவங்க அரசியலுக்கு வந்தா எப்படி ஆட்சி செய்வாங்கனு நீங்களே யோசிச்சி பாருங்க.

அரசியல் பயிற்சி பள்ளி

2008-07-01T13:54:00.001+08:00

சினிமா, கணினி, பேஷன் என எல்லா துறைக்கும் தனி தனியா பல பயிற்சி பள்ளிகள் இருக்கும் போது, இந்த அரசியலுக்கு மட்டும் ஏன் ஒரு பயிற்சி பள்ளி கிடையாது? ஒரு வேலை நம்ம ஊருல எல்லா விஷயத்துலயும் அரசியல கொண்டாந்து நுழைக்கிறதால அதுக்கு தனியா பயிற்சி வேண்டாம்னு நெனசிட்டாங்களோ?

அப்படியே இந்த மாதிரி யாராச்சும் ஒரு அரசியல் பயிற்சி பள்ளியை ஆரமிசாங்கனா அதுல என்ன சொல்லி தருவாய்ங்கன்னு வெட்டியா யோசிச்சு பார்த்தேன். அந்த கற்பனை தாங்க இந்த பதிவு.

இந்த பள்ளியில் சேர குறைந்த பட்சம் கீழே குறிப்பிடப்பட்டுள்ள தகுதிகள் அவசியம்:

1. கண்டிப்பாக எட்டாம் வகுப்புக்கு மேல் பதித்திருக்க கூடாது. அதற்கு மேல் படித்திருப்போர் அரசியல் வாதிகளின் கார் டிரைவர், எடுபுடி போன்ற வேலைகளுக்கு விண்ணப்பிக்கலாம். தேர்வு செய்யப்பட்டால் தபால் மூலம் தெரிவிக்கப்படும்.

2. குறைந்த பட்சம் ஒரு பத்து கெட்ட வார்த்தைகளாவது தெரிந்திருக்க வேண்டும். இது பெண்களுக்கும் பொருந்தும்.

3. இளைஞர் அணியில் சேர பயிற்சி பெற விரும்புவோர் குறைந்த பட்சம் ஐன்பது வயதை கடந்தவராக இருக்க வேண்டும்.

4. அனைவரும் கண்டிப்பாக ஏதாவது ஜாதியை சேர்ந்தவராக இருக்க வேண்டும். ஜாதி சான்றிதழ் கண்டிப்பாக சமர்பிக்க வேண்டும்.

5. மேலே உள்ள அனைத்தும் சரியாக இருந்தால், ஒரு நேர்காணல் மூலம் தேர்ந்தேடுக்கப்படுவர். ஏதாவது கிரிமினல் வழக்குகளில் சம்பந்தம் உள்ளோர் அந்த F.I.R காபியுடன் வந்தால் நேர்காணல் இல்லாமலேயே சேர்த்து கொள்ளப்படுவர்.

சரி இப்போ இந்த பள்ளியில் என்னன்ன பயிற்சி தருவோம்னு பார்ப்போம்.

1. அரசியலில் சேர விரும்புவோருக்கு வெ.மா.சு.சொ. அறவே இருக்க கூடாது. (அதாவது வெற்றியின்மையால் சோர்வடைவது, மாநாட்டுக்கு லேட்டா வருவது, சுங்க வரி ஏய்ப்பு, சொத்து குவிப்பு...அப்பாடா!). இதற்காக தீவிர பயிற்சி அளிக்கப்படும். அனைவருக்கும் சாப்பாட்டில் உப்பையும், காரத்தையும் குறைத்து விடுவோம்.

2. தினமும் ஒரு பத்து பேரை சுற்றி நிக்க வைத்து தூய சென்னை பாஷையில் எவ்வளோ முடியுமோ அவ்வளோ அசிங்கமா திட்ட விடுவோம். ஆனா கொஞ்சம் கூட அசராமல் சிரித்து கொண்டே இருக்க வேண்டும். "மனதை திருடிவிட்டாய்" படத்தில் பிரபு தேவா திட்டு வாங்கிட்டு சிரிச்சி கிட்டே இருப்பாரே அந்த மாதிரி. மக்கள் எல்லாரும் 'இவன் எவ்வளோ திட்டுனாலும் வாங்கிக்கராண்டா, இவன் ரொம்ப நல்லவண்டான்னு' சொல்லணும். இதான் இந்த பயிற்சியினுடைய குறிக்கோள்.

3. அனைவரையும் இரண்டு பிரிவுகளாக பிரித்து, ஒவ்வொரு பிரிவுக்கும் ஒரு தலைவரை நியமித்து, இருவருக்கும் இடையே சண்டை மூட்டி விடுவோம். அவர்கள் இடையே கைகலப்பு உண்டாகும் அளவுக்கு சூழ்நிலையை உருவாக்குவோம். பிறகு ஒரு பிரிவில் இருந்து யாராச்சும் வேறு ஒருத்தரை தேர்ந்தெடுத்து மூன்றாவது பிரிவை உண்டாக்குவோம். இப்போ அந்த முதல் இரண்டு பிரிவின் தலைவர்களும் ஒன்றாக சேர்ந்து இந்த மூன்றாவது அணியினை எதிர்க்க வேண்டும். இப்படியே பயிற்சி முடியிற வரை தினமும் போயிட்டிருக்கும். கடைசியா நிலைச்சு நிக்கிற ரெண்டு அணியின் தலைவர்கள் தான் திறமையான அரசியல்வாதிகள்னு ஒரு சிறப்பு பரிசு கொடுப்போம். ஸ்ஸப்பா!

4. தினமும் ஒரு பட்டிமன்றம் நடத்துவோம். அதில் ஒவ்வொரு பிரிவினருக்கும் ஒரு தலைப்பை கொடுப்போம். அவர்கள் அந்த தலைப்பை வைத்து இன்னைக்கு ஒன்று பேசணும், நாளைக்கு ஒன்று பேசணும். (இதெல்லாம் அரசியல்ல சாதாரணமப்பா!)

5. அனைவருக்கும் நடிப்பு பயிற்சி வழங்கப்படும். இதனால் இவர்கள் சினிமாவுக்குள் நுழைய வாய்ப்பு ஏற்படுத்தி தருகிறோம். சினிமாவில் நடித்து விட்டால் ஒன்னாவது வாய்ப்பாடல் தெரியாவிட்டால் கூட அரசியலில் நுழைந்து விடலாம் என்பது அனைவரும் அறிந்ததே. ராமநாராயணன் படத்தில் நடித்த குரங்கு, நாய், யானை, பாம்பு இவைகள் வந்து தேர்தல்ல நின்னா கூட நம்ம மக்கள் ஜெயிக்க வச்சுடுவாங்க. அவ்வளோ நல்லவங்க!

6. அரசியல் வாதீங்களுக்கு கெட்ட வார்த்தை தெரிஞ்சிருக்கறது எவ்வளோ முக்கியம்னு உங்களுக்கே தெரியும். தெரியலைன்னா ஒரு பொது கூட்டத்துக்கு போய் பாருங்க. (ஒரு தடவை அப்படிதான் இரவு ஒரு பத்து மணிக்கு நான் வேலை விட்டு வீட்டுக்கு திரும்பும் போது ஒரு பெண் வேட்பாளர் பேசறதை கேட்டு என் காதுல 'சேம் பிளட்'). ஆகையால் அனைவருக்கும் திரு. ஆடு வெட்டி ஆறுமுகம் எழுதிய "கம்ப்ளீட் கெட்ட வார்த்தை அகராதி" மற்றும் "ஒரே வாரத்தில் பத்தாயிரம் கெட்ட வார்த்தைகள்" என்னும் நூல்களை கொடுத்து படிக்க செய்வோம்.

7. அடுத்து சட்டசபை பயிற்சி. இதில் கையில் கிடைக்கும் பொருளை எடுத்து எப்படி சரியாக குறி வைத்து எதிரியை தாக்க வேண்டும் என்பதற்கான பயிற்சி தருகிறோம். சீனாவில் இருந்து ஜெட் லீயிடம் பணிபுரிந்த ஒருவரை இதற்கான பயிற்சி அளிக்க இங்கு வரவழைக்க இருக்கிறோம். இதற்காக பல வகையான நாற்காலிகளை வரவழைத்திருக்கிறோம்.

8. பிறகு சட்ட சபையில் இருந்து எப்படி எல்லாம் நொண்டி சாக்கு சொல்லி விட்டு வெளிநடப்பு செய்யலாம் என்பதற்கான பிரத்யேக பயிற்சி அளிக்கப்படும். இதற்காக ஒரு மூத்த அரசியல் வாதியை நியமித்திருக்கிறோம். இவர் இதுவரை கலந்து கொண்ட எட்டு சட்ட சபை கூட்டங்களில், ஏழு தடவை வெளி நடப்பு செய்திருக்கிறாராம். (அந்த ஒரு தடவை, அசதியாக இருந்ததால் கண் அயர்ந்து விட்டாராம்).

9. அனைவரும் தினமும் காலில்விழாசனம் என்ற ஆசனத்தை செய்ய வேண்டும். இது பின்னாளில் அரசியலில் இறங்கியவுடன் பெரிதும் பயன்படும். இந்த ஆசனத்தை இருபது வருடங்களாக செய்து வரும் ஒரு எதிர் கட்சி தலைவரை இதற்கான பயிற்சி அளிக்க வரவழைக்க இருக்கிறோம். இது பிரம்மாஸ்திரத்தை விட வலிமையானதாம். இந்த ஒன்னை மட்டும் கற்று கொண்டாலே அரசியலில் சாதித்து விடலாம் என்கிறார்கள்.

10. விடுமுறை நாட்களில் பல ஊர்களுக்கு சுற்றுலா அழைத்து செல்வோம். அப்போது எப்படி ஜாதி கலவரம் செய்ய வேண்டும் என்பதை நேரில் செய்து காண்பிப்போம். இதற்காக நாலு ஜாதி கட்சி தலைவர்கள் உடன் வருவார்கள்.

11. அடுத்து ஒரு சின்ன விஷயத்தை எப்படி ஊதி பெருசாக்க வேண்டும், ஒரு பெரிய விஷயத்தை எப்படி தூசி மாதிரி ஊதி தள்ள வேண்டும் என்று பயிற்சி அளிக்கப்படும். இதற்காக சட்ட நுணுக்கங்கள் தெரிந்த சில திறமையான வக்கீல்களை நாங்கள் நியமித்திருக்கிறோம். திரு சு. சுவாமி அவர்கள் எப்படி சம்பந்தமே இல்லாம ஒரு அறிக்கையை விட்டு பிரபலமாவது என்பதை இங்கு வந்து மாணவர்களுக்கு விளக்குவார்.

12. கடைசியாக கட்சி நடத்துவதே தனது லட்சியமாக கொண்டிருக்கும் அந்த தாடி நடிகர் மாணவர்களுக்காக ஒரு சிறப்புரை ஆற்றுவார். இதை கேட்ட பின் மாணவர்களுக்கு (இவர் எல்லாம் கட்சி நடத்தும் போது நாம் ஏன் அரசியலில் இறங்க கூடாது என்று) ஒரு தன்னம்பிக்கை உருவாகும் என்று நம்புகிறோம்.

இன்னும் எதுக்கு காத்துகிட்டு இருக்கீங்க? உடனே கிளம்பி வாங்க! விண்ணப்பத்தாளை வாங்கிட்டு போங்க!

மெகா சீரியல் வோட்டு!

2008-06-25T10:38:00.011+08:00

(பெப்சி உமா தோரணையில்)என்னை ரொம்ப ஆச்சர்ய பட வைக்கிற விஷயம், எப்படி எல்லாருக்கும் ஒரே விஷயம் பிடிசிருக்குன்றது தான். இந்த மெகா சீரியல் விஷயத்துல நாமெல்லாம் ரொம்ப தெளிவாதான் இருக்கோம்! மேலே படத்தில் உள்ள வோட்டுகளை பார்த்தாலே உங்களுக்கு புரியும்.

என்பத்தேழு ஓட்டுல எழுபத்தோரு பேர் 'இது எல்லாமே கொடுமைதான்'னு வோட்டு போட்டிருக்காங்க. எவ்வளோ பீல் பண்ணி இதை போட்டிருப்பாங்கன்னு எனக்கு புரியுது. ஆனா வீட்டுல இருக்க நம்ம அப்பா, அம்மாக்களுக்கு தான் இது புரிய மாட்டேங்குது. கேட்டா, "நாங்க என்ன உங்கள மாதிரி சினிமா கினிமானா சுத்தறோம். எங்களுக்கு இருக்குற ஒரே பொழுது போக்கு இதான"னு நம்மளையே மடக்கிடறாங்க. இவங்களோட சேர்ந்து வேற வழி இல்லாம இந்த கொடுமையை அனுபவிக்கிறவர்கள் இங்கு பல பேர் உண்டு. சினிமாவாவது இரண்டரை மணி நேரத்துல முடிஞ்சிடும் ஆனா இந்த மெகா சீரியல்ஸ் இரண்டரை வருஷம் ஆனாலும் முடிய மாட்டேங்குது.

முன்னாடி எல்லாம் கடைசி சீரியல் ஒன்பதரை மணிக்கு இருந்தது. இப்போ பதினோரு மணி வரைக்கும் போயிடுச்சு! இவ்வளோ இருந்தும் "இது எல்லாமே சூப்பர்"னு வோட்டு பண்ண அந்த தெய்வங்கள் யாருன்னு தெரியல. நீங்க எங்க இருந்தாலும் உங்களோட அந்த மன தைரியத்தை நான் பாராட்டுறேன்! அவ்வ்!

அவார்ட்ஸ்

2008-06-21T12:30:00.003+08:00

"Nice Matters Award is for those bloggers who are nice people; good blog friends and those who inspire good feelings and inspiration. Also for those who are a positive influence on our blogging world.”
இந்த அவார்டை எனக்கு கொடுத்த இல்லத்தரசிக்கு மிக்க நன்றி. இல்லத்தரசி ப்ளாக் ஆரமிக்க என்னுடைய ப்ளாக்கும் ஒரு தூண்டுதலாக இருந்ததாக இதை எடுத்து கொள்கிறேன்;) என்னை பொறுத்தவரை நீங்கள் போடும் ஒவ்வொரு கமெண்ட்டும் எனக்கு அவார்ட் மாதிரி தான். இந்த அவார்டை நான் என் சகோதரி தமிழினிக்கு தருகிறேன்.

மேலே உள்ள அவார்ட் கிடைத்த அதே நாள் எனக்கு கிடைத்த இன்னொரு அவார்ட் இந்த 'குட் சாட் ப்ளாக் அவார்ட்' . இதை எனக்கு கொடுத்தது, தமிழினி.
மிக்க நன்றி தமிழினி. வலைப்பூ மூலம் எனக்கு கிடைத்த முதல் நண்பி தாங்கள் தான்.(இப்போ சகோதரி;) தாங்கள் மேலும் பல அவார்ட் பெற எனது வாழ்த்துக்கள். இந்த அவார்டை நான், இந்திய சமையல் கலையை தன் வலைப்பூ மூலம் பரப்பும் இல்லத்தரசிக்கு அளிக்கிறேன்.

செய்தித்தாளின் முதல் பக்கத்தில் நல்ல செய்தி வருவது சாத்தியமா?

2008-06-19T18:41:00.001+08:00

ஆறாம் வகுப்பு படிக்கிற பையன் ஒருவன் அப்துல் கலாமை பார்த்து கேட்டான், "நம்ம ஊர் செய்தித்தாள்களின் முதல் பக்கத்தில் எப்பொழுதும் கெட்ட செய்திகளையே போடுகிறார்கள். நல்ல செய்திகள் எல்லாம் எங்காவது மூலையில் சிறியதாக போடுகிறார்கள். ஏன் இப்படி?" என்று.

அதற்கு அப்துல் கலாம், "கெட்ட செய்தி என்பது மிகவும் பரபரப்பானது. அதே பரபரப்பு நல்ல செய்திகளில் இருப்பதில்லை" என்று கூறினார். (Bad news is sensational, whereas good news does not bring about sensational.) ஆனால் இந்நிலைமை மாறி வருவதாக கலாம் தெரிவித்தார்.

எனக்கு என்னமோ இது மாறும் என்று தோணவில்லை. உதாரணத்திற்கு ஒரு நிகழ்ச்சியை சொல்கிறேன். நானும் என் அலுவலக நண்பரும் வேலை முடிந்து அலுவலகத்தை விட்டு வெளியேறி கொண்டிருந்தோம். அப்பொழுது அலுவலகத்தில் உள்ள தொலைக்காட்சியில் ஏதோ செய்தி ஓடிக்கொண்டிருந்தது. இரண்டு பேர் நின்று பார்த்து கொண்டிருந்தனர். ஏதோ விமானத்தை பற்றிய செய்தி அது. அதை கவனித்த என் நண்பர் அருகே சென்று என்ன செய்தி என்று கவனித்தார். கவனித்தவர், உடனே என்னிடம் திரும்பி வந்து, "ச்சே! ஏதோ புது விமானம் விட்டிருக்கிறார்களாம். நான் ஏதோ விபத்து என்று நினைத்தேன். வா போலாம்" என்று சொன்னார். அதற்கு நான், ஏன்யா! யாராச்சும் செத்தா தான் நின்னு பாப்பீங்களானு? கேட்டதுக்கு தன் சிரிப்பை மட்டுமே பதிலாக்கி விட்டு சென்றார்.

இப்படி இருக்குற நம்ம கிட்ட, நல்ல செய்திய முதல் பக்கத்துல போட்டா எப்படிங்க விற்க முடியும்? இது நம்ம நாட்டுல மட்டும் இல்லைங்க. எல்லா நாட்டுலையும் இதே தான் நடக்குது. அதே போல் இது இன்னைக்கு நேத்து ஆரமித்ததில்லை, அந்த காலத்துல இருந்தே நடந்துட்டு வர்றது தான். இங்கே நான் போட்டிருக்குற படத்துல உள்ள எடுத்துகாட்டு கொஞ்சம் அதிகம் தான், ஏன்னா அந்த சமயத்துல செய்தித்தாள் முழுவதுமே அதை பற்றி தான் இருந்திருக்கும்.

அந்த மாதிரி நாட்டுக்கு முக்கியமான செய்தின்னா கூட பரவா இல்லைங்க. இப்போ வர தலைப்பு செய்திகள் சில:

1. கணவனை தேன்நிலவுக்கு அழைத்து சென்று தன் காதலனுடன் சேர்ந்து கொன்ற மனைவி.

2. சொந்த மனைவியையே வெட்டி கொன்ற கணவன்.

இப்படி எல்லாம் வருதுங்க. அதுவும் இரத்தம் படிந்த புகைப்படத்துடன். சொன்னா நம்ப மாட்டீங்க, மேல நான் சொல்லி இருக்குற எடுத்துகாட்டில் முதல் செய்தி எல்லாருக்கும் தெரிந்திருக்கும். இந்த செய்தி வந்த சமயத்துல எங்க ஏரியாவில் செய்திதாள்களுக்கு தட்டுப்பாடு. வந்த கொஞ்ச நேரத்துலையே எல்லா கடையிலையும் செய்தித்தாள்கள் தீர்ந்துவிட்டது. இப்போ சொல்லுங்க முதல் பக்கத்தில் நல்ல செய்தி வருவது சாத்தியமா?

தசாவதாரத்தின் டாப் 10 அவதாரங்கள்

2008-06-16T15:21:00.000+08:00

தசாவதாரத்தின் விமர்சனத்தை அனைவரும் எழுதிவிட்டதால், நானும் எதற்கு அதையே எழுதனும்னு நினைத்தேன். அதனால் தான், சரி படத்தில் வரும் எல்லா அவதாரங்களை பற்றியும் ஒரு விமர்சனம் போடுவோம்னு முடிவு செய்தேன். இதை பற்றியும் ஏற்கனவே போட்டுட்டாங்கனு சொல்றீங்களா? போட்டிருந்தா என்னங்க? வந்துட்டீங்கள்ள? மறுவாதையா படிச்சுட்டு போங்க. இல்லனா அழுதுடுவேன்!

படத்தில் கதை இல்லை என்று குறை கூறுபவர்கள் சற்று இதை படியுங்கள். பிரமிக்க வைக்கும் கமல் சாரின் நடிப்பை மட்டுமே எதிர் பார்த்து போங்க. ஒரு ஏமாற்றமும் இருக்காது.

ஒரு புதிய முயற்சியை செய்ய அவர் எடுத்துக்கொண்ட கஷ்டம் கொஞ்சம் நஞ்சமில்லை. நோவாம நோம்பு கும்முடுற நடிகர்கள் இருக்குற இந்த காலத்துல, இந்த வயசுலயும் இவ்வளவு சிரம பட்டிருக்கார் என்று நினைக்கும் போது ரொம்ப பெருமையா இருக்கு. அவர் தமிழன் என்பதில் பெருமிதமாவும் இருக்கு! அவருக்காக இந்த படத்த கண்டிப்பா பார்க்கலாம். இதை சொல்லும் நான் ஒரு ரஜினி ரசிகன்.

சரி, இப்போ அந்த பத்து அவதாரகளையும் கொஞ்சம் அலசுவோம், எனக்கு பிடித்த வரிசையில்!

1. ரங்கராஜ நம்பி

படத்தில் என்னை மிகவும் கவர்ந்த அவதாரம் இது தான். கமல் இதே தோற்றத்தில் ஒரு முழு நீல சரித்திர படம் எடுத்தால் ரொம்ப நல்லா வரும். அந்த அளவுக்கு பொருந்தி இருப்பார். ரங்கராஜ நம்பியாய் அவர் தன் கண்களால் வெளிப்படுத்தும் கோவமும், இயலாமையும், அவரின் உடற் கட்டும், புத்திசாலித்தனமான வசனமும் டாப். கமலை முழு கமலாக கான முடிந்தது இந்த அவதாரத்தில் தான். சிறிது நேரமே வந்தாலும் என்னை மிகவும் கவர்ந்தவர்.

2. பல்ராம் நாயுடு

படம் முழுவதும் வரும் இன்னொரு பாத்திரம் இது. இதில் கமலை அடிச்சுக்க ஆளே இல்லை. இவர் ஒரு தமிழ் பேசும் தெலுங்கர். படத்தின் முதல் காமெடியன் இவர்தான். இருப்பினும் இவர் தன்னிடம் ஆங்கிலம் பேசும் கமலிடம், "தெலுங்கு ஆளான நானே தமிழ் கத்துகிட்டு பேசறேன். தமிழ் ஆளு நீ இங்கிலீஷ்ல பேசற. இப்படி இருந்தா எப்படியா தமிழ் வளரும்னு" கேக்கற இடத்தில் சில பேருக்கு கண்டிப்பா அறை விட்ட மாதிரி இருந்திருக்கும். எந்த தெலுங்கு பெயரை கேட்டாலும் சந்தோஷத்தில் இவர் முகம் மலர்ந்து 'தெலுங்கு வாடானு' கேப்பார் பாருங்க, சான்ஸ்ஸே இல்லை. இவரின் உதவியாளர், இவரை பற்றி பெருமையாக 'Sir can speak in five languages of Telugu' என்று சொல்லும் இடத்தில் சிரிப்பை அடக்க முடியாது. இது மாதிரி இன்னும் நிறைய.

3. வின்சென்ட் பூவராகன்

இந்த பாத்திரத்தில் கமலின் குரல் மட்டும் இல்லையென்றால் இவரை அடையாளமே கான முடியாது. படத்தில் இவர் போட்ட மற்ற அனைத்து வேஷங்களையும் விட இது தான் சற்று இயற்கையாக தெரிந்தது. இதில் இவர் பேசும் தோரணை சூப்பர். அசத்தி விட்டார். பாத்திர படைப்பும் அருமை. ஒருவர் இந்த கமலை பார்த்து, "நீ என்ன உலக நாயகனா" என்று கேட்க, அதற்கு கமல், 'ஆமாம். நான் மட்டும் இல்லை. இருநூறு லட்சம் விந்துக்களிடம் தான் ஒன்று மட்டும் போட்டி போட்டு ஜெயித்து மனிதனாக வெளியே வரும் ஒவ்வொருவரும் உலக நாயகன் தான்'(வசனம் சரியாக நினைவில்லை) என்று சொல்லும் இடத்தில் வசனகர்த்தா கமல் நிற்கிறார்.

4. கிருஷ்ணவேணி

இந்த பாத்திரம் நாம் அனைவரும் ஏற்கனவே அவ்வை ஷன்முகியில் பார்த்த ஒன்றாக இருந்தாலும், இதில் இவர் எடுத்து கொண்ட சிரத்தை அபாரம். இதில் பாட்டியாக நடித்தது மட்டும் இல்லாமல், உயரம் கம்மியாகவும் இருப்பார். பார்க்க ஆச்சரியமாக இருந்தது. 'முகுந்தா முகுந்தா' பாட்டில் கமலே இந்த பாட்டி பாடுவது போல் பாடியிருப்பரே, அது அவரால் எப்படி தான் முடிந்ததோ. இந்த பாட்டி தான் பிராமினராக இருந்தாலும் ஒரு தாழ்த்தப்பட்ட சமுதாயத்தை சேர்ந்த இளைஞனை தன் மகனாக நினைத்து கட்டி அழுவும் போது, அவரை தடுப்பவரை பார்த்து, "போடா ஜாதி பிசாசே' என்று திட்டும் போது நெஞ்சில் நிற்கிறார்.

5. கிறிஸ்டியன் ஃபிலெட்சர்

இவரும் படம் முழுவதும் வருவார். ஆரம்பத்தில் இவரது வேஷம் சற்று செயற்கையாக தெரிந்தாலும், போக போக அதில் கமல் தெரிய மாட்டார். யாரோ ஒரு நிஜமான ஹாலிவுட் வில்லன் போல தான் தோன்றும். அந்த அளவுக்கு அருமையாக பண்ணி இருப்பார் கமல். அவரது ஆங்கில ஸ்லாங் ரொம்ப நல்லா இருக்கும்.

6. ஜார்ஜ் புஷ்

இந்த படத்தின் இரண்டாவது காமெடியன் இவர்தாங்க. சான்ஸ்ஸே இல்லை. இவரது காட்சிகள் அனைத்தும் சிரிப்பை வரவழைக்கும். இதை எப்படி தைரியமாக புஷுக்கே போட்டு காமிக்க முயற்சி பண்ணுகிறார்களோ தெரியல. ரொம்ப தைரியம் தான். உதாரணத்துக்கு ஒன்றை சொல்லுகிறேன். புஷ் தன் உதவியாளரை பார்த்து ஒரு விளக்கத்தை கேப்பார். அதற்கு அவர், "It's so complicated. Let me explain" என்று கூறுவர். உடனே புஷ், "If it's so complicated, then no need to explain" என்று சொல்லிவிட்டு ஒரு ரியாக்சன் கொடுப்பார். இன்னொரு இடத்தில், அந்த பயோகெமிக்கல் கிருமியை அழிக்க அவர் தன் உதவியாளரிடம், "Can we do something about this with Nuclear weapons?" என்று கேட்கும் இடத்தில் ங்கொக்கா, மக்கா அடக்க முடியல. சிரிப்பை தாங்க. கமலுக்கு எவ்வளோ குசும்பு பாருங்க.

7. கோவிந்தராஜன் ராமசுவாமி

இவர் தான் ஒரு விஞ்ஞானி. படம் பூராவும் இவர்தான் ஓடிக்கொண்டே இருப்பார். இந்த பாத்திரம் நமக்கு மிகவும் பரிட்சயமானது. அதனால் அவ்வளவாக ஈர்க்கவில்லை. இவர், "கடவுள் இல்லைன்னு எங்கே சொன்னேன், இருந்திருந்தா நல்லா இருக்கும்னு தானே சொன்னேன்" என்று சொல்லும் வசனம் இன்னும் மனதில் நிற்கிறது.

8. ஷிங்கென் நரஹசி

இந்த கமல் ஒரு ஜப்பானிய கராத்தே மாஸ்டர் பாத்திரம். இதில் இவர் முக அமைப்பே வேறு மாதிரியாக இருக்கும். கண்களும் சற்று வித்யாசமாக தெரியும். ஆனால் கூடவே அந்த செயற்கை தனமும் தெரியும். இதையும் மிக சிறப்பாக செய்திருக்கிறார் கமல். கடைசியில் போடும் சண்டை காட்சி அற்புதம். அப்போது இவரை பார்த்து ஃபிலெட்சர் கமல் "Remember Hiroshima" என்று சொல்ல, பதிலுக்கு இவர் "Remember Pearl Harbour" என்று சொல்வது அபாரம்.

9. அவதார் சிங்

இந்த கமல் ஒரு தமிழ் தெரிந்த பாட்டு பாடும் சிங். இதில் இவரது வேஷம் ரொம்பவே செயற்கையாக தெரிந்தது எனக்கு. இதில் இவரது நடிப்பும் சற்று பரிட்சயமாகவே இருந்தது. அதனால் இந்த பாத்திரம் என்னை அவ்வளவாக கவரவில்லை.

10. கலிஃபுல்லா முக்தார்

இது ஒரு ஏழு அடி உள்ள உயரமான முஸ்லீம் இளைஞன் பாத்திரம். இந்த வேஷமும் ரொம்பவே செயற்கையாக தெரிந்தது. ஆனால் கமலின் நடிப்பால் அதை கொஞ்சம் மறைத்து விட்டார். இதில் இவர் பேசும் தோரணையும் ரொம்ப நல்லா இருக்கும்.

சரி இப்போ படத்தின் நிறைகளையும், குறைகளையும் பார்ப்போம்.

நிறைகள்:

1. கமலின் அபார நடிப்பும், புதுமையான முயற்சியும். கண்ணை மூடிக்கொண்டு வெறும் வசனத்தை கேட்டாலே எது எந்த கமல் என்று சுலபமாக சொல்லிவிட முடியும்.

2. பன்னிரெண்டாம் நூற்றாண்டில் எடுக்கப்பட்ட காட்சி.

3. படத்தின் வசனமும், அருமையான பின்னணி இசையும்.

4. அருமையான ஒளிப்பதிவு.

குறைகள்:

1. பாடல்கள். முதல் பாடல் 'கல்லை மட்டும்' நல்லா இருக்குன்னு பார்த்தால் அது காப்பி அடித்த பாடலாம். அந்த பாடலை பார்க்கும் பொழுது நான் பின்னணியில் தான் வருகிறது என்று நினைத்தேன். பிறகு பார்த்தால் அதை கமல் பாடுகிறார். அவருக்கு அந்த குரல் சற்றும் பொருந்தவில்லை. என்னை மிகவும் கவர்ந்த பாடல் 'முகுந்தா' பாடல் தான். இதற்கு ரேஷ்மையா தான் இசையமைத்தாரா என்று நம்ப முடியவில்லை.

2. அஸின் பாத்திரம் கொஞ்சம் எரிச்சலை மூட்டுகிறது. உயிரும், மானமும் போகும் நேரத்திலும் சும்மா பெருமாள், பெருமாள் என்று சுற்றி கொண்டிருப்பது கொஞ்சம் ஓவர்.

3. வன்முறை காட்சிகள். கொலைகளும், இரத்தமும் நிறைய இருக்கிறது படத்தில்.

4. புரிந்து கொள்ள சற்று கடினமான திரைக்கதை. கமலிடம் இருக்கும் ஒரு கெட்ட பழக்கம் அவர் தன் லெவெலுக்கே யோசித்து படத்தை எடுத்து விடுவார். சாதாரண மக்களுக்கும் புரியிற மாதிரி எடுக்க மாட்டார். உதாரணத்திற்கு "Jurassic Park" படத்தை எடுத்து கொண்டால் அதில் Dinosaursசை எப்படி ஒரு கொசுவில் இருந்து உருவாக்கினார்கள் என்பதை தெளிவாக காண்பித்திருப்பார்கள். அதே போல் கமலும் இந்த "Chaos", "Butterfly effect", இதை எல்லாம் கொஞ்சம் விளக்கி இருக்கலாம்.

5. படத்தில் இன்னொரு நெருடலான விஷயம் கடைசியில் சுனாமி வந்துட்டு போனதுக்கப்புறம் ஊரே அங்கும் இங்கும் ஓடிக்கொண்டு, அலறிக்கொண்டு இருக்கும் போது, கமலும் அசினும் நின்று ரொமான்ஸ் பண்ணிக் கொண்டிருப்பது. இதை தவிர்த்திருக்கலாம்.

அன்றாட வேலையினூடே ஒரு நாள் - ஜூன் 2008 PIT புகைப்படப் போட்டி

2008-06-15T23:30:00.000+08:00

முதல் படம் போட்டிக்கு, மற்றவை எல்லாம் பார்வைக்கு.

சர்வதேச இந்திய திரைப்பட விழாவில், இந்தியா என்பது பாலிவுட்டை குறிக்கும்

2008-06-10T21:09:00.000+08:00

IIFA என்பது சர்வதேச இந்திய திரைப்பட விழா(International Indian Film Academy) ஆகும். 2008க்கான இந்த விழா தற்போது பாங்காக்கில் நடை பெற்று கொண்டிருக்கிறது. சென்ற வருடம் துபாயில் நடைபெற்றது. சர்வதேச விழா என்பதால் வெளிநாடுகளில் நடத்துகிறார்கள் என்று நினைக்கிறேன்.

ஆனால் இதில் மிகவும் நெருடலாக இருப்பது அந்த 'இந்தியா' என்பது தான். ஏன் இப்படி சொல்கிறேன் என்று புரியவில்லையா? கீழே உள்ள பட்டியலை பாருங்கள்:

Best Picture: Guru, Chak De India, Jab We Met, Om Shanti Om, Life In A Metro
Best Actor: Abishek Bachchan - Guru, Akshay Kumar - Bhool Bhulaiyaa, Salman Khan - Partner, Shah Rukh Khan - Chak De India, Shahid Kapoor - Jab We Met
Best Actress: Aishwarya Rai - Guru, Deepika Padukone - Om Shanti Om, Kareena Kapoor - Jab We Met, Tabu - Cheeni Kum, Vidya Balan - Bhool Bhulaiyaa

முழு பட்டியலையும் கான இங்கே கிளிக்கவும்.

பட்டியலை பார்த்ததும் உங்களுக்கு நான் சொல்ல வர்றது புரிஞ்சி இருக்கனுமே? இதில் இருப்பது எல்லாம் வெறும் பாலிவுட் படங்கள் மட்டும் தான். இந்தியால இவங்க மட்டும் தான் படம் எடுக்கராங்களா? இவங்க எடுக்குற பத்து படத்துல எட்டு படம் ஏதாவது ஒரு ஆங்கில படத்த பார்த்து காப்பி அடிச்சதா இருக்கும். அது மட்டும் இல்லாம அந்த பத்துல ஒன்னு மட்டும் தான் ஹிட் ஆகும். இவங்க எப்படி இதை 'சர்வதேச இந்திய திரைப்பட விழா' என்று சொல்லலாம்? இதில் இருப்பது வெறும் பாலிவுட் படங்கள் தானே?

இப்போ இங்கயும் கொஞ்ச போயி பாருங்க. ஒசியன் சினிபேன் பெஸ்டிவல் ஆப் ஆசியான் அண்ட் அராப் சினிமா(Osian Cinefan, Festival of Asian & Arab Cinema), இந்திய படங்களின் பிரிவில் பருத்திவீரனை சிறந்த படமாகவும், அதில் நடித்த ப்ரியாமணியை சிறந்த நடிகையாகவும் தேர்வு செய்திருக்கிறார்கள். இது மட்டும் இல்லாமல் பெர்லின் திரைப்பட விழாவில் கூட பருத்தி வீரனுக்கு சிறந்த படத்துக்கான சிறப்பு பரிசு கொடுத்திருக்கிறார்கள். இவங்களுக்கு தெரிவது நம்மூர் காரர்களுக்கு ஏன் தெரிய மாட்டேங்குது? தமிழ், மலையாளம், தெலுங்கு, கன்னடம் ஆகிய எந்த மொழி படத்தையும் இவர்கள் மதிப்பதில்லை. இவர்கள் இப்படி செய்வதால் சர்வதேச அரங்கில் இந்திய படங்கள் என்றாலே பாலிவுட் படங்கள் தான் என்றாகி விட்டது.

போன முறை துபாயில் இந்த விழா நடந்த பொழுது கேரள சூப்பர் ஸ்டார் மம்மூட்டி இதை எதிர்த்து அந்த விழாவிலேயே குறை கூறி பேசினார். அந்த தைரியம் வேறு யாருக்கும் வராது. அதற்காக அவரை பாராட்டுகிறேன். இதனால் தான் என்னவோ இம்முறை தென்னிந்தியாவில் இருந்து யாரையும் கூப்பிடவில்லை என்று நினைக்கிறேன். அந்த விழாவில் மம்மூட்டி பேசியது இது தான்: "Indian cinema is not just Bollywood, and Hindi is not the only language. Why should our films be called South Indian cinema instead of being under the banner of Indian films?"

இவ்வளோ சொல்லியும் இவங்க இன்னும் திருந்தல. இதுல இன்னொரு விஷயம் கவனிச்சீங்களா? தாரே ஜமீன் பர்(Taare Zameen Par) என்ற அருமையான படம் ஆமிர் கான் இயக்கத்தில் வெளி வந்ததே ஞாபகம் இருக்கா? அந்த படமும் இந்த பட்டியலில் இல்லை. ஷாருக்கான் படத்துக்கு(Chak De India) மட்டும் ஒன்பது விருதுகள். இதுலயுமா அரசியல்? ஒரு வேலை இந்த படம் டிசம்பர் மாதம் வெளி வந்ததால் அடுத்த வருடத்திற்கு எடுத்து கொள்வார்களோ? சரி, நீங்க என்ன வேணும்னாலும் பண்ணிக்கோங்க. ஆனா தயவு செய்து மம்மூட்டி சார் சொன்னது போல் 'சர்வதேச இந்திய திரைப்பட விழா' என்பதை 'சர்வதேச இந்திய பாலிவுட் திரைப்பட விழா' என்று மாற்றி கொள்ளுங்கள்.

குங்ஃபூ பாண்டா - கண்டிப்பா பாருங்க!

2008-06-09T20:57:00.000+08:00

சென்ற சனிக்கிழமை ஏதாவது ஒரு படத்துக்கு போலாம்னு முடிவு பண்ணோம். என்ன படம் போறதுன்னு ஒரே குழப்பம். கடந்த இரண்டு மாதமாய் வந்த எந்த படங்களும் திரையரங்கு சென்று பார்க்கும் அளவுக்கு என்னை தூண்டவில்லை.

கடைசியாக தங்கமணிக்கு அனிமேஷன் படங்கள் பிடிக்கும் என்பதால் இந்த 'குங்ஃபூ பாண்டா' படத்துக்கு டிக்கெட் புக் செய்தேன். இப்படத்தின் விளம்பரங்கள் பல நாட்களாக சிங்கப்பூர் ரயில் நிலையங்களில் ஒளிபரப்ப பட்டு வருகின்றன. அதை பார்த்த பொழுது கூட எனக்கு இப்படத்தை பார்க்க வேண்டும் என்று தோனியதில்லை. காரணம் படத்தின் தலைப்பு. இது ஏதோ சீனா குங்ஃபூ சம்பந்த பட்ட சண்டை படம் என்று நினைத்தேன்.

படம் பார்க்க சென்று அமர்ந்து விட்டோம். படம் ஆரம்பித்தது. முதல் காட்சியே சில கார்டூன் கதாபாத்திரங்கள் வந்து கன்னா பின்னாவென்று சண்டை போட்டுக்கொண்டது. எனக்கோ சரியான கடுப்பு. ஆஹா இதை பார்க்கவா வந்தோம்? இது அனிமேஷன் படம் இல்லையா? கார்ட்டூன் படமா? அப்பாடா! அது வெறும் கனவு காட்சி. இப்படத்தின் நாயகன் பொ'வின் (பாண்டா கரடி) கனவு அது. பொ'வை(Po) பார்த்தவுடன் எனக்கு அதை மிகவும் பிடித்துவிட்டது.

சரி இப்போ கதையை பார்ப்போம். பொவின் அப்பா ஒரு நூடுல்ஸ் கடை வைத்து நடத்துவார். அவருக்கு பொவிற்கும் தனது நூடுல்ஸ் செய்யும் ரகசியத்தை சொல்லிகொடுத்து அந்த கடையை பொவிடம் ஒப்படைக்க வேண்டும் என்பது ஆசை. ஆனால் பொவிற்கோ குங்ஃபூ மீது அலாதி பிரியம். இருப்பினும் பொ சற்று சோம்பேறி. சாப்பாடு என்றால் பொவிற்கு கொள்ளை பிரியம்.

இது இப்படி இருக்கையில் பொ இருக்கும் ஊரின் குங்ஃபூ மாஸ்டர் ஊக்வே(Oogway), டாய் லுங்(Tai Lung) என்னும் தீய சிறுத்தையை எதிர்த்து சண்டையிட ஒரு டிராகன் வாரியரை (Dragon Warrior) தேர்ந்தெடுக்கப்போவதாக அறிவிக்கிறார். இதை பார்க்க செல்லும் பொவை மாஸ்டர் ஊக்வே தற்செயலாக டிராகன் வரியராக தேர்ந்தெடுக்கிறார். இது மாஸ்டர் ஷிபுவிற்கும்(Shifu) அவரின் ஐந்து சீடர்களுக்கும் பிடிக்கவில்லை. மாஸ்டர் ஊக்வேவிற்கு பிறகு அப்பதவியை ஏற்க போவது மாஸ்டர் ஷிபு தான். டாய் லுங்கை சிறுவயதில் எடுத்து வளர்த்து குங்ஃபூ கற்று கொடுத்ததும் மாஸ்டர் ஷிபு தான். ஆனால் மாஸ்டர் ஊக்வே டாய் லுங்கின் மனதில் தீய எண்ணங்கள் இருப்பதால் அதை டிராகன் வாரியராக தேர்ந்தெடுக்க மறுத்து விடுகிறார். மேலும் அதை சிறையும் வைத்து விடுகின்றனர்.

அதன் பிறகு தான் மாஸ்டர் ஷிபு இந்த ஐந்து சீடர்களையும் தேர்ந்தெடுத்து குங்ஃபூ கற்று கொடுக்கிறார். தற்போது அவர்களுக்கும் அந்த டிராகன் வாரியர் பதவி கிடைக்கவில்லை. அதான் இந்த கோவம். இதன் பிறகு பொ எப்படி ஷிபு மாஸ்டரின் நம்பிக்கையையும், ஐந்து சீடர்களின் நட்பையும் பெற்று, குங்ஃபூ கற்று கொண்டு டாய் லுங்கை வெல்கிறது என்பது தான் கதை. அந்த ஐந்து சீடர்களில் ஒன்றான குரங்குக்கு குரல் கொடுத்திருப்பது ஜாக்கி சான்(Jackie Chan), இன்னொரு சீடரான புலிக்கு குரல் கொடுத்திருப்பது ஏஞ்சலினா ஜோலி(Angelina Jolie). விரியன் பாம்பிற்கு குரல் கொடுத்திருப்பது லூஸி லியு(Lucy Liu).

இதில் பொ அடிக்கும் லூட்டிக்கு அளவே இல்லை. அது அடிக்கும் ஒவ்வொரு லூட்டியும் உங்கள் வயிற்றை பதம் பார்ப்பது நிச்சயம். பண்டைய சீனாவை மிக அழகாக காட்டியிருக்கிறார்கள். வசனங்கள் அனைத்தும் மிக நகைச்சுவையாக எழுதப்பட்டு படம் முழுவதையும் ஒரு நகைச்சுவை படமாக எடுத்து இருக்கிறார்கள். இந்த மாதிரி முழுக்க முழுக்க ஒரு நகைச்சுவை கலந்த அனிமேஷன் படத்தை நான் இதுவரை பார்த்ததில்லை.

ஸ்ரேக்(Shrek) படம் போல இதன் தொடர்ச்சி படங்களும் வரும் என்று எதிர்பார்கிறேன். இவ்வருடத்தின் மிக பெரிய ஹிட் படங்களின் வரிசையில் இதுவும் கண்டிப்பாக இருக்கும் என்பது நிச்சயம். ஆகமொத்தத்தில் பெரியோர்கள் முதல் சிறியவர்கள் வரை அனைவரும் கண்டுகளிக்க வேண்டிய படம் இது. இப்படத்தின் வலைப்பூவை காண இங்கே சொடுக்கவும்.

பப்பு கான்ட் டான்ஸ் பட் டி.ஆர் கேன்

2008-06-09T16:01:00.000+08:00

ஏ.ஆர். ரஹ்மானுடைய சமீபத்திய பாட்டு கேட்டீங்களா? ஒரு ஹிந்தி படத்துக்கு போட்டிருக்கார். பாட்டெல்லாம் சும்மா டக்கரா இருக்கு. அதுல ஒரு பாட்டு தான் 'பப்பு கான்ட் டான்ஸ் சாலா' என்கிற பாட்டு. சரியான பார்ட்டி(Party) சாங் இது. பாட்டுகளை பதிவிறக்கம் செய்ய இங்கு சொடுக்கவும்.

அமீர் கான் தயாரிச்ச படம் இது. ஜெனிலியா தான் ஹீரோயின். ஹீரோ இம்ரான் கான் அமீர்கானுடைய சொந்தம். படத்தின் பெயரை சொல்லவே இல்லையே. படத்தின் பெயர் 'ஜானே து யா ஜானே நா'(Jaane Tu Ya Jaane Na), அப்படீனா 'உனக்கு தெரியுமோ தெரியாதோ'.

படம் எப்படி இருக்கும்னுலாம் தெரியல. இதுல வர அந்த 'பப்பு கான்ட் டான்ஸ்' பாட்டுக்கு நம்ம டி.ஆர் டான்ஸ் ஆடுனா எப்படி இருக்கும்னு நெனச்சி பார்த்தேன். அதை அப்படியே எடிட்டும் பண்ணிட்டேன். சும்மா சொல்ல கூடாது, இந்த வயசுலயும் மனுஷன் என்னமா டான்ஸ் ஆடறார். அதான் குட்டி முப்பத்திரெண்டு அடி பாயுது போல. பார்த்துட்டு எப்படி இருக்குன்னு சொல்லுங்க.

டி.ஆரும் என் சண்டையும்

2008-06-05T00:21:00.000+08:00

கடந்த ஞாயிற்று கிழமை காலையில் இருந்து கால்பந்து போட்டி(ஜெயித்தும் விட்டோம்), பார்ட்டி என பரபரப்பாக சென்று கொண்டிருந்தது. எல்லாம் முடிந்து ஒரு நாலு மணிக்கு வீடு திரும்பினோம். சிறிது நேரம் கண்ணயர்ந்து விட்டு நானும் தங்கமணியும் பேசத் தொடங்கினோம். இந்த பேச்சு கொஞ்சம் கொஞ்சமாக அப்படியே சண்டையில் வந்து முடிந்தது.

அதன் பின் இருவரும் எதுவும் பேசாமல் தொலைக்காட்சியை பார்த்துக்கொண்டிருந்தோம். நல்ல வேளையாக டிவி ரிமோட் என்னிடம் இருந்தது. இந்த மாதிரி ஏற்கனவே சண்டையில் இருக்கும் போது நாங்கள் இருவரும் ரிமோட்டுக்காக சண்டை போடுவதில்லை. நானும் சன் டிவி, விஜய் டிவி என மாற்றி மாற்றி வைத்துக் கொண்டிருந்தேன், நிகழவிருக்கும் அதிர்ச்சியூட்டும் சம்பவத்தை பற்றி சற்றும் அறியாதவனாய். அப்போ தாங்க அந்த சம்பவம் நடந்தது. சன் டிவியில் ஏதோ படம் ஆரம்பித்தது. சரி, இதையாவது பார்ப்போமே என்று ஆவலாக ஒலியை ஏற்றி வைத்தால், அது நம்ம டிஆரின் 'வீராசாமி'யாம். எனக்கு தூக்கி வாரி போட்டது. தமிழ்மணத்தில் ஒருவர் விட்டிருந்த எச்சரிக்கை எனக்கு அப்போது தான் நினைவுக்கு வந்தது.

சரி மாற்றி விடலாம்னு நினைத்த போது எனக்கு திபீர்னு ஒரு வில்லத்தனமான யோசனை தோன்றியது. அப்பாவியான என்னிடம் சண்டை போட்ட தங்கமணியை பழி வாங்க இது தான் சரியான சந்தர்ப்பம். உடனே இன்னும் சற்று ஒலியை ஏற்றி வைத்து அதே படத்தை வைத்தேன். இந்த படத்தை பற்றி தெரியாத தங்கமணியும் ஏதோ புதிய படம் என்று ஆவலாக பார்த்துக்கொண்டிருக்க, அப்போது தான் டி.ஆரின் அறிமுகக் காட்சி. ஓர கண்ணால் தங்கமணியின் முகம் கொஞ்சம் கொஞ்சமாக மாறுவதை கவனித்தேன். "முழுசா சந்திரமுகியாக மாறி இருக்கும் உன் மனைவி கங்காவை பார்" என்று தலைவர் சொன்ன வசனம் நினைவில் வந்து கொஞ்சம் பயமுறுத்தியது.

இதுதாங்க அந்த அறிமுக பாடல்:

மெல்லவும் முடியாமல், விழுங்கவும் முடியாமல்னு சொல்லுவாங்களே, அந்த மாதிரி ஒரு நிலைமையில் இருந்த தங்கமணிக்கு மேலும் சில அதிர்ச்சிகள். என்னன்னு கேக்கறீங்களா? அதையும் நீங்களே பாருங்கள்:

இந்த பாட்டுல என்னமா டான்ஸ் ஆடி இருக்கார் பாருங்க. விரைவில் இவர் ஜோடி நம்பர் 1னில் நடுவரா கூட வரலாம். எதுக்கும் தயாராகிக்கோங்க.

இந்த பாட்டுல அவருடைய ஸ்டைலும், அழகும் வெளிப்படும். பில்லா படத்த அஜித்துக்கு பதில் இவர் பண்ணி இருந்தா, இன்னும் டக்கரா இருந்திருக்கும் இல்ல? அதை நெனச்சாலே எனக்கு வார்த்தை வரமாட்டேங்குது.

படையப்பா படத்துல ரஜினி, ரம்யா கிருஷ்ணன் முன்னாடி ஊஞ்சல இழுத்து போட்டு ஒக்காருவாறே, அந்த காட்சி ஞாபகம் இருக்கா? இப்போ இந்த காட்சிய பாருங்க, அதை விட எவ்வளவு பிரமாதமா செஞ்சி இருக்கார் பாருங்க டி.ஆர்.

இதுல டி.ஆரின் தங்கச்சியை காதலிக்கும் இன்னொரு ஹீரோ படம் பூராவும் காதில் ஒரு சாம்பிராணி பத்தியை சொருகி கொண்டிருப்பார். படம் முடியறதுக்குள்ள அதை யாராவது கொளுத்துவாங்கனு எதிர்பார்த்தேன். கடைசி வரை யாரும் அதை கொளுத்தவே இல்லை:( எங்க இருந்து தான் இந்த மாதிரி ஆளுங்களை எல்லாம் பிடிப்பாரோ?

படத்துல உண்மையிலேயே ரொம்ப கஷ்ட பட்டு நடிச்சது மும்தாஜா தான் இருக்கும் போல. பின்ன இவர லவ் பண்ற மாதிரி இல்ல நடிக்கணும். அவங்க பேசுன ஒரு வசனம் இன்னும் என் நெஞ்சில அப்படியே நிக்குது:

"நீ என் மனச தான்யா திருடுன, ஆனா நான் நீ குளிச்சிட்டு வச்ச சோப்ப திருடி அத தேச்சி தான்யா குளிக்கிறேன்."

இதை நெனச்சி பார்க்கவே எனக்கு ரொம்ப கஷ்டமா இருக்கே, அவங்களுக்கு எப்படி இருந்துதோ?

இப்போ நம்ம கதைக்கு வருவோம். இந்த மாதிரி தங்கமணியோட சண்டைல இருக்கும் போது, எப்பவுமே கஷ்டப்பட்டு முகத்த இறுக்கமாகவே வச்சுக்கிட்டு இருக்கணும். இல்லைனா நான் சண்டைல தோத்தது போல ஆகிவிடும். இதுக்காகவே எவ்வளவோ கஷ்டப்பட்டு என் சிரிப்பை எல்லாம் அடக்கி கொண்டு இந்த படத்தை பார்த்துகிட்டிருந்தேன். ஆனால் இந்த காட்சிகளை பார்த்துவிட்டு என்னால் தாங்க முடியாமல் சிரித்து விட்டேன். உங்களால சிரிக்காம இருக்க முடியுதானு முயற்சி பண்ணி பாருங்க.

நல்ல வேளை, பாஸ்கர் இவர பிடிச்சிருக்காரு, இல்லனா....யய்யாடி!

இந்த படத்தோட சேர்த்து இவர் மொத்தம் நாற்பதொன்பது தங்கச்சிகளை மார்மேலையும், தோள்மேலையும் போட்டு வளர்த்திருக்கார். அடுத்த படத்தோட அரை சதம் அடித்து விடுவார்.

இதை பார்த்து விட்டு தங்கமணியின் கைகள் தலைவலி தைலத்தை நோக்கி எட்டியது. நான் சிரித்ததை பார்த்த தங்கமணி, ஜெயித்து விட்ட தோரணையோடு என்னை பார்த்து "மரியாதையா சேனலை மாத்துரியானு" அன்பு கட்டளை இட்டார். நானும் படம் முடியபோவுது, கிளைமாக்ஸ் பார்த்துட்டு மாத்திடறேனு சொல்லிட்டு அந்த கொடுமையையும் பார்த்தேன். இதுக்கு மேலயும் தாங்க முடியாதுன்னு தங்கமணி எழுந்து சமயகட்டுக்குள்ள காபி போட போயிட்டாங்க. அப்பாடா எப்படியோ சண்டை தீர்ந்தது, ஆனா ஒரு சண்டே இப்படி வீணாகி போச்சே!

நீங்க எங்க போறீங்க. இருங்க, தயவு செய்து இதையு பார்த்துட்டு போங்க. இவ்வளோ கொடுமையையும் பார்த்த நீங்க, இத பார்க்க மாட்டீங்களா? படத்துல ஒருவிதத்துல ரொம்ப ஆருதாலான காட்சியே இதுதாங்க. ஏன்னா அவரு அபீட் ஆயிடுவாரு. எவ்வளவு வித்தியாசமா எடுத்திருக்கார்னு பாருங்க. இதுவரை தமிழ் சினிமாவில் இது மாதிரி துணிச்சலான கிளைமாக்ஸ் யாரும் வச்சு இருக்க மாட்டாங்க. வழக்கமா படத்துல கணவர் இறந்ததும், மனைவி அப்படியே கணவர் மேல விழுந்து உசுர விட்டுடுவாங்க. ஆனா இந்த படத்துல டி.ஆர் இறந்ததும், அவருடைய எதிர் வீட்டு காரரோட பொண்டாட்டி, அதாங்க மும்தாஜ் உசுர விடறாங்க. ச்சே, 'அந்த ஏழு நாட்கள்' படத்தோட கிளைமாக்ஸ் எல்லாம் ஒரு கிளைமாக்ஸ்ஸா?

விகி(wiki)லையும் போயி இவர கலாய்ச்சது யாருன்னு தெரியலைங்க. விகிய படிச்சுட்டு என்னால நம்பவே முடியல. நீங்களே பாருங்களேன்.

அவங்களும் திருந்த மாட்டாங்க, இவங்களும் திருந்த மாட்டாங்க

2008-06-03T09:55:00.000+08:00

"ஒகேனக்கல் குடிநீர் திட்ட பிரச்சனையில் விட்டுக் கொடுக்கும் பேச்சுக்கே இடமில்லை"னு கர்நாடக முதல் மந்திரி எடியூரப்பா திட்டவட்டமாக அறிவிச்சிருக்காராம். இன்னும் விரிவாக படிக்க இங்கே சொடுக்குங்கள்.

ஒகேனக்கல் குடிநீர் திட்டத்துல இவங்க விட்டு கொடுக்க என்ன இருக்கு? அதை இவ்வளோ நாள் தள்ளி வச்சு நாம தான் விட்டு கொடுத்து இருக்கோம். இதை கேக்கவா கருணாநிதி இவ்வளோ நாள் இந்த திட்டத்தை தள்ளி வச்சார்? இந்த பிரச்சனையும் தீராது போல!

இதை படித்து கொண்டிருக்கும் போதே, இந்த செய்தியும் படித்தேன்:

பெங்களூரில் தமிழ் படக் குழு மீது கன்னட அமைப்பு தாக்குதல்

இதை படித்த நீங்கள், இதையும் படியுங்கள்:

"பெங்களூரில் வன்முறைப் போராட்டத்தில் ஈடுபட்டு வரும் கன்னட ரக்ஷன வேதிகே அமைப்பின் தலைவர் நாராயண கெளடா, பெங்களூர்த் தமிழ்ச் சங்கத் தலைவர் சண்முகசுந்தரத்தை திடீரென சந்தித்துப் பேசினார். சந்திப்புக்குப் பின்னர் இனிமேல் தமிழர்கள் மீது தாக்குதல் நடத்த மாட்டோம், சகோதரர்களாக இருப்போம் என கெளடா அறிவித்துள்ளார்."

இது தானா சார் உங்க டக்கு ஸாரி வாக்கு? நம்ம ஆளுங்களையும் சொல்லணும். இவங்களுக்கு படப்பிடிப்பு நடத்த வேற இடமே கிடைக்கலியா? நம்ம ஊருல இல்லாத அப்படி என்னத்த கண்டாங்க அங்க? எப்படியும் எடுக்க போறது மொக்க படம் தான். மதியாதார் வாசலையே மிதியாதேனு சொல்லுவாங்க. இவங்க என்னடானா, போட்டு மிதிப்போர் வாசலையே திரும்ப திரும்ப மிதிக்கறாங்க. திருந்துங்கடா. இல்ல சத்யராஜ் அண்ணாச்சி கிட்ட போட்டு கொடுத்துடுவேன்.

புலாவ் தியோமன் - ஓர் அழகிய தீவு

2008-05-26T21:18:00.000+08:00

நான் ரொம்ப நாளா பயண கட்டுரை எழுதனும்னு யோசிச்சிகிட்டு இருந்தேன். இப்போ தான் அதுக்கு நேரம் கை கூடி வந்திருக்குன்னு நினைக்கிறேன்(எழுத இப்போதைக்கு வேற ஒண்ணும் தோனலைங்க அதான்;). என்னுடைய முதல் பயண கட்டுரையா இதுவரை நான் பயணித்ததிலேயே என்னை மிகவும் கவர்ந்த இடமான 'புலாவ் தியோமன்'னை பற்றி எழுதுகிறேன்.

சிங்கப்பூருக்கு மிக அருகாமையில் உள்ள ஒரு சொர்க்கம் இது எனலாம். ஏன், மலேசியா நாட்டில் உள்ள சொர்கம்னு சொல்ல கூடாதான்னு குண்டக்க மண்டக்க கேள்வி கேக்க கூடாது. நான் சிங்கப்பூரில் வசிப்பதால் அப்படி எழுதினேன். புலாவ் தியோமன் மலேசியா நாட்டில் உள்ள ஒரு அழகிய தீவு ஆகும். புலாவ் என்றால் மலாய் பாஷையில் தீவு என்று அர்த்தம். இங்குள்ள பல தீவின் பேர்களுக்கு முன்னால் இந்த 'புலாவ்' என்ற வார்த்தை இருக்கும். தியோமன் உலகின் முதல் பத்து அழகிய தீவுகளில் ஒன்றாக விளங்கிற்று. இப்பவுமானு தெரியல. இதை பற்றி இன்னும் விலாவாரியாக தெரிந்து கொள்ள இங்கே சொடுக்கவும்.

நான் தாய்லாந்து நாட்டில் இருக்கும் 'புக்கெட்' தீவுக்கும் சென்றிருக்கிறேன். ஆனால் இங்கு கிடைக்கும் தனிமையும், அமைதியும் அங்கு இல்லை. ஒரு இரண்டு தெருவை சேர்த்து வைத்தா எவ்வளவு பெருசா இருக்குமோ அந்த அளவுக்கு ஒரு சிறிய இடம், அதில் ஒரே ஒரு ரிசோர்ட்(resort), அதற்கு சொந்தமான ஒரு இருபது, முப்பது குடில்கள், குடிலின் முன் பக்கத்தில் ஒரு இருபதே மீட்டர் தொலைவில் கடல், பின் புறம் பெரிய மலையில் அடர்ந்த காடு, இது தாங்க புலாவ் தியோமன்.

நாங்கள் அங்கு சென்ற நேரமும் மிகச்சரியான நேரம் போல. மொத்தமே ஒரு நாப்பது பேர் தான் இருந்திருப்பார்கள். மூன்று நாள், இரண்டு இரவு அங்கு தங்கி இருந்தோம். மார்ச் முதல் அக்டோபர் வரை இங்கு பயணம் செய்ய தகுந்த நேரமாகும். நவம்பர் முதல் பிப்ரவரி வரை இந்த தீவு மோசமான காற்று மற்றும் தட்பவெப்ப நிலையால் மூடப்பட்டிருக்கும்.

இங்கு செல்வதற்கு மெர்சிங்(Mersing) என்னும் இடத்தில் இருந்து பயணப்படகு மூலம் செல்ல வேண்டும். இந்த பயணத்திற்கு ஒரு மணி நேரம் ஆகும். சிங்கப்பூரில் இருந்து மெர்சிங் செல்வதற்கு பேருந்தில் ஒரு ஆறு மணி நேரம் ஆகும். பெர்ஜாயா ஏர்(Berjaya Air) என்னும் விமானம் மூலம் கூட இங்கு செல்லலாம். இது பெர்ஜாய ரிசோர்ட்டில் இருக்கும் விமான தளத்தில் வந்து இறங்கும். அங்கிருந்து மற்ற ரிசோர்ட்களுக்கு செல்ல பயணப்படகு மூலம் செல்ல வேண்டும்.

கீழே உள்ள படத்தில் நாங்கள் மேர்சிங்கில் இருந்து தியோமனுக்கு பயணப்படகில் புறப்பட்டு கொண்டிருக்கிறோம்.

தியோமனில் ஒவ்வொரு ரிசோர்டும் இப்படி தான் தனித்தனியாக இருக்கும்.

ஒரு ரிசோர்ட்டில் இருந்து பக்கத்தில் இருக்கும் ரிசோர்டிற்கு செல்ல பயணப்படகு மூலம் தான் செல்ல முடியும். நீச்சல் தெரிந்தால் நீந்தி செல்லலாம்.

இங்கு கடல் நீர் மிக தெள்ளத்தெளிவாக இருக்கும். தண்ணீருக்கு அடியில் அனைத்தும் மிகத்தெளிவாக தெரியும். கரையில் இருந்தே இங்கு பவழப்பாறைகள் ஏராளமாக இருக்கும். கடற்கரையில் இருக்கும் பவழப்பாறைகள் பெரும்பாலானவை இறந்து போனவைகளாக இருக்கும். சற்று உள்ளே சென்றால் கண்ணை கவரும் வகையில் மீன்களும், பவழப்பாறைகளும் இருக்கும்.

நாங்கள் தங்கி இருந்த விடுதி இது தான். இதில் மொத்தம் நாலு அறைகள் இருக்கும். மேலே உள்ள இரண்டில் நானும் என் கூட வந்த நண்பரும் தங்கி இருந்தோம். இரண்டையும் உள்ளே உள்ள இரு கதவுகளை திறந்து இணைத்து கொள்ளலாம். இதிலிருந்து ஒரு முப்பது மீட்டர் தொலைவில் கடற்கரை. பின்னாடி அடர்ந்த காட்டுடன் மலை. காலையில் எழுந்தவுடன் அந்த மாடி முகப்பில் குந்திக்கிட்டு, கடற்கரையை பார்த்து கொண்டே தேநீர் அருந்துவதில் உள்ள சுகம் இருக்கே, அது சொல்லி தெரியாது.

இந்த விடுதியை பாருங்கள். இது கடற்கரைக்கு மிக அருகில் உள்ளது. கதவை திறந்தால் நேரா கடல் தான். இரவு வந்தால் இங்கு கடல் சற்று உள் வாங்குவதை கண்டு சற்றே பயம் எட்டிப் பார்த்தது. எல்லாம் சுனாமி பயம்தான். இங்கு ஓடி ஒளிய கூட முடியாது. விடிய விடிய அது தானாக பழையபடி மேலே வந்துவிடும்.

இந்த படத்தில் தெரிவது பக்கத்தில் உள்ள ஒரு நீர் வீழ்ச்சி. இங்கு செல்ல எங்களுக்கு நேரம் கிடைக்கவில்லை. இங்கிருந்து பார்ப்பதற்கே மிக அழகாக இருந்தது.

இருந்தாலும் நாங்கள் தங்கியிருந்த இடத்திலேயே ராக் பால்ஸ் என்ற இந்த நீர் விழுச்சி இருந்தது. காட்டுக்குள் ஒரு கிலோமீட்டர் உள்ளே செல்ல வேண்டும். சுத்திலும் அடர்ந்த காடு. ஆள் நடமாட்டமே இல்லை. கொஞ்சம் பயமாக இருந்தது. கையில் கிடைத்த இரண்டு குச்சியை எடுத்து கொண்டு நடந்தோம். கொஞ்ச தூரம் சென்றதும் வழி தெரிய வில்லை. திரும்பி விடலாம் என்று எண்ணிய போது ஒரு அழகிய சீன ஜோடிகள் குளித்து விட்டு திரும்பி கொண்டிருந்தார்கள். அப்பாடா என்று அவர்கள் வந்த வழியே சென்று அந்த நீர்வீழ்ச்சியை அடைந்தோம். ஒரு பத்து பேர் அங்கு இருந்தனர். தண்ணீர் சுத்தமாகவும், இனிப்பாகவும், சில்லென்று இருந்தது. ஒரு குளியலை போட்டு விட்டு திரும்பினோம்.

இந்த படத்தில் நீங்கள் பார்ப்பது கடல் கரையிலேயே தெரியும் பவழப்பாறைகள். தண்ணீருக்குள் நடந்தே சென்றால் இன்னும் அழகான கண்ணை கவரும் வகையில் பவழப்பாறைகளை காணலாம். மிகக் குறைந்த விலைக்கு அங்கு கிடைக்கும் காப்புச்சட்டையும்(Life Jacket), முகமூடியும்(Mask) வாங்கி கொண்டால் ஸ்நோர்கெல்லிங்(Snorkelling) செய்து இன்னும் நன்றாக பார்க்கலாம்.

ஸ்குபா டைவிங், ஸ்நோர்கெல்லிங், வாட்டர் பைக், கநோயிங்(Canoeing) போன்ற தண்ணீர் விளையாட்டுகளும் இங்கு இருக்கிறது. ஸ்குபா டைவிங்கிற்கு இங்கு முறையான பயிற்சியும் அளிக்கிறார்கள். பல வெளிநாட்டினர் இங்கு ஸ்குபா டைவிங் கற்று கொள்ள வருகிறார்கள். பயிற்சி முடிவில் அதற்கான சான்றிதழும் தருகிறார்கள்.

மரைன் பார்க்(Marine Park) என்றொரு இடத்திற்கு சென்றால் பலவகையான வண்ண வண்ண மீன்களை காணலாம். அவற்றுடன் சேர்ந்து நீங்களும் நீந்தலாம். கடலின் கரையில் இருந்து ஒரு பெரும் பகுதியை அடி வரை வலை போட்டு தனியாக பிரித்திருப்பார்கள். மீன்களால் அதை மீறி கடலுக்குள் செல்ல முடியாது. கீழே உள்ள படத்தில் நான் மீன்களுக்கு உணவு அளிப்பதை காணலாம்.

இது தான் நாங்கள் தங்கி இருந்த ரிசோர்ட்டின் பீச் பார். இங்குள்ள உணவகத்தில் உணவு வகைகள் எல்லாம் மிகவும் ருசியாக இருக்கும். குறிப்பாக கடல் வகை உணவுகள். அதனால் எங்களுக்கு சாப்பாட்டு குறையே தெரியவில்லை. கொஞ்சம் பணக்குறை தான் தெரிந்தது. ஏனென்றால் இங்கு உணவு கொஞ்சம் விலை கூட.

நீச்சல் குளம், மேசைக் கோல் பந்தாட்டம்(Snooker), ஸ்பா(Spa) போன்றவைகளும் இங்கு உள்ளன. ஸ்நூக்கர் மட்டும் ஆடினோம். மற்ற இரண்டும் முயற்சி செய்து பார்க்கவில்லை. நாங்கள் தங்கி இருந்த இடத்தின் கடற்கரை நீளம் இது தான். அந்த கடைசியில் ஒரு குட்டி தீவு தெரிகிறதா? அதற்கும் சென்று பார்த்தோம். ரொம்ப அழகான தீவு அது. சுற்றிலும் தெள்ளத்தெளிவான தண்ணீர். கொஞ்சம் சாகசமானதாகவும் இருந்தது.

போகும் வழியில் இந்த பழைய படகுகளை கண்டதும் அனகோண்டா படம் ஞாபகத்துக்கு வந்து பயமுறுத்தியது.

இந்த படத்தில் எனக்கு வலது பக்கத்தில் தான் அந்த குட்டி தீவு. என் பின் புறத்தில் தெரிவது பெர்ஜாயா ரிசோர்ட். அப்படியே தண்ணிரில் நீந்தி சென்றால் அந்த ரிசோர்ட்டுக்கு சென்று விடலாம். தண்ணீரை பார்த்தீர்களா? எவ்வளவு சுத்தமாக இருக்கிறது. இங்கே ஒரு இரண்டு மணி நேரம் செலவழித்தோம்.

இந்த இடத்தில் தான் நான் எனது கால் தடுக்கி என் புகைப்படக்கருவியை தண்ணீரில் நனைத்து விட்டேன். அதுக்கப்புறம் அது வேலை செய்யவில்லை. அதை கொடுத்து விட்டு வேறு புகைப்பட கருவியை வாங்குவதாக ஆயிற்று. ரொம்ப வருத்தமாக இருந்தது. நல்ல வேளையாக நான் அதில் பிடித்த படங்கள் ஒண்ணும் ஆகவில்லை. உப்பு தண்ணீர் புகைப்பட கருவிக்கு பயங்கரமான எதிரி. ஜாக்கிரதையாக இருங்கள்!

அவ்வளோதாங்க! நாங்கள் தியோமன்னை விட்டு கிளம்பும் போது அந்த வானமே கண்ணீர்விட்டு அழ தயாராகி விட்டது. கிளம்பும் போது படகில் இருந்து எடுத்த படத்தை நீங்களே பாருங்கள். அதை கான மனம் இல்லாமல் நாங்கள் பிரியா விடை பெற்று கொண்டு கிளம்பி விட்டோம்.

ஜோடி - மே 2008 PIT புகைப்படப் போட்டி

2008-05-15T22:48:00.000+08:00

ஒரு இருபது, முப்பது படத்தை தேடி எடுத்து வச்சுக்கிட்டு எதை போட்டிக்கு தேர்வு செய்யறதுன்னு ரொம்ப கொழம்பி போயிட்டேன். இன்னும் கொழப்பம் தீரலை. வந்து பார்த்தீங்கனா என் தேர்வு சரியான்னு சொல்லிட்டு போங்க.

முதல் படம் போட்டிக்கு, மற்றவை எல்லாம் பார்வைக்கு.

மேலே உள்ள படம் தமிழில் புகைப்படக்கலை வலைப்பூவில் நடத்தப்படும் போட்டிக்காக பதிக்கப்பட்டது.

பூனை குசும்பு!

2008-05-07T18:58:00.000+08:00

சில பேரை திட்டும் போது பூனை குசும்பன்னு சொல்லி திட்டுவாங்களே கேள்வி பட்டிருக்கீங்களா? அப்படீன்னா என்னன்னு தெரியுமா? தெரியலைன்னா இந்த வீடியோ காட்சியை பாருங்கள். உங்களுக்கே புரியும்;)

திருநங்கைகள்

2008-05-02T20:34:00.000+08:00

விஜய் டிவில 'இப்படிக்கு ரோஸ்' நிகழ்ச்சி பார்த்தேன். ரொம்பவே உருக்கமா இருந்துச்சு. குறிப்பா நான் சொல்றது ரோஸ் திருநங்கைகளோட ஒரு நிகழ்ச்சி பண்ணினாங்களே அதை பத்தி தான். நீங்க அதை பார்க்கலைன்னா இங்க போயி பாருங்க (இது ஒரு பகுதி தான். மத்த பகுதி எல்லாம் அங்கேயே இருக்கும்).

இதுல பேசுன ஒவ்வொரு திருநங்கைகளோட திறமைகளை பார்க்கும் போது ரொம்பவே ஆச்சர்யமா இருந்துச்சு. இவங்கள்ல பல பேர் ரொம்ப நாளாவே வலைப்பதிவு ஆரமிச்சி எழுதிட்டு வராங்கன்றதும் எனக்கு ரொம்ப ஆச்சர்யமா இருந்துச்சு. உண்மைய சொல்ல போனா இவங்களுக்கு திருநங்கைகள்னு ஒரு பேரு இருக்குன்னு இப்போ தான் தெரிஞ்சிகிட்டேன். எல்லாரையும் போல நானும் உஸ்ஸ், ஒன்பது, அலி அப்படீன்னு தான் சொல்லுவேன். ஆனா இந்த நிகழ்ச்சிய பார்த்ததுக்கப்புறம் இந்த மாதிரி எல்லாம் கூப்பிட வாய் வர மாட்டேங்குது.

நான் ஹைதராபாத்ல வேலை பார்க்கும் பொழுது அடிக்கடி சார்மினார் இல்ல சென்னை எக்ஸ்பிரஸ் ரயில்ல சென்னை வருவேன். ஹைதராபாத்ல ரயில் ஏறும்போதே ஒரு பத்து ரூபாயை எடுத்து பாக்கெட்ல வச்சுக்குவேன். ஏன்னா ரயில் கிளம்பி கொஞ்ச நேரத்துல ஒரு நாலு, அஞ்சு திருநங்கைகள் காசு வாங்க வருவாங்க. காசு கம்மியா கொடுத்தாலும் சரி, இல்ல கொடுக்கவே இல்லைனாலும் சரி ஏதாச்சும் திட்டுவாங்க. நமக்கு தர்ம சங்கடமா ஆயிடும். இதுக்காகவே முதல காச கொடுத்து அனுப்பிடறது.

இந்த மாதிரி எல்லாம் இவங்கள்ல சில பேர் செய்யறதால இவங்கள ஒட்டு மொத்தமா ஒதுக்கறது நியாயம் இல்ல. நாம் அவர்களை நடத்தும் விதம் கூட அவர்களை இப்படி மாற்றி விட்டிருக்கும் என்று எனக்கு தோன்றுகிறது. அப்பவெல்லாம் இவங்கள பத்தி ஏதாச்சும் யோசிச்சிகிட்டே இருப்பேன். இவங்க ஏன் இப்படி செய்யறாங்க. இவங்களுக்கு குடும்பம் இல்லையா? ஒரு குடும்பத்துல இவங்கள மாதிரி யாராச்சும் பிறந்தாங்கனா என்ன செய்வாங்க? சமுதாயத்துல அனாதைகள், ஊனமுற்றவர்கள் இப்படி யார பார்த்தாலும் நாம பரிதாப படறோம், ஆனா இவங்கல பார்த்து மட்டும் யாருமே ஏன் பரிதாப மாட்டறாங்க? இவங்களுக்கு வாழ வேற வழியே இல்லையா? அப்படி இவங்களுக்கு உடல் ரீதியா என்ன குறை பாடு? இப்படி பல கேள்விகள் எனக்குள் ஓடும். இதெற்கெல்லாம் எனக்கு இந்த 'இப்படிக்கு ரோஸ்' நிகழ்ச்சியை பார்த்தவுடன் தான் விடை கிடைத்தது. விஜய் டிவிக்கு எனது மனமார்ந்த பாராட்டுக்கள்.

நம் சமுதாயத்தில் நாம் இவர்களை அருவெறுப்பாக பார்ப்பதற்கு பல காரணங்கள் உள்ளன. சினிமாவில் கூட இவர்களை கேலிக்கூத்தாக தான் காண்பிக்கிறார்கள். இதில் மிகவும் வருந்தத்தக்கது தென் இந்தியாவில் தான் இவர்களை மிகவும் கேவலமாக நடத்துவதாக இவர்களே சொல்கிறார்கள். வட நாட்டில் இவர்களுக்கு மரியாதை தருகிறார்களாம். இது நான் சற்றும் எதிர் பார்க்காத விஷயம். இவர்களை நாம் மனிதர்கள் என்று கூட ஏற்றுக்கொள்வது இல்லை. நமது அரசாங்கம் கூட இவர்களுக்கு எதுவும் செய்ததாக எனக்குத் தெரியவில்லை.

ஆனால் இவர்களுக்கு வெளிநாடுகளில் கொடுக்கப்படும் மரியாதையே வேறு. நான் ஸ்டார் க்ரூஸ் என்ற சுற்றுலா கப்பலில் பயணித்த போது இவர்களை வைத்து ஒரு பிரத்யேக நிகழ்ச்சியை நடத்தினர். இவர்களை தாய்லாந்து நாட்டின் 'லேடிபாய்ஸ்' என பெருமையாக அறிமுகப்பதுத்தினர். நிகழ்ச்சி நிறைவு பெற்ற பின் நாம் அவர்களுடன் நின்று புகைப்படம் எடுத்துக்கொள்ளலாம். இது போல் அங்கீகாரம் இவர்களுக்கு நம்மூரில் இல்லையே என்று வருத்தமாக இருக்கிறது.

இதுவரை நான் இவர்களில் ஒருவரை கூட நேரில் அழுது பார்த்ததில்லை. அத்தனை கவலைகளையும் தங்கள் மனதில் போட்டு புதைத்து கொண்டு வாழ்கிறார்கள். என்னதான் இவர்கள் ஆபரேஷன் செய்துக் கொண்டு பெண்ணாய் மாறினாலும், இவர்களால் முழு பெண்ணாய் மாற முடியாது. இவர்களால் குழந்தை பெற்று கொள்ள முடியாது. பெண் மனம் கொண்டுள்ளதால் உடலை மட்டும் பெண்ணாய் உருவகித்துக் கொண்டு, பெண் என்று சொல்லிக் கொள்கிறார்கள்.

இதில் இவர்களின் தவறு எதுவும் இல்லை. இவர்களை படைத்த அந்த ஆண்டவனின் தவறு. இதை சரி செய்ய இது வரை வழி எதுவும் இல்லை. இப்படி இவர்கள் ஏற்கனவே பல துன்பங்களை அனுபவித்துக் கொண்டு வாழ்ந்து கொண்டிருக்கிறார்கள். அதனால் நாமும் இவர்களை நோகடிக்காமல், இருபாலினர்களைப் பற்றி நம் எண்ணங்களை மாற்றிக் கொண்டால் மேல் நாடுகள் போல, இவர்களும் நம் நாட்டில் சமூகத்தில் கெளரவமாய் வாழலாம்.

இதை வவாசங்க போட்டிக்காக எழுதவில்லை, இருந்தாலும் இதுவும் அந்த போட்டிக்கு பொருத்தமாக இருக்கும் என்று நினைக்கிறேன்.

ரெண்டே ரெண்டு ஆசைதான்...

2008-04-25T08:05:00.000+08:00

சிலருக்கு தன் ஜோடியுடன் இருவர் மட்டும் தனிமையில் அமர்ந்து இயற்கையை ரசிக்க ஆசை.....

சிலருக்கு ஒரே நேரத்தில் இரண்டு ஐஸ் க்ரீம் சாப்பிட ஆசை...

இன்னும் சிலருக்கு ஒரே கோனில் இரண்டு ஐஸ் க்ரீம் ஸ்கூப் வைத்து சாப்பிட ஆசை...
சிலருக்கு ஒரே மிதிவண்டியை இரண்டு பேர் ஓட்டி செல்ல ஆசை...
இன்னும் சிலருக்கு தனித்தனியாக இரண்டு மிதிவண்டியில் ஜோடியாக செல்ல ஆசை....

சிலருக்கு புகை படத்திற்கு தன் இரண்டு விரலை காட்டி போஸ் கொடுக்க ஆசை...
சிலருக்கு இரண்டு நாய்கள் வளர்க்க ஆசை...சிலருக்கு இரண்டு உறுஞ்சு குழாய் வைத்து குளிர்பானம் குடிக்க ஆசை...
சிலருக்கு இரண்டு லென்ஸ் வைத்துக் கொண்டு விதவிதமாக படம் பிடிக்க ஆசை...
சிலருக்கு இரண்டு கிளாஸில் பீர் ஊற்றி ஒரே கல்ப்பில் அடிக்க ஆசை...

சிலருக்கு இரண்டு முட்டையுடன் சோறு தின்ன ஆசை...
சிலருக்கு இரண்டு கால் சட்டை அணிந்து கொள்ள ஆசை...

அதே போல் இவர்களின் ஆசையும் ரெண்டே ரெண்டுதான்....உண்ண உணவும், உடுக்க உடையும்!

இது வவாசங்க போட்டிக்கான என்னுடைய இரண்டாவது பதிவு. முதல் பதிவு இங்கே.

இரண்டக்க இரண்டக்க...

2008-04-23T23:40:00.000+08:00

வவாசங்க இரண்டாவது ஆண்டு விழா போட்டியில கலந்துக்க இரண்டு வாரமா 'இரண்டு மனம் வேண்டும்'னு பாடிகிட்டே யோசிச்சு யோசிச்சு ரொம்ப கொழம்பி போயிட்டேன். கொறஞ்சது இரண்டு பதிவாவது போடனும்னு பார்த்தேன். இதுக்கு மேல யோசிச்சா தலையில இரண்டு முடிதான் இருக்கும். சரி இப்போ இரண்டு நிமிஷம் என் மொக்கைய படிங்க.

சரியா இரண்டு மணிக்கு ரங்கா தன் 2G ரெயின்போ காலனி வீட்டில் இருந்து இரண்டு தெரு தள்ளி இருக்க மகளிர் கல்லூரியை நோக்கி கிளம்பினான். இரண்டு முப்பதுக்கு மகளிர் கல்லூரி விடும் நேரம். அதனால் கல்லூரி விடும் நேரத்தில் அங்கு போய் நின்று இரண்டு சூப்பர் பிகரையாவது பார்த்து லுக் விட வில்லை என்றால் அவனுக்கு இரவு இரண்டு மணியானாலும் தூக்கம் வராது. இரண்டும் கெட்டாம் வயசு பாருங்க. இவனுக்கு கல்லூரி விடுமுறை விட்டு இரண்டு வாரம் ஆவதால், இந்த இரண்டு வாரமாக இதே வேலை தான் இவனுக்கு.

இரண்டு பத்துக்கு அந்த கல்லூரியின் முன் ஆஜராகி விட்டான் ரங்கா. இன்னும் சரியாக இரண்டு பத்து நிமிடம் (அதாங்க இருபது நிமிடம்;) அவன் காத்திருக்க வேண்டும். அதுவரை என்ன செய்வதென்று தெரியாமல் இரண்டு கடலை உருண்டையை வாங்கி மென்று கொண்டிருந்தான். கடலை உருண்டை என்றால் அவனுக்கு இரண்டு வயசுல (அட்ரா அட்ரா;) இருந்தே பிடிக்கும்.

சரியாக மணி இரண்டு முப்பது. கல்லூரியில் இரண்டு தடவை மணி அடித்த ஓசை நன்றாக கேட்டது. ரங்கா பக்கத்தில் இருந்த ஒரு இரண்டு சக்கர வாகனத்தின் கண்ணாடியில் தன் தலை முடியை சரி செய்து கொண்டு ஆவலாக கல்லூரி வாசலையே வழி மேல் தன் இரண்டு விழிகளையும் வைத்து காத்து கொண்டிருந்தான்.

இரண்டு, மூன்று, நான்கு என்று கும்பல் கும்பலாக மாணவிகள் வெளியில் வர தொடங்கினார். வழக்கம் போல ரங்காவை ஒருவரும் கண்டு கொள்ளவே இல்லை. ரங்காவும் சற்றும் சளைக்காமல் இரண்டில் ஒன்று பார்த்து விடுவதென நின்று கொண்டிருந்தான்.

பெரும்பாலான மாணவிகள் சென்று விட்டனர். சிறு சிறு இடைவெளி விட்டு ஒன்று, இரண்டு பேராக வந்துக்கொண்டிருந்தனர். ரங்கன் இன்னும் மனம் தளரவில்லை. அப்போது கல்லூரி வாயிலில் இருந்து சற்று தொலைவில் இரட்டை ஜடை போட்டுக்கொண்டு இரண்டு அழகான மாணவிகள் வந்து கொண்டிருப்பதை ரங்கன் கவனித்தான். அவர்களையே சற்று உத்து நோக்கலானான். வாயில் அருகே வந்ததும் அந்த இரண்டு மாணவிகளும் தங்களுக்குள் ஏதோ பேசிக்கொண்டு ரங்கனை பார்த்தனர்.

ரங்கனுக்கு இரண்டு கையும் ஓடலை, இரண்டு காலும் ஓடலை. அவ்வளவு சந்தோஷம் அவன் மனதுக்குள். அந்த சந்தோஷத்தை அவன் எவ்வளவு கட்டு படுத்த முயன்றும் முடியாமல் அவனது முகம் காட்டிக்கொடுத்தது. அவன் சிரிப்பதை பார்த்த அந்த இரண்டு மாணவிகளும் தங்களுக்குள் ஏதோ சொல்லிக்கொண்டு சிரித்தனர். அப்படியே பேசிக்கொண்டே ரங்கனை நோக்கி வந்து கொண்டிருந்தனர். ரங்கனுக்கு தலை கால் புரியலை. என்ன செய்வது, எப்படி ரியாக்ட் பண்ணுவதென்று தெரியாமல் விழித்துக்கொண்டிருந்தான். மனது படக் படக் என்று நொடிக்கு இரண்டு முறை அடித்துக் கொண்டிருந்தது அவனுக்கு.

அந்த இரண்டு மாணவிகளும் அவனை மிகவும் நெருங்கி விட்டனர். ரங்கன் ஒரு முடிவு எடுத்தவனை போல் அவர்களிடம் ஏதோ இரண்டு வார்த்தை பேச முயன்றான். அப்போது திடீல் என்று அவன் முதுகில் யாரோ படார் என்று அடித்தனர். காரியம் கை கூடி வரும் வேளையில் சட்டி உடைந்தது போல் ஆகிவிட்டதால் வந்த கோபத்தோடு, 'த்த்த...எவண்டா அது' என்று கூறிக்கொண்டே திரும்பி பார்த்தான் ரங்கன். தனது நெருங்கிய நண்பர்கள் இருவரில் யாரோ ஒருவராகத்தான் இருக்க வேண்டும் என்று நினைத்த ரங்கனுக்கு ஒரே அதிர்ச்சி.

பின்னால் நின்று கொண்டிருந்தது அவனது அப்பா. 'இரண்டு வாரமா அம்மா சொல்ற வேலை ஒன்னையும் செய்யாம துரை இதை தான் செஞ்சிகிட்டிருக்கீங்களா?' என்று திட்டிக்கொண்டே தலையில் இரண்டு போட்டு ரங்கனை வீட்டுக்கு இழுத்துச் சென்றார்.

இந்த கதையில் 'இரண்டு' அல்லது இரண்டு என்று பொருள் தரும் வார்த்தையை எத்தனை முறை உபயோகித்துள்ளேன் என்று சரியாக சொல்பவர்களுக்கு நான் சொல்வதெல்லாம் இரண்டே ரெண்டு தான், 'இருந்தாலும் உங்களுக்கு ரொம்ப பொருமைங்க; நீங்க ரொம்ப நல்லவங்க;)'

இது வவாசங்க போட்டிக்காக எழுதிய கதை அல்ல நிஜம், ஆனால் ரங்கன் நானல்ல...நம்புங்க, நெசமாத்தான் சொல்றேன்!;)

விஜயகாந்த் ஐந்து வேடங்களில் கலக்கும்...

2008-04-17T10:54:00.000+08:00

என் நண்பர் ஒருவர் மின் அஞ்சல் மூலம் இதை எனக்கு அனுப்பி இருந்தார். பார்த்ததும் சிரிப்பை அடக்க முடியலை. அதான் யான் பெற்ற இன்பம் பெருக இவ்வயகம்னு இங்க போட்டுட்டேன்.

நம்ம ஆளுங்களுக்கு கற்பனை குதிரை கன்னா பின்னானு பறக்குது. இருந்தாலும் இது கொஞ்சம் ஓவரு. நல்ல வேலை நம்ம கருப்பு எம்.ஜி.ஆர்(அப்படிதான் சொல்லிக்கறாங்க) இதில் போட்டுருக்குற வேடங்களுக்கு சொந்தகாரங்க இப்போ உசுரோட இல்லை. இருந்து இதை பார்த்திருந்தாங்கனா தேவை இல்லாத கொலை பழி கேப்டனுக்கு வந்திருக்கும்.

இந்த போஸ்டரை செஞ்சவங்க உண்மையிலேயே இவர் கட்சி தானா? பின்ன எதுக்கு இவர வச்சு இப்படி காமெடி பண்றாங்க?

ஸ்ஸ்ஸ்ஸ்ஸப்பா...இப்பவே கண்ண கட்டுதே! டமிலன் என்று சொல்லடா, தலை நிமிர்ந்து நில்லடா!

கிரீமி லேயர் தேவையா?

2008-04-15T13:44:00.000+08:00

27% இடஒதுக்கீடு சட்டத்தில் 'கிரீமி லேயர்' (Creamy Layer) அளவு கோலை அடியோடு நீக்க வேண்டும் என்று ராமதாஸ், திருமாவளவன், சி.பி.ஐ தலைவர் ராஜா போன்றோர் கூறியுள்ளனர்.

என்ன இது புது பிரச்சனை? அட இது புது பிரச்சனை இல்லைங்க. ரொம்ப நாளாவே இருக்கு. இந்த 'கிரீமி லேயர்' என்பது சமூக நீதியை குழி தோண்டி புதைக்கும் செயல் என திருமாவளவன் கூறியுள்ளார். அப்படி என்ன சமூக நீதி இதனால் பாதிக்கப் படும்? என்ன பிரச்சனை நடந்தாலும் இந்த மாதிரி ஒரு நாலு வார்த்தை (சமூக நீதி, இந்திய இறையாண்மை, சட்ட விரோதம்) வச்சுக்கிட்டு அதை கூட சேர்த்து ஒரு அறிக்கை விட்டுடறாங்க. அதனால என்ன பிரச்சனை, எப்படி பாதிப்பு ஏற்படும் அப்படீன்னு விவரமா சொன்னா தானே புரியும்.

கிரீமி லேயர் என்பது பொருளாதார அளவு கோல். அதாவது ஒருவர் பிற்படுத்தப்பட்ட ஜாதியில் இருந்தாலும் முன்னேறிய வகுப்பில் உள்ளவர்களுக்கு சமமான சமூக, பொருளாதார நிலையை அடைந்திருந்தால் அவர்கள் கிரீமி லேயர் எனப்படும் வட்டத்துக்குள் அடங்குவர். இவர்களால் இட ஒதுக்கீடு பெறுவோர் பட்டியலில் இடம் பெற முடியாது. பிற்படுத்தப்பட்டோருக்கான சலுகைகளை பெற முடியாது. (Creamy Layer definition by Government of India: The Government of India has evolved the criteria for exclusion of certain socially advanced persons/sections from the benefits of reservation available to OBCs in civil posts and services under the Government of India and this is called the "Creamy Layer criteria".)

உயர் கல்வி நிறுவனங்களில் பிற்படுத்தப்பட்டோருக்கு 27 சதவீத இட ஒதுக்கீடு வழங்க உச்ச நீதிமன்றம் உத்தரவிட்டு இருப்பது வரவேற்கத்தக்கது. அதே சமயம் என்னை பொறுத்த வரை இந்த கிரீமி லேயர் என்கிற அளவு கோலும் வரவேற்கத்தக்கது தான். இந்த இட ஒதுக்கீடு என்பதே தாழ்த்தப்பட்ட சமூகத்தை சேர்ந்த வறுமை கோட்டின் கீழ் உள்ளவர்கள் முன்னேற வேண்டும், சமூகத்தில் நல்ல நிலையை அடைய வேண்டும், ஏற்ற தாழ்வு மறைய வேண்டும் என்பதற்காகவே வகுக்கப்பட்டது. சமூகத்தில் ஏற்கனவே இந்த அந்தஸ்தை பெற்றவர்களுக்கு எதற்கு இந்த இட ஒதுக்கீடு? ஆக மொத்தத்தில் இந்த 27 சதவீத இட ஒதுக்கீடு என்பது இந்த கிரீமி லேயரில் இல்லாத பிற்படுத்தப்பட்ட ஜாதியில் உள்ளவர்களுக்கு தானே கிடைக்கபோகிறது. இது நல்லது தானே?

இந்த இட ஒதுக்கீட்டை பலர் தவறாக பயன்படுத்துகிறார்கள். காசு கொடுத்தா நமக்கு நம்முடைய மரண சான்றிதழே கிடைக்கும். இப்படி இருக்கும் போது இந்த கிரீமி லேயர் சட்டம் இது போல போலி ஜாதி சான்றிதழ் வாங்கி ஏமாற்ற நினைப்பவர்களை ஓரளவுக்கு தவிர்க்கும் என்பதே என்னுடைய கருத்து.

இதை காரணம் காட்டி தான் வட இந்தியாவில் இந்த இட ஒதுக்கீட்டு சட்டத்துக்கு பயங்கர எதிர்ப்பு கிளம்பியது. இந்த தீர்ப்பை எதிர்த்தும் சிலர் வழக்கு தொடர்ந்து இருக்கிறார்கள்.

நல்ல மதிப்பெண்கள் பெற்றும் ஒரு மதிப்பெண் வித்தியாசத்தில் அரசு கல்லூரிகளில் படிக்க வாய்ப்பை இழந்த முன்னேற்றிய வகுப்பில் உள்ள பலரை பார்த்திருக்கிறேன். அவர்களால் தனியார் கல்லூரியில் படிக்க வசதி இல்லாமல் ஆர்ட்ஸ் கல்லூரியில் சேர்ந்து படிப்பார்கள். ஆனால் ஏனோ தானோவென்று படித்து விட்டு மிக குறைவாக மதிப்பெண்கள் பெற்றும் அதே அரசு கல்லூரியில் மிக எளிதாக இந்த இட ஒதுக்கீட்டின் மூலம் சேர்ந்து விடுவார்கள் பலர். இதை பார்க்கும் பொழுது முன்னேறிய வகுப்பில் உள்ளவர்களுக்கு கோவம் வருவது நியாயம்தான். அதற்கான பதில் தான் இந்த கிரீமி லேயர் என்பது என் கருத்து. இதுக்கு அப்புறமும் அவர்கள் எதிர்த்தால் அது நியாயம் இல்லை.

பிற்படுத்தப்பட்டவர்கள் படும் பாடும் கொஞ்ச நஞ்சமில்லை. அவர்களுக்கு இந்த படிப்பு தான் உயர்வையும், மதிப்பையும் தரும். சிறு வயதில் என் நண்பனின் வீட்டில் நான் உக்கார்ந்த இடத்தை கழுவ சொன்ன என் நண்பனின் பாட்டியை கண்டு மனம் நொந்த அனுபவத்தை நான் இன்னும் மறக்கவில்லை. இத்தனைக்கும் நான் ஒண்ணும் தாழ்த்தப்பட்ட ஜாதியை சேர்ந்தவன் கிடையாது. எனக்கே இப்படி என்றால் அவர்கள் படும் பாடு எப்படி என்பதை நினைத்தாலே பாவமாக இருக்கும். இன்றைய இளைய தலைமுறையினரால் அந்த நிலைமை மாறி வருகிறது என்பது உண்மை.

இவங்கள வச்சு வேற என்ன பண்ண முடியும்?

2008-04-10T08:55:00.000+08:00

முதல் நபர்: திரும்பவும் என்னங்க அங்க பிரச்சனை? எதுக்கு எல்லாரும் கூட்டமா கோஷம் போட்டுக்கிட்டு இருக்காங்க?
இரண்டாம் நபர்: ஒகேனக்கல்ல யாரோ ஒரு பிரபல கட்டிட கான்டிராக்டர் நூறு அடுக்குமாடி குடியிருப்பு கட்டி, ஒவ்வொரு இல்லத்திற்கும் தனித்தனி தண்ணி தொட்டி கட்ட போறாராம். அதுக்கு எதிர்ப்பு தெரிவிக்க தான் இந்த போராட்டமாம்.
முதல் நபர்: இது கொஞ்சம் ஓவருங்க. அப்ப நான் இன்னிக்கும் அரசி பார்க்க முடியாதா?

*****

முதல் நபர்: என்னங்க ஆச்சரியமா இருக்கு? திடீல்னு எதுக்கு கன்னட திரைப்பட துறையினர் ஒகேனக்கல் திட்டத்துக்கு ஆதரவு தெரிவிச்சி தர்ணா போராட்டம் அறிவிச்சி இருக்காங்க.
இரண்டாம் நபர்: இதுவும் ஏட்டிக்கு போட்டி தாங்க. இவங்கள நல்லா புரிஞ்சி வச்சு இருக்குற தமிழ் நடிகர்கள் சங்கம், ஒகேனக்கல் திட்டத்துக்கு எதிர்ப்பு தெரிவிச்சி உண்ணா விரதம் இருக்க போறதா சும்மா ஒரு வதந்திய பரப்பி விட்டாங்க. அதான்.

*****

ஓகேனக்கல் விவகாரத்தில் சென்னையில் திரைப்படத் துறையினர் நடத்திய உண்ணாவிரதத்தில் ரஜினி பேசியதற்கு கர்நாடகாவில் பெரும் எதிர்ப்பு கிளம்பியதால், ரஜினி புதியதாக ஒரு மாற்று அறிக்கையை தயார் செய்து இருக்கிறார்:

இது ஒரு வித்யாசமான சந்திப்பு என்று சொல்ல மாட்டேன். மிகவும் அதிகமா பேசி திட்டு வங்கறதும் சுலபம், குறைவாக பேசி திட்டு வங்கறதும் சுலபம். இங்கு பேசியவர்கள் எல்லாரும் உணர்ச்சி இல்லாமல் பேசினார்கள். நியாயம்தான். நடந்துள்ள விஷயங்கள் அனைத்தும் மனதுக்கு மிகவும் மகிழ்ச்சி தருவதாக உள்ளன. குறிப்பாக கர்நாடகாவில் தமிழ் மக்கள் தாக்க பட்டதுக்கு என் மனதார பாராட்டுகளை தெரிவித்து கொள்கிறேன். தமிழ் மக்கள் மீதான வன்முறைக்கு காரணமானவர்களை வாழ்த்துகிறேன்.

பல ஆண்டுகளுக்கு முன்பே ஓகேனக்கல்லின் ஒரு பகுதி கர்நாடகாவுக்கும், மறுபகுதி தமிழகத்துக்கும் என ஒதுக்கப்பட்டுவிட்டது. நமக்காக ஒதுக்கப்பட்ட பகுதியிலிருந்து நாம தண்ணி எடுத்துக்க திட்டம் போட்டா அதை எடுக்கக் கூடாதுன்னு தடுத்தா பாராட்ட வேண்டாமா?

இதை எப்பவுமே அவங்க பண்ணிக்கிட்டு இருக்காங்க....விடுங்க. சரி, எனக்கு இதுல என்ன குஷின்னு சொன்னா, ஒரு தேசிய கட்சி, மிக பெரிய தேசிய கட்சி, அந்த மாநிலத்தின் அந்த கட்சியோட மிகப்பெரிய தலைவராக இருந்தவர், இருப்பவர், இப்ப வந்து இந்த விஷயத்தை ரிப்பன் கட் பண்ணாம ஆரம்பித்து வைத்திருக்கிறார். என்ன பெருந்தன்மை பாருங்க.

சரி, இப்போ பெரிய தலைவர்கள் ரேஞ்சுக்குப் பேசுவோம். ஒரு பெரிய தலைவர் வந்து இதை ஆதரிக்கிறார். எதுக்கு? நம்ம நல்லதுக்கு தான். அந்த தேசியக் கட்சியைச் சேர்ந்தவங்க, இங்க நம்ம மாநிலத்தில் இருக்கறவங்க எல்லாம் வேடிக்கைப் பார்த்துக்கிட்டு சும்மா இருக்காங்க. அவங்களும் இந்த மாதிரி ஏதாச்சும் செய்ய வேண்டாம்?

கர்நாடகத்தைச் சேர்ந்த நான் மிகவும் மதிக்கிற ஒரு தலைவர் அவர். மும்பையிலிருந்து இப்ப வந்துட்டு, இந்தப் பிரச்சினைக்கெல்லாம் அதாவது இந்த வைரஸ் உருவாகக் காரணமே, கலைஞர்தான்னு சொல்றார். என்ன தியாகம் இது. மக்கள் என்ன புத்திசாலிகளா? அவர்களுக்கு ஒண்ணுமே தெரியாது. மக்கள் எங்கிருந்தாலும் அது கர்நாடகமோ தமிழகமோ... அவங்க புத்திசாலிகள் அல்ல...

அரசியல்வாதிகளே பொய்ப் பேசுங்க. உடான்ஸ் விடுங்க. சுயநினைவு இல்லாம பேசுங்க. (வாயில் கை வைத்து) இங்க இருந்து பேசணும்...அவன் பாத்துக்கிட்டே இருக்கான். தெய்வம் அவன்.
சும்மா எல்லாரும் எலெக்ஷனுக்காக ஆட்டம் போடாம மக்களுக்கு நல்லது பண்ணிக்கிட்டு இருக்காங்க. இதை அந்தக் கட்சி சும்மா வேடிக்கைப் பார்த்துக் கொண்டிருக்கிறது. காரணம் அங்கே விரைவில் வரப்போகிற தேர்தல். அரசியல் ஆதாயத்துக்காக அப்படிச் செய்கிறார்கள்.

நான் கர்நாடகத்திலிருக்கும் மதிப்புக்குரிய தேவகவுடா, குமாரசாமி, எடியூரப்பா, சித்தராமையா, தரம்சிங், கார்கே, அனந்தமூர்த்தி போன்றவர்களுக்கும் ஒன்று சொல்லிக் கொள்கிறேன். அரசியலுக்காக நல்லது செய்யாதீர்கள்... அதன் விளைவு மோசமாக இருக்கும். உங்களையே அழிச்சிடும்.

இதை மீண்டும் மீண்டும் வளர விடுங்கள், காவிரி பிரச்சினை மாதிரி. அறிவோட செயல்படாதீங்க தயவு செஞ்சு. இங்கே, கலைஞர் மற்றும் எல்லாருக்கும் எனது வேண்டுகோள்... இது கோடலியால் வெட்டினாலும் தீராத பிரச்சனை. இதை இப்போது விட்டுவிட்டு சரியான நேரம் வரும்போது நகத்தால் கிள்ளி எரிந்து விடலாம். இப்பவே, இந்த நிமிஷமே இந்த வேலையை கைவிட வேண்டும். இதைவிட வேறு பெரிய பிரச்சினை இருக்கு.

உங்களது இந்த அரசியல் விளையாட்டில் பாதிக்கப்படுவது யாரும் இல்லை. எனவே இம்மாதிரி உணர்வுப்பூர்வமான விஷயங்களை அரசியலாக்குங்கள், தயவுசெய்து இந்த விஷயத்துக்கு இப்பவே முடிவு கட்டிடாதீங்க...

*****

முதல் நபர்: உங்களுக்கு எஸ்.ஜ. சூர்யா பத்தி ஒரு சந்தோஷமான விஷயம் தெரியமா?

இரண்டாம் நபர்: என்ன அவர் இனிமே நடிக்கிறதில்லைனு முடிவு பண்ணிட்டாரா?

முதல் நபர்: இல்ல, அவர் நடிப்புக்காக கல்யாணமே பண்ணிக்க மாட்டேன்னு சொல்லி, தன் வாழ்க்கையையே நமக்காக தியாகம் பண்ணி இருக்கார்.

இரண்டாம் நபர்: அடப்பாவி, இதுவா சந்தோஷமான விஷயம்? அதே தியாகத்த நான் செஞ்சா, அவர் நடிக்கரத நிறுத்திப்பாரா?

கத்தாழ கண்ணால பாட்டுக்கு சிவாஜி நடனம்

2008-04-05T14:04:00.000+08:00

நம்ம நடிகர் திலகம் குத்து பாட்டுக்கு டான்ஸ் ஆடி பார்த்து இருக்கீங்களா? அவர் நிஜமாவே ஆடி இருக்காருங்க. பாபு என்ற படத்துல வர "வரதப்பா வரதப்பா கஞ்சி வருதப்பா" என்ற பாட்டு தான் எனக்கு தெரிஞ்சி அவர் ஆடுன குத்து பாட்டு. சரியான குட்டு பட்டு அது.

அந்த பாட்ட வச்சு இப்போ வந்துருக்குற கத்தாழ கண்ணால பாட்டோட இணைச்சி ஒரு ரீமிக்ஸ் வீடியோ பண்ணி இருக்கேன். நான் இதுக்கு முன்னாடி பண்ண பாக்யராஜ், விஜயகாந்த் ரீமிக்ஸ் அளவுக்கு இது சரியா வரல இருந்தாலும் ஓகே.

என்ன நேயர்களே! நடிகர் சிவாஜி கணேசன் பங்கு பெற்ற இந்த சிறப்பு ரீமிக்ஸ் வீடியோவை நீங்கலாம் பார்த்து ரொம்பவே ரசிச்சிருப்பீங்க. உங்கள்ல சில பேருக்கு இது புடிச்சி சந்தோஷமா பார்த்துருப்பீங்க. ஒரு சில பேருக்கு இதுவும் புடிக்காம சின்ன வருத்தத்தோடையும், கோவத்தோடையும் பார்த்துருப்பீங்க. நான் வேற என்னங்க சொல்ல போறேன். ப்ளீஸ் இது உங்களுக்கான பதிவு. உங்களால ஓடிகிட்டிருக்க பதிவு. முயற்சி பண்ணுங்க, நிச்சயமா ஒரு நாளைக்கு உங்களுக்கும் இந்த மொக்கை பிடிக்குங்க. இந்த மாதிரி ரீமிக்ஸ் பதிவுகள் அதுத்த மாதமும் தொடரும், உங்களுக்காக. மீண்டும் அடுத்த ரீமிக்ஸ்ஸோட, வேற நாள்ல, வேற நேரத்துல உங்களை சந்திக்கும் வரை உங்களிடம் இருந்து வடை சாரி விடை பெறுவது உங்கள் (பெப்சி) சத்தியா.

இதனுடைய யு-டியுப் லிங்க் இங்கே.

தனிமை - ஏப்ரல் 2008 PIT புகைப்படப் போட்டி

2008-04-05T10:49:00.000+08:00

தம் முயற்சியில் சற்றும் மனம் தளராத விக்கிரமாதித்தன் ஸாரி சத்தியா மீண்டும் PIT புகைப்படப் போட்டிக்காக தன் படத்தை பதிவிட்டான்;)

காஞ்சிபோன பூமி எல்லாம் வற்றாத நதியை பார்த்து ஆறுதல் அடையும். அந்த நதியே காஞ்சி போயிட்டா? துன்ப படரவங்க எல்லாம் அந்த கவலையை தெய்வத்துகிட்ட முறையிடுவாங்க. ஆனா அந்த தெய்வமே கலங்கி நின்னா, அந்த தெய்வத்துக்கு யாரால ஆறுதல் சொல்ல முடியும்?

போட்டில கலந்துக்குற நாங்கெல்லாம் எங்க படத்த விமர்சனம் செய்ய அந்த நடுவர்கள் கிட்ட முறையிடுவோம், ஆனா அந்த நடுவர்களே களத்துல இறங்குனா, இந்த கத்துகுட்டிகளுக்கு யாரால ஆறுதல் சொல்ல முடியும்;) ரொம்ப பேசிட்டேனோ? ரைட் விடு ஜூட்!

மேலே உள்ள படம் தமிழில் புகைப்படக்கலை வலைப்பூவில் நடத்தப்படும் போட்டிக்காக பதிக்கப்பட்டது.

ஒகேனக்கல் குடிநீர் திட்டம் - கர்நாடகா தமிழகம் முழுவதும் போராட்டம்

2008-04-03T14:40:00.000+08:00

கீழ இருக்கறது எல்லாம் இன்னைக்கு மட்டும் வந்த தலைப்பு செய்திகள். சும்மா இருந்த நம்ம ஆளுங்களும் களத்துல இறங்கிட்டாங்க. கர்நாடக ரக்ஷணவேதிகே அமைப்பினருக்கு நன்றி! எனக்கு ஒன்னு மட்டும் புரியவே மாட்டேங்குது. காவிரி தண்ணிக்கு பிரச்சனை பண்ணாங்க சரி. ஒகேனக்கல் குடிநீர் திட்டதால அவங்களுக்கு என்ன பதிப்பு இருக்க போகுது? நாம என்ன தான் இங்க பண்ணாலும் அவங்க தண்ணி திறந்து விடறதுல தான எல்லாமே இருக்கு? யாருக்கும் தெரிஞ்சா சொல்லிட்டு போங்க.

***********

சென்னையில் நாளை உண்ணாவிரதம் ரஜினிகாந்த், கமலஹாசன் உள்பட அனைத்து நடிகர், நடிகைகள் பங்கேற்க முடிவு. கன்னடர்களுக்கு எதிராக தமிழ் சினிமா உலகினர் போராட்டம்

கன்னடர்களுக்கு எதிராக தமிழகம் முழுவதும் போராட்டம்

கன்னட நடிகர்கள் ஏட்டிக்கு போட்டி பெங்களூரில் நாளை தர்ணா போராட்டம் அறிவிப்பு

ஒகேனக்கல் குடிநீர் திட்டத்தை தடுக்க கர்நாடகம் முயற்சி பிரதமரிடம் தமிழக அரசு புகார் 'உடனே தலையிட்டு நடவடிக்கை எடுங்கள்

பெங்களூரில் தினத்தந்தி அலுவலக பெயர் பலகையில் தமிழ் எழுத்துக்கள் தார் பூசி அழிப்பு கன்னடர்கள் போராட்டம்

தமிழக பஸ்களில் கருப்பு மை பூசினார்கள் கர்நாடக ரக்ஷணவேதிகே அமைப்பினர் போராட்டம்

மத்திய அரசின் சட்டங்களை மதிக்காமல் செயல்படும் கர்நாடகம் இந்தியாவில் உள்ள மாநிலமா? பிரிக்கப்பட்ட சுதந்திர நாடா? கி.வீரமணி கேள்வி

பாதுகாப்பு வளையத்தில் ரஜினிகாந்த் வீடு. சென்னையில் கன்னடர்கள் நடத்தும் ஹோட்டல்கள் மீது தாக்குதல்

கன்னட நடிகர்களின் தமிழ் படங்களை திரையிட மாட்டோம். தமிழ்நாடு தியேட்டர் அதிபர்கள் அறிவிப்பு

ஹோசூர் அருகே தமிழக எல்லையில் கன்னட அமைப்பினர் போராட்டம். தமிழக தலைவர்கள் உருவ பொம்மையை எரித்தனர்

கர்நாடகாவில் தமிழர்களுக்கு எதிரான சம்பவங்கள்: தமிழர்களின் பொறுமை என்னும் பூட்டை உடைத்து விடாதீர்கள் - விஜய டி ராஜேந்தர் அறிக்கை

***********

இந்த போராட்டம், ஏட்டிக்கு போட்டி இதை எல்லாம் பார்க்கும் பொழுது எனக்கு இந்த வீடியோ காட்சி தான் ஞாபகத்துக்கு வந்தது. அதான் உடனே பிடிச்சி போட்டுட்டேன். இது தான் இப்போ தமிழ் நாட்டுலையும், கர்நாடகாவிலும் நடந்துட்டு இருக்கு. யாருக்காக இந்த போராட்டத்த ஆரமிச்சாங்களோ அவங்கள பத்தி கொஞ்சம் கூட கவலை படாம நடந்துகிட்டு இருக்காங்க. இதை மக்கள் நல்லா புரிஞ்சிக்கனும்.

தமிழகத்துக்கு தண்ணீர் திறந்து விட கர்நாடகா சம்மதம்

2008-04-01T16:16:00.000+08:00

நடுவர் மன்ற தீர்ப்பின் படி தமிழகத்துக்கு தண்ணீர் திறந்து விட கர்நாடகா சம்மதம். என்னங்க? ஆச்சரியமா இருக்கா? நீங்க படிக்கறத உங்களாலேயே நம்ப முடியல இல்ல? அப்புறம் எதுக்கு நம்பறீங்க? இந்தியால இருக்குற சுயநல அரசியல்வாதீங்க இருக்கிற வரைக்கும் இது நடக்குற காரியம் இல்ல. இது மாதிரி ஏப்ரல் மாதம் முதல் தேதில, முட்டாள்கள் தினத்துல இந்த மாதிரி செய்திய போட்டு பார்த்துக்க வேண்டியது தான். இல்லனா இந்த பிரச்சனைக்கு தீர்வை என் காலத்துல பார்க்க முடியாதுன்னு நினைக்கிறேன்.

நமக்கு உரிய பங்கு நீரை நாம் திறந்து விட கேட்பதும் அதற்கு அவிங்க மறுப்பதும், மாத்தி மாத்தி வழக்கு போடுறதும், தீர்ப்பு வந்தப்புறம் அதை புறக்கனிக்கறதும் ஒரு தொடர்கதையாவே போயிட்டிருக்கு. இது போதாதுன்னு இப்போ ஓகனேக்கல் கூட்டுக் குடிநீர்த் திட்டத்துக்கும் எதிர்ப்பு. ஓகனேக்கலே அவங்களுதாம். என்ன கொடுமை மேடம் (சார் சார்னு எத்தனை வாட்டி எழுதறது, அதான் சினிமா இயக்குனர்கள் சொல்ற மாதிரி முற்றிலும் வித்தியாசமாக மேடம்;) இது? வழக்கம் போல மத்திய அரசு இதை பெருசா கண்டுக்கவே இல்ல.

எனக்கு ஒன்னு மட்டும் புரியவே மாட்டேங்குது. தமிழர்களுக்கு மட்டும் ஏன் நாலா பக்கமும் இடி விழுது? அப்படி என்ன காண்டு நம்ம மேல? வெளிநாடுகளில் இந்தியர்களை மதிக்கும் அளவுக்கு கூட இந்தியாவில் ஒரு மாநிலத்தவர் மற்ற மாநிலத்தவர்களை மதிப்பது கிடையாது. தண்ணீர் பிரச்சனையை விட்டுருவோம். கடந்த சில நாட்களாக தமிழ்நாட்டு பஸ்கள் உடைப்பு, கர்நாடகத்துக்கு இயக்கப்படும் தமிழக பேருந்துகள் ரத்து, பெங்களூர் தமிழ்ச் சங்கம் மீது தாக்குதல், தமிழ்ப் படங்கள் திரையிடப்பட்ட 2 தியேட்டர்கள் சூறையாடப்பட்டன போன்ற செய்திகள் வந்த வண்ணம் உள்ளன. ஒவ்வொரு முறையும் பிரச்சனை வரும்போதெல்லாம் தமிழர்கள் குறி வைத்து தாக்க படுகின்றனர். அவர்களின் உடைமைகள் கொளுத்தப்படுகின்றன.

ஏன் இந்த கொலை வெறி? தண்ணி தர முடியாதுன்னா தர முடியாதுன்னு சொல்லுங்க. இந்த மாதிரி தாக்குதல் நடத்துறதால என்னத்த சாதிக்க போறீங்க? இதை எல்லாம் நினைக்கும் பொழுது "மனுஷன மனுஷன் சாப்பிடுறாண்டா தம்பிப் பயலே - இது மாறுவதெப்போ தீறுவதெப்போ நம்ம கவலே" என்ற பாட்டு தான் ஞாபகத்துக்கு வருது.

இந்த மாதிரி அடுத்தவங்க கையை எதிர் பார்க்காம, மழை நீர் சேகரித்தல், மரங்கள் வளர்த்தல், குளம் ஏரி தூர் வாருதல், கடல் நீரை குடி நீராக்கல் போன்ற திட்டங்களின் மூலம் தமிழ் நாட்டு மக்களின் தேவையை நாமாக தீர்த்துக்கொள்ள தமிழக அரசு முயற்சி மேற்கொள்ள வேண்டும்.

கண்ணதாசன் காரைக்குடி...

2008-03-25T20:00:00.000+08:00

இப்போ கொஞ்ச நாளா என் ipodல திரும்ப திரும்ப ஓடிகிட்டிருக்க பாட்டு இந்த அஞ்சாதே படத்துல வர கண்ணதாசன் காரைக்குடி பாட்டு தாங்க. இந்த பாட்ட கேக்கறத விட பார்க்கறதுக்கு இன்னும் ரொம்ப நல்லா இருக்கும். இந்த பாட்டுல வர நடன அசைவுகள் ரொம்ப நல்லா, புதுமையா, எளிமையா இருக்கும். டான்ஸ் ஆட தெரியாதவங்க இந்த பாட்ட பார்த்தா ரொம்ப சுளுவா ஆட கத்துக்கலாம். நரேன் ரொம்ப நல்லா ஆடி இருப்பார்.

இந்த படத்தின் நடன இயக்குனர்கள் பாபி, தினா. இதை ரொம்ப கஷ்டப்பட்டு தேடி கண்டுபிடிச்சேன். எங்கயும் இவங்க பேரை மட்டும் போடவே இல்லை. எனக்கு தெரிஞ்சி கானா பாட்டுக்கு இந்த அளவுக்கு அழகா நடனம் அமைச்சி இருக்கறது பிரபு தேவாவுக்கு அப்புறம் இவங்க தான். இந்த கீழ இருக்க மூணு பாட்டையும் ஒரு தடவை பாருங்க. கத்தாழ கண்ணால, கண்ணதாசன் காரைக்குடி, வாழ மீனு இந்த மூணு பாட்டுலையும் ஒரு ஒத்துமை இருக்கு. எளிமையான பாட்டு வரிகள், எளிமையான நடன அசைவுகள், எளிமையான இசை - இது மிஸ்கின் ஸ்டைலா இல்ல சுந்தர் சி பாபு ஸ்டைலானு தெரியல? கானா பாட்டுனா அதிரடி நடனம், அதிவேக இசை என்று இருந்த தமிழ் சினிமாவில் ஒரு புதிய முயற்சியில் வெற்றி பெற்றிருக்கிறார் மிஸ்கின் இல்ல இல்ல சுந்தர் சி பாபு. வாழ்த்துக்கள்!

அஞ்சாதே படத்துல சில தவறுகள் இருந்தாலும் படத்தை ரொம்ப நல்லா எடுத்து இருக்கார் மிஸ்கின். நரேன், பிரசன்னா நடிப்பு அற்புதம். படத்துல நிறைய எடத்துல வசனங்களுக்கு பதில் இசை மற்றும் ஒளிப்பதிவு மூலம் கதை சொல்லி இருக்கிறார்கள். அந்த அளவுக்கு பின்னணி இசை ரொம்ப கலக்கலா இருக்கு. படத்துல வர தீம் மியூசிக் எல்லாம் சூப்பர். மிஸ்கின் இவ்வளவு நல்லா பாடறதை கேக்க அச்சிரியமா இருக்கு. அச்சம் தவிர் டைட்டில் சாங் ரொம்ப நல்லா பாடி இருப்பார். அவர் தோற்றத்துக்கும் குரலுக்கும் சம்பந்தமே இல்ல.

சரி, டான்ஸ் கத்துக்கணும்னு ஆசை படரவங்க எல்லாம் கண்டிப்பா இந்த பாட்டை எல்லாம் பாருங்க. இதுல எனக்கு ரொம்ப புடிச்ச நடன அசைவு கண்ணதாசன் காரைக்குடி பாட்டுல நரேன் வலது கைய மேல தூக்கிட்டு இடது கைய கீழ இறகிட்டு கால்களை கொஞ்சம் வளைத்து கொண்டு முன்னாடி நாலு ஸ்டெப் பின்னாடி நாலு வைப்பாரே அதான். பாட்டு முடியும் போது கூட இதுல தான் முடியும். பாருங்க.

குட்டீஸ் ஸ்பெஷல் - குங்குமம்...

2008-03-22T19:56:00.000+08:00

இந்த வாரம்....ஜோதிகாவால் மட்டும் தான் நிமிஷத்துக்கு பத்து ரியாக்க்ஷன் காட்ட முடியுமா? குமுறுகிறார் இந்த கொழுக் மொழுக் குழந்தை ரோஹன்!

தனக்கு நடிக்கவும் தெரியும் என்று சொல்லும் இந்த பத்து மாத சுட்டி, சூப்பர் ஸ்டார் போலவும், சியான் விக்ரம் போலவும் நடித்தும் காண்பிக்கிறது...

**********

கண்ணத்தில் முத்தமிட்டால் குட்டீஸ் ரீமேக்...

மார்க் ஆண்டனி - ரகுவரன்

2008-03-19T21:21:00.000+08:00

நடிகர் ரகுவரன் காலமான செய்தி மிகவும் அதிர்ச்சியாக இருந்துச்சு. எனக்கு மிகவும் பிடித்த நடிகர்களில் இவரும் ஒருவர். இவர் எந்த ரோலில் நடித்தாலும் அந்த பாத்திரத்தில் ஒன்றி விடுவார். பிரகாஷ் ராஜ் போன்ற வில்லன் நடிகர்களுக்கு இவர் ஒரு முன்னோடி. கத்தியின்றி, ரத்தமின்றி, பெருசா சண்டையும் இன்றி வில்லனாக நடித்த இவர் ஒரு 'Trend Setter'.

பாட்ஷா படத்தில் மாணிக் பாட்ஷா எப்படி பிரபலமோ அந்த அளவுக்கு மார்க் ஆண்டனியும் பிரபலம். ரொம்ப நல்லா பண்ணியிருப்பார். ஆனா எனக்கு இவரு வில்லனா நடிச்சத விட குணசித்திர வேடங்களில் நடித்த படங்கள் தான் ரொம்ப பிடிக்கும்.

என் பொம்மகுட்டி அம்மாவுக்கு, சம்சாரம் அது மின்சாரம், லவ் டுடே, அஞ்சலி, முகவரி, ரோஜா கூட்டம், ரன் போன்ற பல படங்களில் இவர் குணசித்திர வேடங்களில் வாழ்ந்து காட்டியிருப்பார். அதிலும் ரன், முகவரி ஆகிய படங்களில் இவரது நடிப்பு எனக்கு ரொம்ப பிடிக்கும்.

இவர் சேர்ந்து நடிக்காத ஒரே நடிகர் கமல் என்று படித்தும் எனக்கு கொஞ்சம் சங்கடமா இருந்தது. கமல் எப்பொழுதும் நல்ல நடிகர்களை தன் படங்களில் போடுவார், எப்படி இவர் மிஸ் ஆனார்னு புரியலை. நான் ஸ்கூல் படிக்கும் போது இருந்து இவர் நடிப்ப பார்த்திருக்கேன். ஆரம்பத்துல இவர எனக்கு புடிக்காது. ஒரே வில்லத்தனமான பாத்திரங்களா பண்ணிக்கிட்டு இருப்பாரு.

ஒரு தடவை தூர்தர்ஷன்ல ஒரு அமெரிக்க வாலிபரின் பேட்டி போட்டாங்க. வணக்கம் தமிழகம் மாதிரி ஒரு நிகழ்ச்சி அது. அப்ப கொஞ்சம் பிரபலமான வாலிபர் அவர், ஆனா இப்போ பேரு மறந்து போச்சு எனக்கு. இதுல விசேஷம் என்னன்னா அந்த அமெரிக்க வாலிபர் முழுக்க முழுக்க தமிழ்ல பேட்டி கொடுத்தார். திருக்குறள் எல்லாம் சொன்னார். மதுரை தமிழ் சங்கத்துல தமிழ் படிச்சாராம். கேக்கவே ரொம்ப பெருமையா இருந்துச்சு. அதுல அவர் கிட்ட அவருக்கு தமிழ்ல பிடிச்ச நடிகர் யாருன்னு கேட்டாங்க. நான் அவர் ரஜினி, கமல், சிவாஜி இப்படி யாரையாவது சொல்ல போறார்னு நெனச்சேன். ஆனா அவர் தனக்கு பிடித்த நடிகர் ரகுவரன்னு சொன்னாரு. அப்ப ரகுவரன் அந்த அளவுக்கு பிரபலம் கிடையாது. உடனே எல்லார் மனசுலயும் இருந்த கேள்விய அந்த வாலிபரை பார்த்து கேட்டாங்க, "ஏன் அவரை பிடிக்கும்?". உடனே அவர் ரகுவரனுடைய கண்கள் மிகவும் வலிமையானவை, அவர் பாடி லாங்குவேஜ் அசத்தலா இருக்கும், அவர் வசனம் பேசாமலேயே அவர் என்ன நினைக்கிறார்னு தன் கண்களாலேயே சொல்லிடுவார்னு ரகுவரனை பத்தி சொன்னாரு.

இதுக்கப்புறம் தான் ரகுவரனை பார்க்க ஆரமித்தேன். அந்த அமெரிக்க வாலிபர் ரகுவரனை பத்தி சொன்னது அவ்வளவும் உண்மைன்னு புரிஞ்சிகிட்டேன். அதுக்கப்புறம் என் பொம்மகுட்டி அம்மாவுக்கு படம் பார்த்தடுக்கப்புறம் தான் அவரை ரொம்ப பிடிக்க ஆரம்பிச்சுது. அந்த படத்துல சத்யராஜ், சுஹாசினியை விட இவர் தான் மனசுல நின்னார். இந்த படம் வந்த போது எனக்கு பத்து வயசு. அந்த வயசுல இருந்தே இவரை எனக்கு பிடிக்கும்.

அப்புறம் இவர் சின்ன திரையில் வாழ்ந்து காட்டுன "இது ஒரு மனிதனின் கதை" யை யாரும் மறந்திருக்க முடியாது. அதில் வருவது போலவே அவரது உண்மை வாழ்க்கையிலும் நடக்கும்னு நான் எதிர்பார்க்கவில்லை. தனது இன்னுயிரை நீத்து இறைவனடி சேர்ந்த இவரின் ஆத்மா சாந்தி அடைய இறைவனை வேண்டுகிறேன்.

ரகுவரனுடைய விகி(wiki) பக்கம் இங்கே.

கேடி நம்பர் ஒன்

2008-03-17T08:42:00.000+08:00

அய்யய்யோ மன்னிச்சிக்குங்க, நான் சொல்ல வந்தது கேடி நம்பர் ஒன் இல்ல ஜோடி நம்பர் ஒன். சின்ன திரையுலகில் மிகவும் பிரபலமான நிகழ்ச்சி இது. இந்த நிகழ்ச்சி ஒரு அஞ்சு வருஷத்துக்கப்புறம் எப்படி இருக்கும்னு நான் ஒரு சின்ன கற்பனை பண்ணி பார்த்தேன். அதை தான் இப்போது உங்களுடன் பகிர்ந்து கொள்ள போகிறேன். நான் சொல்ற நிறைய விஷயம் இந்த நிகழ்ச்சியை பார்க்கிறவங்களுக்கு தான் புரியும்.

*****************

தொகுப்பாளர்: வெல்கம் பேக் டு தி நாயர் டீ கடை ஜோடி நம்பர் ஒன் சீசன் இருபத்தி ஐந்தின், ஐம்பதாவது எபிசோட். இதுவரை இல்லாத அளவுக்கு இதில் இருபத்தி ஐந்து ஜோடிகள் இடம் பெற்றிருப்பது ஒரு மிகப்பெரிய சாதனை. மொத்தம் நூத்தி ஐம்பது எபிசோட், மற்றும் பத்து ஒயில்ட் கார்டு ரவுண்டுகள் இடம்பெற உள்ளன.

***

தொகுப்பாளர்: போன வாரம் நடுவர்களுக்கும் போட்டியாளர்களுக்கும் நடந்த அடிதடியை முன்னிட்டு விஜய் டிவி முதல் முறையாக கனல் கண்ணன் மாஸ்டரை ஜோடி நம்பர் 1 ஸ்டண்ட் மாஸ்டரா நியமிச்சி இருக்கு. லெட் ஹஸ் வெல்கம் கனல் கண்ணன் மாஸ்டர் டு தி ஸ்டேஜ்.

***

தொகுப்பாளர்: மிஸ்டர் ஜட்ஜ் இன்னைக்கு நீங்க எங்க ஒக்கார போறீங்க?
ஜட்ஜ்: நான் எங்க ஒக்கார போறேன்னா?

ஒளிப்பதிவாளர்: சார், இந்த தடவை நீங்க என் பக்கத்துல ஒக்காருங்க சார். அப்ப தான் நீங்க பண்ற கொடுமையெல்லாம் சகிச்சு கிட்டு நான் எவ்வளவு பொறுமையா எப்படி கஷ்டப்பட்டு ஒளிப்பதிவு செய்யறேன்னு எல்லாருக்கும் தெரியும்.

***

தொகுப்பாளர்: இந்த ஐன்பதாவது எபிசோட பார்த்து எல்லாரும் நல்லா என்ஜாய் பண்ணி இருப்பீங்க. நீங்க எல்லாரும் ஆவலோடு எதிர் பார்த்துகிட்டிருக்க அடுத்த வார எபிசோட்ல நம்ம ஜோடிகள் இந்த சீசன்ல முதல் முறையா நடனம் ஆட போறாங்க. சோ, மிஸ் பண்ணாம கண்டிப்பா பாருங்க! மீட் யு ஆல் அகைன் இன் நாயர் டீ கடை ஜோடி நம்பர் ஒன், சீசன் 25.

***

தொகுப்பாளர்: லெட் ஹஸ் வெல்கம் ஹவர் ஸ்பெஷல் கெஸ்ட். சொல்லுங்க நீங்க இந்த நிகழ்ச்சியை பத்தி என்ன நினைக்கிறீங்க?

ஸ்பெஷல் ஜட்ஜ்: இது என்கு ரொம்ப புட்ச்ச நிகல்ச்சி. இதை நான் டெய்லி மறக்காம பார்ப்பேன். இதுல எல்லாரும் ரொம்ப நல்லா நடிக்கறாங்க. நான் இதுல ஒரு ஜட்ஜா வர வேண்டியது. பட் என்கு சரியா அல(ழ) வர்லேன்னு ரிஜெக்ட் பண்ணிட்டாங்க. ஆனா இப்போ ஸ்பெஷல் ஜட்ஜா வந்து இருக்குது ரொம்ப ஹாப்பி.

***

தொகுப்பாளர்: இன்னிக்கி நாயர் டீ கடை ஜோடி நம்பர் ஒன்ல மாட்டு பொங்கல் ஸ்பெஷல். இதுக்காக ஸ்பெஷலா ரெண்டு டெல்லி எருமை, நாலு பசு மாட்ட ஸ்டேஜ்ல கட்டி போட்டுருக்கோம். நம்ம ஜோடிகள் எல்லாம் ரெண்டு குழுவா பிரிஞ்சி யார் நல்லா பாட்டு பாடிக்கிட்டே நிறைய பால் கரக்கறாங்கனு போட்டி போட போறாங்க. மக்கள் நாயகன் ராமராஜன் இதுக்கு ஸ்பெஷல் ஜட்ஜா வந்துருக்காரு. அவரு பால் கறக்கரத பத்தி நம்ம ஜோடிகளுக்கு நிறைய டிப்ஸ் கொடுத்து இருக்காரு. சரி வாங்க நிகழ்ச்சிக்கு போவோம்.

***

தொகுப்பாளர்: போன வாரம் எழுந்து மேடைக்கு வந்த போது ஜோடிகள் அவரு கால்ல விழலைன்னு கோவிச்சுகிட்டு போன ஜட்ஜ நாங்க ஏர்போர்ட் வரைக்கும் போயி சமாதான பதுத்தி, ஏர்போர்ட்லேயே நம்ம ஜோடிகள் எல்லாம் டான்ஸ் ஆடி அத பார்க்க முடியாம ஏர்போர்ட் மேனேஜர் ஓடி வந்து ஜட்ஜ் கால்ல விழுந்து கேட்டு, ஒரு வழியா சமாளிச்சு அவர கூட்டிட்டு வரதுக்குள்ள போதும் போதும்னு ஆயிடுச்சு. அதை பத்தி இப்போ ஒரு சின்ன ரிகாப் பார்ப்போம்.

***

தொகுப்பாளர்: ஒவ்வொரு வாரமும் ஒரு ஜோடி தன் ஜோடியோட சண்டை போட்டுக்கிட்டு வேற ஜோடி கூட்டிட்டு வந்து ஆடுறதால, இருபது வாரம் ஆகியும் இன்னும் ஒருத்தர் கூட எளிமினேட் ஆகல. அதனால இனிமேல் யாரும் தன் ஜோடிய மாத்த கூடாதுன்னு நம்ம ஜட்ஜ்ஸ் கெஞ்சி கேட்டுகிட்டிருக்காங்க.

***

தொகுப்பாளர்: இந்த வார ரியாலிட்டி ஷோல, முதல்ல நம்ம ஜோடி குப்புசாமி வழக்கமா பீடா வாங்குற கடையோட பீடா கடைக்காரர் என்ன சொல்றாருன்னு பார்ப்போமா?

பீடா கடைக்காரர்: அந்த புள்ள பீடா வாங்கி போடறத பார்க்கும் போதே அது ஒரு நல்ல டான்சரா வரும்னு எனக்கு தெரியும்.....ஏங்க, கொஞ்ச இந்த பக்கம் வாங்க, நான் பீடா போட்டு துப்பர எடத்துல நிக்கிறீங்க.

தொகுப்பாளர்: அய்யய்யோ, சாரிங்க. சரி இப்போ இங்க இருக்க பீடா கடைக்கரங்க எல்லாம் சேர்ந்து ஒரு சின்ன ஷோ பண்ண போறாங்க. அதுக்கு ஜட்ஜ் நம்ம ஜோடி குப்புசாமி.

***

தொகுப்பாளர்: விஜய் டிவி ஜோடி நம்பர் ஒன்னுக்கு சின்ன திரையில இருந்து யாருமே ஆட வராததால பொது மக்கள் நேர்முக தேர்வு நடந்துக்கிட்டுருக்கு. வாங்க போயி யார் கிட்டயாவது மொக்கையை போடுவோம். ஹலோ, உங்க பேர் என்ன?

தேர்வாளர்: என் பேர் ரவி காந்த்.

தொகுப்பாளர்: எப்படி இருக்கு இந்த அனுபவம் உங்களுக்கு?

தேர்வாளர்: என்னங்க இது. ரெண்டு நாளா வரிசைல நிக்கறேன். இன்னும் இரண்டு நாள் ஆகும்னு சொல்றாங்க. திருப்பதிக்கு கூட நான் இவ்வளவு நேரம் வெயிட் பண்ணது கிடையாது. வெயிட் பண்ணிகிட்டிருக்கவங்க எல்லாம் அழறதுக்கு பயிற்சி பண்ணி பார்த்து கிட்டு இருக்காங்க. ஏதோ எழவு வீட்டுக்கு வந்துருக்கற மாதிரி இருக்குது எனக்கு.

தொகுப்பாளர்: சரி நீங்க எப்படி பயிற்சி பண்ணி இருக்கீங்க?

தேர்வாளர்: ஒரு வாரமா ஒக்காந்து எல்லா மெகா சீரியலையும் பார்த்தேன். இப்போ நீங்க ஹும்னு சொன்னவுடனேயே என்னால அழ முடியும்.

***

ஜட்ஜ்: என்ன, நீல நிறத்துல டிரஸ் பண்ணிக்கிட்டு வந்து இருக்கீங்க? நீங்க நினைவுகளா? ஹா ஹா ஹா!

ஜோடி: சார், போன வாரம் வெள்ளை நிறத்துல போட்டோம் உடனே தேவதைகளானு கேட்டீங்க? இப்போ இப்படி கேக்கறீங்க. நாங்களே நீங்க எடுத்த அந்த படத்த பத்தி மறக்கனும்னு நினைக்கிறோம். நீங்க விடாம நினைவு படுத்தி கிட்டே இருக்கீங்களே சார். இது நினைவுகள் இல்ல சார் கொடுமைகள்.

***

ஜட்ஜ்: நீங்க ரெண்டு பெரும் நல்லா ஆடி இருந்தீங்க. பிசிக்ஸ், கெமிஸ்ட்ரி, பயாலஜி மூணுமே இருந்தது. ஆனா நீங்க செலக்ட் பண்ண பாட்ட பாடுனவரோட வாய்ஸ் சரி இல்ல. அதனால இந்த வாரம் நான் உங்களுக்கு கொடுக்குற மார்க் -3.

ஜோடி: எதுக்கு சார் -3? நாங்க ரெண்டு பேரும் தான் நல்ல ஆடுனோமே சார்?

ஜட்ஜ்: இப்போ பாருங்க. ஒரு வண்டி மேட்டு மேல ஏறும் போது ஆக்ஸ்லேடர் வொர்க் ஆகலைன்னா வண்டி ஊரு போயி சேராது. பின்னால தான் போகும்.

ஜோடி: பட் நாங்க ஊருக்கே போகலையே சார். டான்ஸ் ஆட தான வந்து இருக்கோம். நாங்க ஆடுனதுக்கு அட்லீஸ்ட் நீங்க 0 மார்க் ஆவது கண்டிப்பா கொடுக்கணும் சார்.

***

ஜோடி: எங்களுக்கு இந்த ஜோடி நம்பர் 1ல வந்து ஆடி பரிசு வாங்கனும்னு எல்லாம் ஒண்ணும் இல்ல சார். எங்க வீட்டு ஜிம்மி எப்ப ஜோடி நம்பர் ஒன் போட்டாலும் வந்து டிவி முன்னாடி நின்னுகிட்டு முதல்ல உங்கள பார்த்து குறைக்கும் அப்புறம் எங்கள பார்த்து குறைக்கும். அப்பவே அது எங்கள உங்க முன்னாடி ஆடி உங்க கிட்ட இருந்து நல்ல பேர் வாங்கனும்னு சொல்றது எங்களுக்கு புரிஞ்சிது. இப்போ ஜிம்மி எங்களோட இல்ல சார்.

ஜட்ஜ்: எனக்கு என்ன சொல்றதுன்னே தெரியல. உங்களுக்கு என்னோட மார்க் 10. நான் யாருக்கும் பயப்பட வேண்டியதில்லை. நான் நெனச்சத செய்வேன். சரி உங்க ஜிம்மிக்கு என்ன ஆச்சு?

ஜோடி: பிரசவத்துக்கு அவங்க மாமியார் வீட்டுக்கு போயிருக்கு சார்.

***

இயக்குனர்: பேசிகிட்டிருக்கும் போதே நீங்க கோவம் வந்து உங்க ஜோடிய பளார்னு ஒரு அரை விடறீங்க.

பெண் ஜோடி: என்ன சார். அவர் என்ன அரஞ்சா என் இமேஜ் என்ன ஆகும் சார்?

இயக்குனர்: கவலை படாதீங்க. நீங்க அடுத்த எபிசோட்ல பத்து பேரோட போயி அவர பின்னி பிடல் எடுக்கறீங்க.

பெண் ஜோடி: அப்ப ஓகே சார்.

***

விஜய் டிவி விளம்பரம்:

உங்களுக்கு நல்லா கை தட்ட வருமா? யாரவது அழுவதை பார்த்தா, உடனே அழ வருமா? சும்மா ஒக்கார்ந்து வேடிக்கை பார்க்க உங்களுக்கு ஐந்நூறு ரூபாய் பணமும், சிக்கன் பிரியாணியும் வேணுமா? உடனே விஜய் டிவி ஜோடி நம்பர் ஒன் நேயர்கள் நேர்முக தேர்வுக்கு விண்ணப்பியுங்கள்.

பிரதிபிம்பங்கள் - மார்ச் 2008 PIT புகைப்படப் போட்டி

2008-03-15T00:09:00.000+08:00

இந்த முறை தலைப்பு தலையை பிச்சிக்க வச்சுடுச்சு. தலைப்ப பார்த்தவுடனே தோன்றுவது ஒன்று தண்ணீரில் பிரதிபலிப்பு இல்ல கண்ணாடியில் பிரதிபலிப்பு. இது இல்லாம வேறு எதாவது எடுக்கலாம்னு யோசிச்சி யோசிச்சி இருக்கும் கொஞ்ச நஞ்ச முடியும் கொட்டிடுச்சு. கடைசியில் இறுதி நாள் நெருங்கி விட்டதால், மேலே சொன்ன இரண்டு விதத்திலும் படங்களை எடுத்து போட்டு இருக்கேன். பார்த்தீங்கனா எப்படி இருக்குன்னு சொல்லிட்டு போங்க!

மேலே உள்ள படங்கள் தமிழில் புகைப்படக்கலை வலைப்பூவில் நடத்தப்படும் போட்டிக்காக பதிக்கப்பட்டவை.

ஜோதா அக்பர் திரைப்பட விமர்சனம்!

2008-02-24T10:32:00.001+08:00

நடிகர்கள்: ஹ்ரித்திக் ரோஷன், ஐஸ்வர்யா ராய்
இயக்குனர்: அஷுடோஷ் கோவாரிகர்
தயாரிப்பு: ரோன்னி ஸ்க்ருவாலா, அஷுடோஷ் கோவாரிகர்
கதை: ஹைதர் அலி
இசை: ஏ. ஆர். ரஹ்மான்
ஒளிப்பதிவு: கிரண் தியோஹன்ஸ்
எடிட்டிங்: பல்லு சலுஜா

வீர பாண்டிய கட்டபொம்மனுக்கு எப்படி ஒரு சிவாஜி கணேசனோ அது மாதிரி அக்பருக்கு ஒரு ஹ்ரித்திக் ரோஷன்னு சொல்லலாம். சிவாஜி பேசிய அளவுக்கு நீண்ட வசனங்கள் இல்லை என்றாலும் கூட அக்பர் இப்படி தான் இருந்திருப்பார் என்று கண்டிப்பாக நம்பும் படியாக கன கச்சிதமாக பொருந்தி இருக்கிறார். இனி அக்பர் என்றாலே எனக்கு ஹ்ரித்திக் தான் ஞாபத்துக்கு வருவார்.

எப்போதுமே இந்த மாதிரி சரித்திர படங்களை எதுப்பது ஒரு பெரிய ரிஸ்க். இந்த படத்தை அஷுடோஷ் கோவாரிகர் எடுக்க போறாருன்னு கேள்வி பட்டவுடனே எங்க படம் ஊத்திக்க போகுதோன்னு ரொம்ப கவலை பட்டேன். படம் வெளியாகி ஓரளவுக்கு நல்லா ஓடுதுன்னு தெரிஞ்சவுடனே தான் நிம்மதி பெருமூச்சு விட்டேன். ஏன்னா நான் கோவாரிகரோட மிகப்பெரிய விசிறி. அவர் படம் எடுக்குற உத்தி எனக்கு ரொம்ப பிடிக்கும். ரொம்ப யதார்த்தமா எடுப்பார். இந்த படமும் அப்படிதான். ஆனா ரொம்ப பிரமாண்டமா எடுத்திருக்கார். நம்ம நாட்டுலையும் இந்த மாதிரி ஹாலிவுட் ரேஞ்சுக்கு படம் எடுக்கறாங்களேனு ரொம்ப பெருமையா இருக்கு. படத்துல வர போர் கட்சிகளை எல்லாம் பார்த்து அசந்து போயிட்டேன்.

எனக்கு ஹ்ரித்திக் ரோஷனுடைய நடிப்பு பெருசா ஒண்ணும் பிடிக்காது. அவருடைய படம் சிலது நல்லா இருக்கும், ஆள் நல்லா நடனம் ஆடுவார். அவ்வளோதான் அவரை பற்றி என்னுடைய அபிப்பிராயம். ஆனா இந்த படத்துல அவர் பின்னி பிடல் எடுத்துட்டார். அப்படியே அக்பராகவே வாழ்ந்து இருக்கார். இதுல கோவாரிகருடைய பங்கும் இருக்கும்னு நினைக்கிறேன். ஐஸ்வர்யா ராயும் ஜோதா பாத்திரத்தில் நல்லா பொருந்தி இருக்கார். அவருடைய பாத்திரத்தை அறிந்து அழகாக செய்திருக்கிறார்.

அக்பர் ஹிந்துஸ்தானை முழுவதுமாக முகலாயர்கள் ஆள வேண்டும் என்ற தன் முன்னோர்களின் விருப்பத்தை நிறைவேற்றுவதற்காக முயற்சி செய்கிறார். அந்த முயற்சியின் ஒரு பங்காக தான் அவர் ஜோதாவை திருமணம் செய்து கொள்கிறார். ஜோதா ராஜ்புட் வம்சத்தை சேர்ந்தவள். அவர் ஒரு ஹிந்து, அதிலும் சுத்த சைவம். இவர்களின் திருமணம், அதில் எழும் பிரச்சனை, திருமணத்திற்கு பின் இவர்களுக்குள் உதிக்கும் காதல், உள்நாட்டு சதி, அக்பரின் ஆட்சி திறன், அவர் நல்லாட்சி செய்ய எடுத்து கொண்ட முயற்சி என அனைத்தையும் மிக அழகாக சொல்லியிருக்கிறார்கள்.

"அக்பர் தி கிரேட்" பேரை கேட்டாலே ஒரு கம்பீரம் தெரியுது இல்ல. அதை இந்த படத்துல பார்க்கலாம். படத்துல வர நிறைய விஷயங்கள் சின்ன வயசுல ஹிஸ்ட்ரி புத்தகத்துல படிச்சதெல்லாம் ஞாபகப்படுத்துது. இந்த மாதிரி நாலு படம் பார்த்தா போதும் புத்தகத்தையே படிக்க வேண்டாம். படத்துல ஒளிப்பதிவும், இசையும் பிரமாதம். ஒளிப்பதிவு நான் முன்னமே சொன்ன மாதிரி ஹாலிவுட் ரேஞ்சுக்கு இருக்கு. இசையை பத்தி சொல்லவே வேண்டாம். ஏ. ஆர். ரஹ்மான் திரும்பவும் அவர் ஒரு ஜீநியஸ்னு நிரூபிச்சிருக்கார். பாட்டெல்லாம் அப்படியே மெய் சிலிர்க்க வைக்குது. இதை படிக்கும் போது என் வலைப்பூவில் ஒலிக்கும் இசையும் இந்த படத்தில் வருவது தான். ஏ.ஆர்.ரஹ்மானுக்கும் கோவாரிகருக்கும் கெமிஸ்ட்ரி நல்லா வொர்க்-அவுட் ஆகுது. இவர்கள் இணைந்து செய்த மூன்று படத்திலும் பாடல்கள் எல்லாம் சூப்பர் ஹிட்.

படம் கொஞ்சம் நீளமாக இருந்தாலும் ரொம்ப நல்லா இருக்கு. அஷுடோஷ் இந்த மாதிரி எப்பவுமே நல்ல படங்களா எடுக்கனும்னு நான் மனதார வாழ்த்துகிறேன்!

ஆன்சைட் டிராவல்

2008-02-22T22:53:00.000+08:00

ஆன்சைட் டிராவல்னாலே எல்லாரும் ரொம்ப ஆவலா இருப்போம். எப்படா நம்மள அனுப்புவாங்கலோனு காத்துகினு இருப்போம். ஆனா எங்க டீம்ல அப்படி இல்லைங்க. எங்கடா நம்மள ஆன்சைட் அனுப்பிட போறாங்கலோனு பயந்துகிட்டே இருப்பாங்க. எதுக்குன்னு பாக்கறீங்களா? வேற ஒண்ணும் இல்ல, ஆன்சைட்னாலே அது சப்போர்ட் வேலைக்காக தான் இருக்கும். சப்போர்ட் வேலைன்னா சும்மா இல்ல பென்ட் கயண்டிடும். காத்தால ஏழு மணிக்கு போனா நைட் எட்டு மணி வரைக்கும் வேலை பார்க்கணும். அதுவும் இந்த டிரேடிங் பன்றவங்களுக்கு மத்தில. இது தெரியாம ஒருத்தன் புதுசா வந்து எங்க டீம்ல சேர்ந்தான்.

அவன் சேர்ந்த கொஞ்ச நாள்ல ஆன்சைட் வாய்ப்பு வந்தது. ஏற்கனவே போயிட்டு வந்த இரண்டு பேர்ல ஒருத்தர அனுப்பலாம்னு கேட்டாங்க. முதலாம் நபர், "நான் இப்போ தான போயிட்டு வந்தேன். நீ போயிட்டு வாயேன்னு" இரண்டாம் நபரை பார்த்து சொன்னார். இரண்டாம் நபர், "நான் தான் ஏற்கனவே போயிருக்கேனே. இவரு போயிட்டு வரட்டுமே. ஒரு நல்ல அனுபவமா இருக்கும்" அப்படீன்னு புதுசா சேர்ந்தவரை பார்த்து சொன்னார். புதுசா வந்து சேர்ந்தவருக்கு தலை கால் புரியல. என்னடா இவங்க எல்லாம் இவ்வளோ நல்லவங்களா இருக்காய்ங்க. தனக்கு வந்த வாய்ப்ப இப்படி நமக்கு விட்டு தராங்களேனு ஒரே வியப்பு அவருக்கு. இவ்வளவு நல்லவங்கள நான் பார்த்ததே இல்லையே, 'கிரி' வடிவேலுவ இவங்க மிஞ்சிட்டாங்கனு அவரு நெனச்சது அவரு முகத்துல தெரிஞ்சது.

ரொம்ப சந்தோஷமா சரின்னு தலை ஆட்டுன அவர் எல்லாருக்கும் தன் நன்றியை வாரி இறைச்சார். எஸ்கேப் ஆன இரண்டு பேரும் ஒருத்தர் முகத்தை ஒருத்தர் பார்த்து ஒரு அசட்டு சிரிப்பு சிரிச்சிகிட்டாங்க. அப்பாடா எப்படியோ எஸ்கேப் ஆகிட்டோம்னு நெனச்சிகிட்டாங்க. அந்த புது நபர ஊர், ஹோட்டல், அலுவலகம், ஊர் சுத்தும் இடம் எல்லாத்தை பத்தியும் சொல்லி ரொம்ப ஜாக்கிரதையா பலி ஆட்டுக்கு நல்லா தீனிய போட்டு ரெடி பண்ற மாதிரி ரெடி பண்ணி அனுப்பினாங்க. அவரும் ரொம்ப கெத்தா இந்த மாதிரி கெளம்பி போனாரு:

இரண்டு வாரமா அவரு கிட்ட இருந்து ஒரு போன் கால் கூட வரல. இரண்டு வாரம் கழிச்சி மனுஷன் திரும்பி வந்தாரு. எப்படி வந்தாரு தெரியுமா? இப்படி தான், அந்த கொடுமைய நீங்களே பாருங்க!

என்ன என்ஜாய் பண்ணீங்களா? ட்ரிப் எப்படி இருந்ததுன்னு எல்லாரும் கேட்டதுக்கு ஒண்ணும் பேசாம இப்படி ஒரு முறை முறைச்சாரு:

எங்க எல்லாருக்கும் சிப்பு தாங்கல. சாரி பார் தி பிரேக்னு சொல்லிட்டு ஆணிய பிடுங்க ஆரமிசிட்டோம். இவரை சிபாரிசு செய்த அந்த இரண்டு பேரையும் மேலயும், கீழயும் ஒரு லுக் விட்டார். "கடைசீல என்ன 'கிரி' வடிவேலு மாதிரி ஆக்கிட்டீங்கலேடான்னு" அவரு இப்போ நெனக்கிறது நல்லா தெரியுது;)

துணுக்கு மூட்டை

2008-02-22T20:05:00.000+08:00

விஜயகாந்த் தனது கட்சிக்காக புதுசா டிவி சானல் தொடங்க போறாராம். என்ன பேர் வைக்கலாம்னு யோசிச்சிகிட்டிருக்காறாம். அதுக்கு எதுக்கு ரோசனை? 'கேப்டன்' டிவின்னு ஆரமிச்சிட வேண்டியதுதானே? இதுதவிர முழுக்க முழுக்க அரசியல்மயமான பத்திரிக்கையையும் அவர் தொடாங்கவிருக்கிறாராம். அப்போ காமெடி பத்திரிக்கையா? ஹையா;)

*****

நம்ம அமீர் எதுத்த பருத்தி வீரன் படத்தோட புகழ் உலகம் முழுசா பரவுதுங்க. ஜெர்மன் நாட்டின் பெர்லின் நகரில் 58-வது சர்வதேச படவிழாவில் திரையிட இந்தியாவில் இருந்து பருத்தி வீரன் படமும் ஷாருக்கானின் ஓம் சாந்தி ஓம் படமும் தேர்வாகி இருக்காம். பருத்தி வீரன் சரி, அது எப்படி ஓம் சாந்தி ஓம் படத்த தேர்வு பண்ணாங்க? அது முழுக்க முழுக்க மசாலா படம். தாரே சமீன் பர் மாதிரி நல்ல படம் எல்லாம் இருக்கும் போது இதை போய் தேர்வு பண்ணி இருக்காங்க? அடக் கடவுளே!

*****

இந்த செய்திய படிச்சதும் எனக்கு தூக்கி வாரி போட்டது. "இந்தி நடிகர் ஷாருக்கான், கிரிக்கெட் வீரர் டெண்டுல்கர், டென்னிஸ் வீராங்கனை சானியா மிர்சா ஆகியோரின் தபால் தலைகள் வெளியிடுவது பற்றி மத்திய அரசு பரிசீலித்து வருகிறது." அடப்பாவிங்களா? என்ன இப்படி இறங்கிட்டீங்க? டெண்டுல்கர் சரி, சானியா நேத்து பெய்த மழைல இன்னைக்கு முளைச்ச காளான் - சாதிக்க இன்னும் நிறைய இருக்கு, ஷாருக்கான் எனக்கு தெரிஞ்சி ஒண்ணுமே செய்யல நாட்டுக்கு. போற போக்குல விஜய்க்கு 'தமிழன்' படத்துல தபால் தலை வெளியிடுவாங்களே அது நிறைவேறிடும் போல;)

*****

என் அலுவலகத்துல கூட வேலை பார்க்குற நண்பர் ஒருத்தர் விழுந்து விழுந்து வேலை பார்ப்பார். எப்போ அவருக்கு மீட்டிங் ரிக்குவெஸ்ட் போடலாம்னு பார்த்தாலும் அவர் காலண்டர் பிசியாவே இருக்கும். பயங்கரமா வேலை செய்யறார் போலன்னு நாங்களும் நெனசிப்போம். ஒரு தடவை அவர் அவரது கணினியை லாக் பண்ணாம எங்கேயோ போயிருந்தார். அப்போன்னு பார்த்து ஒரு மீட்டிங் ரிமைன்டர் கிளிங்னு சத்ததோட அவர் கணினியில இருந்து வந்தது. நானும் ஏதாச்சும் முக்கியமான மீட்டிங் இருக்க போகுதுன்னு உடனே எழுந்து போயி பார்த்தா, இதாங்க அந்த மீட்டிங் ரிக்குவெஸ்ட், "India Times + Rediff Newspaper". இந்த கொடுமைய எங்கிட்டு போயி சொல்ல?

வட்டம் - பிப்ரவரி 2008 PIT புகைப்படப் போட்டி

2008-02-08T03:53:00.000+08:00

வெங்காயத்துலையும் வட்டம் கீதுங்க...

புல்லாங்குழலில் ஒளி வட்டம்...

இவைகள் தமிழில் புகைப்படக்கலை வலைப்பூவில் நடத்தப்படும் போட்டிக்காக பதிக்கப்பட்டவை.

விஜயகாந்த்-மைக்கேல் ஜாக்சன் ரீமிக்ஸ்!

2008-02-03T15:00:00.000+08:00

இது என்னோட இரண்டாவது ரீமிக்ஸ். இதுல கேப்டன் விஜயகாந்த் மைக்கேல் ஜாக்சனின் Dangerous பாட்டுக்கு ஆடியிருக்கார். பார்த்துட்டு எப்படி இருக்குன்னு சொல்லுங்க.

இதனுடைய youtube லிங்க்: http://www.youtube.com/watch?v=Gggr-H7eyLM

செய்திகள் வாசிப்பது வடக்குபட்டு ராமசாமி!

2008-02-02T18:39:00.000+08:00

இந்த செய்தி என்ன ரொம்பவே டச் பண்ணிடுச்சு. இடுக்கியில் இந்த வாரம் ஒரு தலைமை ஆசிரியை தனது பள்ளிக்கூடத்தில் பணம் திருடிய மாணவனை திருத்துவதற்காக தனக்கு தானே பிரம்படி கொடுத்துக்கொண்டாராம். திருடியவர் தனது குற்றத்தை ஒப்பு கொண்டு பணத்தை திருப்பி கொடுத்து விட வேண்டும் என்று இவர் அன்போடு கேட்டும் எந்த பலனும் இல்லை. உடனே பியூனிடம் ஒரு பிரம்பை கொண்டு வர உத்தரவிட்டார். 'யாருக்கு அடி விழா போகிறதோ?' என்று மாணவர்கள் நடுங்கியபடி இருக்க, இவர் தன்னை தானே அடிக்க ஆரம்பித்தார். மற்ற ஆசிரியர்களும் மாணவர்களும் தடுக்க முயன்றும் அவர் கேட்கவில்லை.

சிறிது நேரத்திற்கு பின் அந்த பணத்தை திருடிய மாணவன் கண்ணீர் விட்டு அழுத படி முன்னே வந்து, "என்னை மன்னித்து விடுங்கள் டீச்சர். நான் தன் பணத்தை திருடினேன். நான் திருந்தி விட்டேன். இனி இது போல் தப்பு செய்ய மாட்டேன்" என்று கூறினானாம். ஆசிரியை மீனாட்சி குட்டி அம்மா அந்த மாணவனை மன்னித்து அனுப்பி வைத்தாராம்.

இதை விட ஒரு சிறந்த தண்டனை அந்த மாணவருக்கு கொடுக்க முடியுமா? இனி அவன் திருடுவதை பற்றி கனவு கூட காண மாட்டான். மீனாட்சி குட்டி அம்மா 25 ஆண்டுகளாக ஆசிரியையாக பணியாற்றி வருகிறாராம். ஆனால் இது வரை அவர் யாரையும் அடித்ததில்லயாம். என் சார்பில் இந்த ஆசிரியைக்கு ஒரு ஓஓஓஓஒ போடறேன்!

*****

"இசைஞானி இளையராஜாவுக்கு பாரத ரத்னா விருது வழங்கி கெளரவிக்க வேண்டும் என விடுதலைச் சிறுத்தைகள் கட்சித் தலைவர் தொல். திருமாவளவன் கோரிக்கை விடுத்துள்ளார். சில நாட்களுக்கு முன்பு மதிமுக பொதுச் செயலாளர் வைகோவும், இளையராஜாவுக்கு பாரத ரத்னா விருதினை வழங்க வேண்டும் என்று கோரியிருந்தது குறிப்பிடத்தக்கது.

பாரத ரத்னா விருதை வைத்து பல சர்ச்சைகள் சமீபத்தில் உருவாகின. வாஜ்பாய் முதல் சச்சின் டெண்டுல்கர் வரை பலருடைய பெயர்களும் இந்த விருதுக்காக பலரால் பரிந்துரைக்கப்பட்டன. ஆனால், 2007ம் ஆண்டுக்கான பாரத ரத்னாவை யாருக்கும் வழங்குவதில்லை என்று மத்திய அரசு முடிவெடுத்துவிட்டது."

அப்பாடா! விட்டா ராமர் பாலம், காவேரி பிரச்சனை மாதிரி இதையும் அரசியல் ஆக்கிட்டிருப்பாங்க. பாரத ரத்னா விருதுக்கு ஒரு மரியாதையே இல்லாம போச்சு (நான் நம்ம இளையராஜாவ சொல்லலீங்க). என்ன கேட்டா நம்ம இளைய தளபதி டாக்டர் விஜய்க்கு தான் பாரத ரத்னா விருது வழங்க வேண்டும்;)

*****

"சினிமாவில் புகை பிடிக்கும் காட்சியில் நடிக்க கூடாது என்று மத்திய மந்திரி அன்புமணி விடுத்த வேண்டுகோளை நடிகர் ஷாருக்கான் நிராகரித்துள்ளார். சினிமா துறையினருக்கு படைப்பு சுதந்திரம் இருப்பதாக அவர் கூறியுள்ளார்."

புகை பிடிக்கிறதுல என்ன படைப்பு சுதந்திரம்? இவரு என்னத்த கிங் ஹாப் பாலிவுட்டோ?

*****

"பொய் வழக்கு போடப்பட்டது தி.மு.க. ஆட்சி காலத்திலா அல்லது அ.தி.மு.க. ஆட்சி காலத்திலா என்பது குறித்து சட்டசபையில் காரசார வாக்குவாதம் நடைபெற்றது."

அட்ரா, அட்ரா...இந்த மாதிரி உண்மை உங்க வாயில இருந்தே வெளியே வந்தா சர்தான்!

*****

"சிவாஜி பட விழாவில் நடிகை ஷ்ரேயா அணிந்து வந்தா ஆபாச உடை விவகாரத்தை நேற்று சட்டசபையில் பா.ம.க. உறுப்பினர் வேல்முருகன் எழுப்பினார். அதற்கு பதில் அளித்த அமைச்சர் ஆற்காடு வீராசாமி நடிகைகள் எப்படி உடை அணிய வேண்டும் என்று சட்டம் கொண்டுவர முடியாது என்றார்."

ஆஹா! சட்ட சபையில பேச வேண்டிய ரொம்ப முக்கியமான பிரச்சனை இது தாங்க. எல்லாரும் என்னன்னவோ யோசிச்சிகிட்டிருக்கப்ப இவரு மட்டும் எதை பத்தி யோசிச்சிகிட்டிருக்காருன்னு பாருங்க?

*****

ராமர் பாலத்தை பாரம்பரிய சின்னமாக அறிவிக்க வேண்டும் என்ற ஜெயலலிதாவின் கோரிக்கையை சுப்ரீம் கோர்ட்டு நிராகரித்தது. நீதிபதிகள் "ஒரே விஷயத்தில் எத்தனை மனுக்கள்தான் தாக்கல் செய்வீர்கள்?" என்று கேட்டனர். மேலும், "சேது சமுத்திர திட்டத்துக்கு 2005-ம் ஆண்டு மார்ச் மாதம் ஒப்புதல் அளிக்கப்பட்டது. 3 ஆண்டுகள் கழித்து ஒரு மக்கள் பிரதிநிதி வழக்கு போடுகிறார். அந்த அமைப்பை யாரும் பார்த்து இல்லை. அதை தேசிய பாரம்பரிய சின்னமாக அறிவிப்பது பற்றி யாரும் சிந்திக்கவில்லை. இந்த நிலையில் அவரிடம் இருந்து இந்த கோரிக்கை வந்திருப்பது ஆச்சரியமாக இருக்கிறது.

நீதிபதிகள் கருத்தை கேட்ட வக்கீல் குரு கிருஷ்ண குமார், "ராமர் பாலத்தை பாரம்பரியச் சின்னமாக அறிவிக்க வேண்டும்" என்ற கோரிக்கையை வாபஸ் பெறுவதாக கூறினார்.

இவங்க பண்ற காமெடிக்கு அளவே இல்லாம போச்சுய்யா. நீதிபதிகள் ஆச்சரிய படர அளவிற்கு இதுல ஒண்ணுமில்லையே? இதெல்லாம் அவங்களுக்கு ஜகஜம் தானே! இவங்க எப்பவுமே இப்படி தான் எஜமான்!

ஊர் வம்பு!

2008-01-26T12:51:00.000+08:00

ஏசுதாஸ்: அடுத்து யாருடைய பாட்ட ரீமிக்ஸ் பண்ண போறாங்கலாம்?

எம்.ஸ்.வி: அந்த எழவ எவன் கண்டான்?

ஏசுதாஸ்: உங்கப்பா பாட்ட கூட ரீமிக்ஸ் பண்ண போறாங்களாமே?

சிவசிதம்பரம்: ரீமிக்ஸ்ஸா... அடங்கப்பா கப்பு தாங்கல!

*****

பாலச்சந்தர்: ஏம்மா, கேஸ் எல்லாம் எப்படி போயிட்டிருக்கு?
குஸ்பூ: அத ஏன் சார் கேக்கறீங்க? இப்போவெல்லாம் நான் டாய்லெட் கூட செருப்பு போட்டுக்கிட்டு போறதில்ல.

*****

ஷங்கர்: ஸ்ரியாவ பார்த்தீங்களா? சிவாஜில கூட இப்படி காஸ்ட்யும் கொடுக்கலையே அவங்களுக்கு? மிஸ் பண்ணிட்டோமா?

*****

ரஜினி: ஆமா, கமல் உங்க பொண்ணு ஹீரோயினா நடிக்குதாமே? சொல்லவே இல்ல?
கமல்: இல்ல ரஜினி! நீங்க உங்க அடுத்த படத்துக்கு ஹீரோயின் தேடுறீங்கன்னு சொன்னாங்க. அதன் சொல்லல!
கமல்: கொஞ்சம் ஓவரா பேசிட்டோமோ?
ரஜினி: ச்சே! தெரியாத்தனமா கேட்டுட்டோமோ?
பிரபு: கேட்டீங்களா விஷயத்த? கமல் ரஜினி ஸார நக்கல் அடிசிட்டாராம்.
கமல்: ஏதோ, தெரியாம மனசுல இருந்தத அப்படியே பேசிட்டேன். நீங்க தான் ரஜினிய சமாதானம் பண்ணனும்.
பாலச்சந்தர்: ஏதோ, தெரிஞ்சோ தெரியாமலோ உண்மைய சொல்லிட்ட. நான் பார்த்துக்குறேன், விடு!

சிரிக்கப் படாது!

2008-01-19T22:20:00.000+08:00

நாடு ரொம்ப கெட்டு கெடக்குதுங்க. நம்ம பய புள்ளைங்க வர வர எந்த விஷயத்தையுமே சீரியஸா எடுத்துக்கறதில்ல. எது சொன்னாலும் ஒரு நக்கலு, நய்யாண்டி, ஏகத்தாளம்...என்னத்த சொல்ல. நான் போன வாரம் வந்த சில செய்திய நண்பர்கள் கிட்ட சொன்னா நக்கலா சிரிக்கிறாங்க. எவ்வளவு சீரியஸான மேட்டர். சரி, நீங்களாச்சும் சிரிக்காம இந்த விஷயத்தை எல்லாம் கொஞ்சம் படிங்க. இதெல்லாம் போன வாரம் சில தலைவர்களால் விடப்பட்ட அறிக்கைகளில் இருந்து எடுக்கப்பட்டவை.

அதிமுக கட்சி தலைவி கூறியதில் இருந்து சில வரிகள்:

எப்போது அதிமுக ஆட்சி என் தலைமையில் மலரும் என்று மக்கள் கேட்க தொடங்கி விட்டார்கள்.
(அப்படியா. சொல்லவே இல்ல. எப்போ? என் காதுல விழவே இல்லையே?)

தற்போது, சில புதிய கட்சிகள் புற்றீசல்கள் போல வலம் வந்து கொண்டிருக்கின்றன. அவற்றை பற்றி எல்லாம் நாம் கவலைபட தேவையில்லை. மக்களும் அக்கட்சிகளை பற்றி பொருட்படுத்தவும் இல்லை.
(இதையும் சொல்லவே இல்ல? எங்களை பத்தி எங்களை விட உங்களுக்கு நல்லா தெரியுதுங்கோ!)

எம்.ஜி.ஆரின் மறைவிற்கு பிறகு 20 ஆண்டு காலம் கழித்து இன்று தான் நான் ராமாவரம் தோட்டத்திற்கு வந்திருப்பதாக பத்திரிக்கைகளில் செய்தி வந்திருக்கிறது. ஆனால் அத்தகைய செய்திகள் தவறு என்பதை சுட்டிக்காட்ட விரும்புகிறேன். எம்.ஜி.ஆரின் மறைவிற்கு பிறகு 1995-ம் ஆண்டு நான் முதல் அமைச்சராக இருந்த போது ஜானகி அம்மாவை சந்திப்பதற்கு இந்த இல்லத்திற்கு வந்திருந்தேன். அதன் பிறகு 1996-ம் ஆண்டில் ஜானகி அம்மையார் மறைந்து விட்டார் என்ற செய்தி கேள்விபட்டதும் அவருக்கு இறுதி அஞ்சலி செலுத்த நான் இங்கே வந்திருந்தேன்.
(அதான. எதுக்கு இப்படி தப்பு தாப்பா செய்தி போடறாங்களோ தெரியல. ராஸ்கோல்ஸ்! நீங்க தான் ரெகுலரா பத்து வருஷத்துக்கு ஒரு வாட்டி போயிட்டு வந்துடறீங்களே!)

சில பேர் எம்.ஜிஆர். போலவே அரசியலில் வந்துவிடலாம் என்று எண்ணி திடீர் திடீர் என்று கட்சிகளை தொடங்குகிறார்கள். இன்ஸ்டன்ட் காப்பி தயாரித்து விடலாம். இன்ஸ்டன்ட் தலைவர்களை தயாரிக்க முடியாது. இவ்வாறு முயற்சி செய்வதை பார்க்கும் போது புலியை பார்த்து பூனை சூடு போட்டுக்கொண்டதாம் அந்த கதைதான் நினைவுக்கு வருகிறது. எம்.ஜி.ஆரின் அரசியல் வாரிசுகள் நாம்தான். வேறு யாராவது நாங்கள் தான் எம்.ஜி.ஆர். வாரிசு என்று சொன்னால் மக்கள் எள்ளி நகையாடுவார்கள்.
(ஹா ஹா ஹா ஹா ஹா! எள்ளி நகையாடிவிட்டேன். என்ன ஒரு உவமை. நீங்க சொல்றது சரி தான். நீங்க சொல்றதுல ஒருத்தர் ஒடம்பு முழுக்க சூடு போட்ட மாதிரி தான் இருப்பார். ஆனா ரொம்ப கோவக்காரர். அநியாயம் நடக்கறத பார்த்தா பல்ல தட்டி கேப்பார். அப்படியும் ஒண்ணும் ஆகலைன்னா பேசியே சாகடிச்சிடுவார். படத்துல தாங்க.)

சிலருக்கு சில நேரங்களில் பித்தம் ஏறுவது இயற்கை. பித்தம் தலைக்கு ஏறியது தெளிய வேண்டும் என்றால் சிறிது நேரம் ஆட விடவேண்டும்.
(ஆஹா! இது வேறயா. ஆடுங்கைய்யா, ஆடுங்க)

**********************

அகில இந்திய சமத்துவ மக்கள் கட்சி தலைவர் சொன்னதில் இருந்து சில வரிகள்:

புற்றீசல்கள் போல பெருகி வரும் கட்சிகளை கண்டு அதிமுகவினர் பயப்பட வேண்டாம் என்று ஜெயலலிதா கூறியுள்ளார். அவரின் இந்த அறிக்கையில் இருந்தே அவர் பயப்படுகிறார் என்பது தெளிவாக தெரிகிறது.அவர் எம்.ஜி.ஆர். பயறை சொல்லி மக்களை ஏமாற்ற பார்க்கிறார். கருப்பு என்.ஜி.ஆர். என்று சொல்லி வருகிறார்கள். யாரும் எம்.ஜி.ஆர். ஆகி விட முடியாது. நான் சிறு வயதில் இருந்தே என்.ஜி.ஆரை முன் உதாரணமாக கொண்டு வாழ்ந்து வருகிறேன். அவர் வழியில் செயல்பட்டு, தமிழகத்தில் காமராஜர் ஆட்சியை அமைப்பதற்கு பாடுபடுவேன்.
(முதல சொன்னது பாயிண்ட். ஆனா கடைசில நீங்களும் அவர் பேரையே சொல்றீங்களே. இன்னும் எத்தனை பேருயா இது மாதிரி கெளம்பி இருக்கீங்க?)

**********************

நடராஜன் அறிக்கையில் இருந்து சில வரிகள்:

இன்னும் 3 மாதத்தில் நீ திருந்தாவிட்டால் புதிய கட்சி தொடங்கி உன்னை சந்திப்பேன். நீ அரசியலை விட்டு விலகி ஹைதராபாத் ஓட இருந்ததை ஒரு காலத்தில் தடுத்த நான், இப்போது உன்னை எச்சரிக்கிறேன். இன்னும் 3 மாதத்தில் நீ திருந்தாவிட்டால் புதிய கட்சி தொடங்கி உன்னை சந்திப்பேன். ஆட்சியை தீர்மானிப்பது பெரும்பான்மையினர் என்பது கருணாநிதிக்குத் தெரியும் என்பதால் அவர் எச்சரிக்கையாக இருக்கிறார். நீ வீட்டை விட்டே வெளியே வர மாட்டாய். நான் மக்களோடு மக்களாக இருப்பவன்.
(அட்ரா அட்ரா! சபாஷ். சரியான போட்டி! ஆனா, நான் உங்களை மக்களோடு மக்களாக பார்த்ததே இல்லையா?)

உன்னை உருவாக்கிய எம்ஜிஆரை மறந்துவிட்டு ஜெயா டிவி, ஜெயா பிளஸ் டிவிக்களை துவங்குகிறார். விரைவில் நான் எம்ஜிஆர் டிவியை துவங்குவேன். என் தலையை அடகு வைத்தாவது அதை நடத்துவேன்.
(இது பாயிண்ட். இது இவ்வளவு நாளா எனக்கு தோனவே இல்லையே! ஆமாம். நீங்களும் கெளம்பிட்டீங்களா? அவர் ஒருத்தர் பேர வச்சு இன்னும் எத்தனை பேருயா?)

**********************

ஸ்ஸ்ஸ்...அப்பாடா...கண்ண கட்டுதே. எனக்கு எப்பவெல்லாம் மனசு சரியில்லாம இருக்கோ அப்பவெல்லாம் இந்த மாதிரி செய்திய படிச்சி மனச தேதிக்குவேன்! ஹும்!

2007ல் எடுத்ததில் பிடித்தது - படத்தொடர்

2008-01-12T18:59:00.000+08:00

காலைல எழுந்ததும் மெயில் செக் பண்ணா கைப்புள்ள கிட்ட இருந்து என்னோட வலைப்பதிவுக்கு பின்னூட்டம். ஆஹா ஒரு பெரியாளு வந்து நம்ம பதிவுக்கு பின்னூட்டம் போட்டிருக்காறேன்னு சந்தோஷமா கிளிக்கி பார்த்தா எனக்கு ஏதோ கொக்கி போட்டிருக்கேன்னு எழுதி இருந்தாரு.
அதை பார்த்ததும் வயித்துல புளிய கரைச்சிது. என்னடா நம்மள ஏதாச்சும் கதை கிதை எழுத சொல்லி இருப்பாறோன்னு பயம். நம்ம தான் எழுதுறதுல கத்து குட்டியாச்சே. இந்த சனி, ஞாயிறுல தான PIT போட்டிக்காக போட்டோ எடுக்கனும்னு இருந்தேன். சரி என்னதான் விஷயம்னு பார்ப்போம்...எதுவும் முடியலனா, "அடி வாங்கினது நான் தான். கப் எனக்கு தான்"னு வடிவேலு மாதிரி சொல்லி சமாளிச்சிரலாம்னு முழுசா படிச்சேன். அப்பாடா... இவ்வளோதானா மேட்டர். நன்றிங்க கைப்ஸ்!

ஆமா, இதுவும் ஒண்ணும் சாதாரண விஷயம் இல்லையே. இந்த டிஜிட்டல் கேமரா கண்டுபிடிச்சாலும் பிடிச்சாங்க பக்கத்து தெரு வரைக்கும் கேமரா எடுத்துட்டு போனாலே ஒரு 50 படமாச்சும் கிளிக்கிடறேன். அதுல எங்க இருந்து ஒன்னே ஒன்ன மட்டும் செலக்ட் பண்றது. சரின்னு போன வருஷம் எடுத்த எல்லா படத்தையும் ஒரு லுக் விட்டப்புறம் தான் புரியுது, வேலை ரொம்ப சுளுவுன்னு. நான் ரொம்ப நல்லா எடுத்து இருக்கேன்னு நெனச்சிகிட்டு இருந்த படம் எல்லாம் இப்போ பார்த்தா அவ்வளவா பிடிக்கலை. கடைசியா தேறுன ஒரு ஏழு எட்டு படத்துல இதை போட்டிருக்கேன்.

இதை நான் தென் கொரியா ஊர் சுத்த போயிருந்தப்ப யதேற்சியா எடுத்தது. இதை காட்டி எல்லார் கிட்டயும், படத்த எடுத்தது பி.சி.சத்யா'னு சொல்லி அலம்பினது இன்னும் ஞாபகம் இருக்கு. கேட்டவங்களோட ரியாக்க்ஷன பார்க்கணுமே, பிரியாணியில லவங்கத்த கடிச்ச உடனே ஒரு ரியாக்க்ஷேன் கொடுப்பாங்களே அதே மாதிரி. சரி, அதெல்லாம் எதுக்கு இப்போ. இந்த மாதிரி படம் எல்லாம் என்னாலயும் எடுக்க முடியும்னு எனக்கு காட்டுன படம். சுத்தி வெளிச்சமா இருந்த போதும், எங்கயோ தூர தெரிஞ்ச இந்த சூரிய அஸ்தமனத்தை Canon S3-IS மூலம் 10x zoomல் எடுத்தது. 2007ல் என் மனம் கவர்ந்த படம் இதுதான்.

சரி. இப்போ மூணு பேருக்கு கொக்கி போடணும். யார் யாருக்கு எல்லாம் ஏற்கனவே கொக்கி போட்டாச்சு, இதை ஆரமிச்சது யாருன்னு பார்க்கலாம்னு பார்த்தா போயிட்டே இருக்கு. தலை, கால் கண்டுபிடிக்க முடியல. எனக்கு தெரிஞ்சவங்கள்ல இவங்களுக்கு கொக்கி போடறேன்:

1. தம்பி

2. நட்டு

3. குசும்பன்

இவங்களுக்கு ஏற்கனவே கொக்கி போட்டாசான்னு தெரியல. (அதை கண்டு பிடிக்க ஏதாச்சும் வழி இருக்கா?)